Juan 21:15 - Inkeanon

¹⁵ Pagkakaon nanda, ginpangutana ni Jesus si Simon Pedro, “Simon, unga ni Juan, ginahigugma mo baea ako mas pa ku paghigugma kakon ku mga kaibahan mo ngara?” Nagsabat si Pedro, “Huo, Ginuo, ikaw mismo ro nakasayod nga ginahigugma ko ikaw.” Naghambae si Jesus kana, “Kon mawron hay tatapa gid ro akong mga katawhan nga matsa mga tiyo it karnero.”

Juan 21:15 Iomraidhean Croise

Mateo 10:37

Ro nagahigugma sa anang ginikanan it sobra pa sa anang paghigugma kakon hay indi bagay nga mangin sumueunod nakon. Ro nagahigugma sa anang unga it sobra pa sa anang paghigugma kakon hay bukon it bagay nga mangin sumueunod nakon.

Mateo 16:17

Naghambae si Jesus, “Bulahan ka, Simon nga unga ni Jonas, tungod bukon it tawo ro nagpahayag karon kimo kundi ro akong Ama sa eangit.

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Mateo 26:33

Naghambae dayon si Pedro kay Jesus, “Ginuo, indi ko gid ikaw pagtalikdan bisan talikdan ka nanda tanan.”

Mateo 26:35

Pero nagsabat gihapon si Pedro, “Indi gid ron matabo, Ginuo! Bisan mamatay pa ako kaibahan nimo hay indi ko gid ikaw igpanghiwaea.” Imaw man ron ro ginhambae ku ibang mga sumueunod.

Marcos 14:29

Naghambae dayon si Pedro, “Ginuo, indi ko ikaw pagtalikdan bisan talikdan ka nanda tanan.”

Lucas 12:32

Naghambae pa gid si Jesus, “Ayaw kamo it kahadlok bisan sangkiri eang kamo ag owa it mahimo pareho it maisot nga panong it karnero tungod nalipay ro inyong Ama sa eangit nga itapoe kamo sa anang mga sinakpan.

Lucas 22:32

Pero ginpangamuyuan ko ikaw, Simon, nga indi maduea ro imong pagtuo ag pagkatapos nga makapanumbalik ka kakon hay palig-una man ro pagtuo ku imong mga igmanghod.”

Juan 1:42

Gindaea dayon ni Andres si Simon idto kay Jesus. Gintueok ni Jesus si Simon ag ginhambae, “Ikaw si Simon nga unga ni Juan. Pero umpisa makaron, si Cefas eon ro imong ngaean.” (Ro ngaean nga Cefas hay sa linggwahe it mga Judio, ag ro Pedro hay sa Griniyego, ag pareho ra nga nagakahueugan nga “bato.”)

Juan 13:37

Nagpangutana eon man si Pedro, “Ginuo, ham-an it indi ako makamunot kimo makaron? Harang haom pa man ako nga isakripisyo ro akong kabuhi para kimo.”

Juan 16:27

tungod ro Dyos Ama mismo hay nagahigugma kinyo. Ginahigugma nana kamo tungod ginahigugma ninyo ako, ag nagapati kamo nga naghalin gid ako kana.

Juan 21:12

Tapos, ginhambae sanda ni Jesus, “Maliya eon, pamahaw eon kamo.” Owa gid it nagpasamang-samang nga magpangutana kana kon sin-o imaw ay sayod eon nanda nga ro Ginuo rato.

Juan 21:7

Ngani ro sumueunod nga palangga ni Jesus hay naghambae kay Pedro, “Ro Ginuo't-a ron!” Pagkabati ni Simon Pedro nga ro Ginuo rato hay sinuksuk nana ro eambong nga anang inuba, ag eumumpat dayon imaw sa tubi, ag nageangoy pabinit.

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

Mga Binuhatan 20:28

Ngani haeungi gid ro inyong kaugalingon pati ro tanan nga mga tumueuo nga inyong ginadumaeahan nga matsa panong it mga karnero nga gintugyan kinyo it Espirito Santo. Bantayi sanda it mayad ay ana sanda it Dyos, ay gintubos nana sanda paagi sa dugo mismo ku ana nga Unga.

Mga Binuhatan 20:29

Sayod ko nga paghalin nakon hay may maabot kinyo nga mga manogturo nga ro ginaturo hay saea gid. Kapareho sanda it mga mabangis nga sapat nga gasalakay nga owa it kaeuoy sa panong.

