Juan 21:17 - Inkeanon

¹⁷ Pinangutana ni Jesus it ikatatlong beses si Pedro, “Simon, unga ni Juan, ginahigugma mo baea ako?” Pagkabati kara ni Pedro hay nagsakit ro anang buot ay tatlong beses eon nga ginpangutana imaw ni Jesus kon ginahigugma nana ra. Tapos, nagsabat si Pedro, “Ginuo, sayod mo ro tanan ag ikaw mismo ro nakasayod nga ginahigugma ko ikaw.” “Kon mawron, tatapa gid ro akong mga katawhan nga matsa panong it karnero,” hambae ni Jesus.

Juan 21:17 Iomraidhean Croise

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Marcos 14:72

Pagkahambae kara ni Pedro hay nagpamaeo eon man ro manok. Hadumduman dayon ni Pedro ro hambae ni Jesus, “Bago ro manok magpamaeo it ikaywa hay tatlong beses mo nga ipanghiwaea nga kilaea mo ako.” Owa gid ni Pedro mapugngi ro anang baeatyagon ag nagtinangis imaw.

Juan 12:8

Ro mga pobre hay kaibahan 't-a ninyo permi, pero ako hay indi ninyo mangin kaibahan permi.”

Juan 13:38

Nagsabat si Jesus, “Ano sinimo? Haom ka nga isakripisyo ro imong kabuhi para kakon? Matuod gid rang ginahambae kimo nga bago magpamaeo ro manok hay ipanghiwaea mo it tatlong beses nga sumueunod nakon ikaw.”

Juan 14:15

Naghambae pa gid si Jesus, “Kon ginahigugma ninyo ako, pagatumanon gid ninyo ro akong mga sugo.

Juan 16:30

Sayod eon kami nga nakasayod ka ku tanan. Bisan ro mga pangutana nga una pa sa paino-ino it mga tawo hay sayod eon nimo, ngani owa eon it kinahangean nga ipangutana pa ron kimo. Mawron nga nagapati kami nga halin ka matuod sa Dyos.”

Juan 18:27

Pero owa eon man mag-ako si Pedro. Nagpamaeo dayon ro manok.

Juan 18:4

Sayod ni Jesus ro tanan nga matabo kana, ngani anang gin-atubang eagi sanda pag-abot nanda, ag ginhambae, “Sin-o ro inyong ginausoy ay?”

Juan 21:18

Hambae pa gid ni Jesus kana, “Pedro, kat bata ka pa hay ikaw 't-a ro gapahaom kon gapanaw ka ag pagusto ka man kon siin maadto. Pero matuod gid rang ginahambae kimo nga kon maggueang ka eon hay alsahon mo ro imong mga alima, ag may gahigot it kaeat sa imong eawas ag daehon ka sa kon siin owa ka naila mag-adto.”

Juan 4:16

Ginhambae dayon ni Jesus ro bayi, “Sueanga anay rito ro imong asawa ag daehon iya.”

Mga Binuhatan 1:24

Pagkatapos, nagpangamuyo sanda, “Ginuo, ikaw ro nakasayod ku kabubut-on it kada tawo, ngani ipakita kamon kon sin-o sa daywa ngara ro imong ginpili

Mga Binuhatan 11:10

Nauman pa it daywang beses ro amon ngarang istorya nga imaw manlang gihapon. Pagkatapos hay ginbatak pabalik sa eangit ro tanan ngatong gintuntun.

Mga Binuhatan 15:8

Ag abo kanda ro nagtuo. Sayod it Dyos nga matuod ro andang pagtuo dahil nakasayod imaw ku paino-ino it tawo, ngani gintapoe nana sanda sa anang mga katawhan. Ana nga ginpakita ro anang pagbaton kanda paagi sa pagtao kanda ku Espirito Santo, pareho man katon.

2 Corinto 1:12

Ikapabugae namon nga limpyo ro among konsensya parti sa among pagginawi iya sa kalibutan ag eabi gid inha kinyo. Sa among pagturo kinyo, owa kami nagsalig sa among tawhanon nga kaaeam kundi sa bulig it Dyos ag paagi sa anang bulig ngara hay sinsiro kami ag owa it motibo nga maeain.

Mga TagaEfeso 4:30

Isaea pa gali, indi kamo maghimo it mga bagay nga makapasubo sa Espirito Santo it Dyos, tungod ro anang pag-istar kinyo hay tanda nga mga katawhan kamo it Dyos, ag tubson nana kamo sa pina it inyong saea kon mag-abot eon ro adlaw it paghukom.

1 Pedro 1:6

Ngani tungod sa tanan ngara nga mabaton naton sa ulihi hay nagakalipay kamo it duro bisan dapat ninyong agyan ro sari-sari nga testing sa inyong pagtuo nga nagpasubo kinyo. Ro mga ruyon ngaron hay agi man lang.

2 Pedro 3:1

Mga hinigugma, raya ro akong pangaywa nga sueat kinyo. Sa daywa nakon nga sueat ngara hay may mga ginapadumdum ako kinyo agod pukawon kamo agod makapaino-ino kamo it malimpyo ag insakto.

Pahayag 2:23

Patyon ko gid ro mga nagasunod kana nga ginabilang nga anang mga unga. Dahil karon hay makasayod ro tanan nga mga grupo it tumueuo nga ako ro makatungkad ku paino-ino ag handom it tawo. Ag baeusan ko ro kada isaea kinyo suno sa inyong binuhatan.

Pahayag 3:19

Ro akong mga ginapalangga hay akon nga ginasaway ag ginadisiplina. Ngani maghinuesoe kamo ag talikdi eon ninyo ro inyong pagkamaeabaab, ag magmangin mainit eon kamo sa pagsunod kakon.