Juan 21:16 - Inkeanon

¹⁶ Pinangutana eon man imaw ni Jesus, “Simon, unga ni Juan, ginahigugma mo baea ako?” “Huo, Ginuo, ikaw mismo ro nakasayod nga ginahigugma ko ikaw,” sabat ni Pedro. “Kon mawron, tatapa gid ro akong mga katawhan nga matsa panong it karnero,” hambae ni Jesus.

Juan 21:16 Iomraidhean Croise

Mateo 2:6

‘Sa tanan nga kabanwahan it Juda, Ikaw Betlehem hay mangin pinakaimportanti, tungod inha kimo matawo ro sangka manogdumaea, nga magatatap sa akong mga katawhan nga *Israel kon tawgon.’ ”

Mateo 25:32

Ag ro tanan nga mga tawo sa kalibutan hay pagatilipunon sa akon nga atubang. Pagkatapos, akon sanda nga paeainon ag grupuhon sa daywa pareho it pagpaeain it manogbantay sa mga karnero ag sa mga kanding.

Mateo 26:72

Nagbalibad eon man si Pedro. Hambae nana, “Sumpa man. Owa gid ako kakilaea ku haning tawo ngaron.”

Lucas 19:10

Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”

Juan 18:17

Pagsueod ni Pedro, ginhambae imaw ku bayi ngato, “Bukon abi it isaea ka sa mga sumueunod ku tawo ngato?” Nagsabat si Pedro, “Bukon a.”

Juan 18:25

Ku rato man nga oras, idto pa si Pedro nagapainit-init sa may kaeayo tag may mga naghambae kana, “Bukon abi it isaea ka sa anang mga sumueunod?” Pero owa mag-ako si Pedro, sinana, “Bukon a.”

Juan 21:17

Pinangutana ni Jesus it ikatatlong beses si Pedro, “Simon, unga ni Juan, ginahigugma mo baea ako?” Pagkabati kara ni Pedro hay nagsakit ro anang buot ay tatlong beses eon nga ginpangutana imaw ni Jesus kon ginahigugma nana ra. Tapos, nagsabat si Pedro, “Ginuo, sayod mo ro tanan ag ikaw mismo ro nakasayod nga ginahigugma ko ikaw.” “Kon mawron, tatapa gid ro akong mga katawhan nga matsa panong it karnero,” hambae ni Jesus.

Mga Binuhatan 20:28

Ngani haeungi gid ro inyong kaugalingon pati ro tanan nga mga tumueuo nga inyong ginadumaeahan nga matsa panong it mga karnero nga gintugyan kinyo it Espirito Santo. Bantayi sanda it mayad ay ana sanda it Dyos, ay gintubos nana sanda paagi sa dugo mismo ku ana nga Unga.

Mga Hebreo 13:20

Kabay pa nga ro Dyos nga ginahalinan it katawhayan hay magatao kinyo ku tanan ninyong kinahangeanon, agod matuman ninyo permi ro anang kabubut-on. Kabay pa nga paagi kay Jesu-Kristo hay himuon na sa atong kabuhi kon ano ro makapalipay gid kana. Ro Dyos ro nagbanhaw sa aton nga Ginuo nga si Jesus. Ginhimo nana ra dahil sa dugo ni Jesus nga anang ginpatueo tag ginsakripisyo imaw sa krus agod matuman ro bag-o nga kasugtanan nga owa it katapusan nga gintao it Dyos. Dahil sa anang sakripisyo ngato hay nangin owa it katupong imaw nga manogbantay naton nga pareho it anang mga karnero. Dayawon ta imaw hasta sa owa it katapusan.

1 Pedro 2:25

Kato hay pareho abi kamo it mga karnero nga ginapinataeang pero makaron hay ginpabalik eon kamo sa Manogbantay ag Manogtatap ninyo.

1 Pedro 5:2

tatapa ninyo ro mga katawhan nga gintugyan kinyo it Dyos nga matsa anang panong it karnero. Dumaeahi ninyo sanda bukon it dahil napilitan eang kamo, ukon dahil gusto eang ninyo nga makapangwarta kundi dahil 't-a nga naila gid kamo nga obrahon ron, ay sayod ninyo nga kabubut-on gid 't-a ron it Dyos para kinyo.

Pahayag 7:17

Ro Tiyo it Karnero abi nga una sa atubang it trono it Dyos ro magabantay kanda pareho it manogbantay it karnero ag magadaea kanda permi sa mga tuburan nga nagatao it kabuhi nga owa it katapusan. Pagapahiron man it Dyos ro euha sa andang mga mata ag owa eon it makapatangis pa kanda it uman.”