Mga TagaRoma 14:1

Batuna ninyo ro mga kueabos pa ro pag-intindi kon ano ro puyding obrahon it mga tumueuo pero ayaw ninyo sanda paghusgari kundi buligi ninyo sanda nga makaintindi pa gid it mayad.

Mga TagaRoma 15:1

Kita nga mga nakaeubot eon gid kon ano ro puyding obrahon it mga tumueuo hay dapat nga magpasensya ag magbulig sa mga kueabos pa ro pag-intindi parti karon. Indi eang kita maghimo it bisan ano nga sayod naton nga puydi ma't-a nga himuon

1 Corinto 8:11

Hasayran mo nga owa ka ginabawaei it Dyos nga magkaon ku pagkaon ngaron ugaling dahil ginkaon mo ron hay nagtuead 't-a imaw kimo bisan makapakonsensya ron kana, ngani ginasamad mo ro anang pagtuo ag kon sigehon na nga baliwalaon ra konsensya hay impyerno ra dangaton sa ulihi. Igmanghod mo pa man don imaw sa pagtuo ag ginsakripisyo man ni Kristo ro anang kabuhi para kana.

Mga TagaGalacia 5:6

Dahil sa aton nga maeueot nga kaangtanan kay Kristo Jesus, bukon it importanti kon hatuli man kita o owa. Ro importanti hay ro pagtuo naton kay Kristo nga ginapakita naton paagi sa paghigugma sa atong isigkatawo.

Mga TagaEfeso 4:14

Kon mangin makaruyon eon kita hay bukon eon dayon kita it pareho ku mga unga nga owa't buot. Ro mga unga abi nga owa't buot hay madali hipapati sa sari-sari nga mga ginaturo ku mga tuso ag manogluko, ag pareho sanda it baroto sa eawod nga nagasunod-sunod eang sa humbak ag ginaapok-apok it hangin.

Mga TagaEfeso 6:24

Kabay pa nga ro tanan nga nagahigugma sa atong Ginuong Jesu-Kristo it paghigugma nga owa nagakupas bisan hasta hin-uno hay masamitan pa gid ro sobrang kabuot it Dyos.

Mga Hebreo 13:20

Kabay pa nga ro Dyos nga ginahalinan it katawhayan hay magatao kinyo ku tanan ninyong kinahangeanon, agod matuman ninyo permi ro anang kabubut-on. Kabay pa nga paagi kay Jesu-Kristo hay himuon na sa atong kabuhi kon ano ro makapalipay gid kana. Ro Dyos ro nagbanhaw sa aton nga Ginuo nga si Jesus. Ginhimo nana ra dahil sa dugo ni Jesus nga anang ginpatueo tag ginsakripisyo imaw sa krus agod matuman ro bag-o nga kasugtanan nga owa it katapusan nga gintao it Dyos. Dahil sa anang sakripisyo ngato hay nangin owa it katupong imaw nga manogbantay naton nga pareho it anang mga karnero. Dayawon ta imaw hasta sa owa it katapusan.

Mga Hebreo 4:13

Owa gid it gintuga nga matago sa Dyos. Makita nana ro tanan ag hayag ra sa ana nga panueok. Ag kana man kita magapanabat sa atong mga binuhatan.

1 Pedro 1:8

Owa pa ninyo hakita si Jesu-Kristo pero inyo imaw nga ginahigugma, ag bisan indi pa ninyo imaw hikita makaron hay nagatuo gihapon kamo kana. Ag owa it bisaea nga makalarawan ku inyong kalipay nga owa it katupong.

1 Pedro 2:2

Ro mga bag-ong tawo nga eapsag hay permi eang nagutom it gatas ku andang ina. Makaruyon man dapat kamo. Kagutumi ninyo permi ro hambae it Dyos nga pareho it gatas para sa inyong pagtuo. Ro hambae it Dyos hay owa it halo nga pinuril, ag paagi sa hambae ngaron hay gatubo ro inyong pagtuo hasta ron mangin hamtong.

1 Pedro 2:25

Kato hay pareho abi kamo it mga karnero nga ginapinataeang pero makaron hay ginpabalik eon kamo sa Manogbantay ag Manogtatap ninyo.

1 Juan 4:19

Nagahigugma kita ay ro Dyos ro unang naghigugma katon.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

Pahayag 2:23

Patyon ko gid ro mga nagasunod kana nga ginabilang nga anang mga unga. Dahil karon hay makasayod ro tanan nga mga grupo it tumueuo nga ako ro makatungkad ku paino-ino ag handom it tawo. Ag baeusan ko ro kada isaea kinyo suno sa inyong binuhatan.