Juan 21:18 - Inkeanon

¹⁸ Hambae pa gid ni Jesus kana, “Pedro, kat bata ka pa hay ikaw 't-a ro gapahaom kon gapanaw ka ag pagusto ka man kon siin maadto. Pero matuod gid rang ginahambae kimo nga kon maggueang ka eon hay alsahon mo ro imong mga alima, ag may gahigot it kaeat sa imong eawas ag daehon ka sa kon siin owa ka naila mag-adto.”

Juan 21:18 Iomraidhean Croise

Lucas 12:37

Bulahan gid-a ro mga sueuguon nga hiabutan ku andang amo nga haom ag nagabantay. Matuod rang ginahambae kinyo nga pag-abot it amo hay masuksuk imaw it eambong it manogserbi ag paadtunon nana sa lamisa ro mga sueuguon ag serbihan.

Juan 13:36

Nagpangutana dayon si Simon Pedro kana, “Ginuo, siin ka't-imo gaadto ay?” Nagsabat si Jesus, “Indi ka pa kamunot kakon makaron sa akong ginapaadtunan pero sa ulihi hay makaapas ka gid idto.”

Juan 21:17

Pinangutana ni Jesus it ikatatlong beses si Pedro, “Simon, unga ni Juan, ginahigugma mo baea ako?” Pagkabati kara ni Pedro hay nagsakit ro anang buot ay tatlong beses eon nga ginpangutana imaw ni Jesus kon ginahigugma nana ra. Tapos, nagsabat si Pedro, “Ginuo, sayod mo ro tanan ag ikaw mismo ro nakasayod nga ginahigugma ko ikaw.” “Kon mawron, tatapa gid ro akong mga katawhan nga matsa panong it karnero,” hambae ni Jesus.

Juan 21:19

Ro ginhambae ngara ni Jesus hay gapakilaea kon paano si Pedro mamatay, ag paagi karon hay mapadunggan na ro Dyos. Tapos ginhambae imaw ni Jesus, “Padayuna ro imong pagsunod kakon bilang masaligan nga sumueunod.”

Mga Binuhatan 21:11

Nag-adto imaw kamon ag ginbuoe ro ay Pablo nga hakos. Ay Agabus dayon nga gin-gapos kato ro anang kaugalingon nga siki ag alima. Naghambae dayon imaw, “Raya ro hambae it Espirito Santo: Makaraya ro matabo sa tag-ana ku rayang hakos. Gapuson imaw it mga Judio sa Jerusalem ag itugyan sa mga owa nagatuo sa Dyos.”

2 Corinto 5:4

Myentras nga iya pa kita sa aton ngarang eawas hay matsa nagapanghayhay kita dahil ginalisdan kita. Owa ako gahambae nga nagapanghayhay kita dahil nga gusto eon natong mamatay agod aywanan naton ro atong eawas ngara nga nagakamatay kundi gusto naton nga mabayluhan eon ra it eawas nga nagakabuhi hasta sa owa it katapusan.