Juan 20:27 - Inkeanon

²⁷ Ginhambae dayon nana si Tomas, “Hara Tomas, tan-awa ro akong mga alima. Sutsutan ro imong tudlo sa inagyan it eansang. Sudlan man ro imong alima sa nina sa akong kilid. Indi ka sinimo magpati pero makaron hay magpati ka eon nga nabanhaw gid ako.”

Juan 20:27 Iomraidhean Croise

Juan 20:25

Ngani ginsugiran imaw ku ibang mga sumueunod, hambae nanda, “Hakita namon ro Ginuo.” Pero nagsabat imaw, “Indi gid-a ako karon magpati kon indi ko hikita ro inagyan it eansang sa anang alima, ag indi ko ikasutsut dikato ro akong tudlo, ag kon indi ko ikasueod ro akong alima sa nina sa anang kilid.”

Juan 20:20

Pagkatapos, ginpakita nana kanda ro anang alima ag kilid. Pagkakita nanda kato hay nalipay sanda ay sigurado sanda nga ro andang hakita hay ro Ginuo gid.

Mga TagaRoma 5:20

Gintao it Dyos ro Kasuguan agod hikita it tawo kon man-o it abo ro andang pageapas karon. Pero bisan nag-inabo ro pagpakasaea it tawo hay mas nagpaeanubra man ro kabuot it Dyos.

Lucas 24:40

Pagkahambae nana kara, ana dayon nga ginpakita kanda ro anang siki ag alima.

Lucas 9:41

Naghambae si Jesus, “Abi gid-a ro mga tawo ngara makaron. Owa pa't-a gihapon kamo nagatuo kakon ag mga balingahag gid-a kamo it paino-ino! Hasta hin-uno pa't-a ako mag-iba kinyo bago kamo magtuo kakon? Hasta hin-uno pa't-a ako magtiniis kinyo?” Ginhambae dayon nana ro tatay ku unga, “Abi, daeha ro imong unga iya kakon.”

Marcos 9:19

Nagsabat si Jesus, “Abi gid-a ro mga tawo ngara makaron. Owa pa't-a gihapon kamo nagatuo kakon! Hasta hin-uno pa baea ako mag-iba kinyo bago kamo magtuo kakon? Hasta hin-uno pa't-a ako magtiniis kinyo? Daeha ro unga iya kakon.”

Mateo 17:17

Naghambae si Jesus, “Abi gid-a ro mga tawo ngara makaron. Owa pa't-a gihapon kamo nagatuo kakon ag mga balingahag gid kamo it paino-ino! Hasta hin-uno pa baea ako mag-iba kinyo bago kamo magtuo kakon? Hasta hin-uno pa't-a ako magtiniis kinyo? Daeha ro unga iya kakon.”

Lucas 24:39

Ako gid ra. Tan-awa tuo ninyo ro akong alima ag siki. Buyti ninyo ako agod makasiguro kamo. Ro mueto't-a hay owa it tue-an ag unod pareho ku inyong makita kakon nga may akon 't-a.”

Juan 20:28

Naghambae dayon si Tomas, “Ikaw ro akong Ginuo ag ro akong Dyos!”