Juan 20:19 - Inkeanon

¹⁹ Pagkagabii ku ruyon nga Dominggo, ro mga sumueunod ni Jesus hay nagpanarangka sa baeay nga andang ginatipunan, ay nahadlok sanda sa mga manogdumaea it mga Judio. Gulpi eang nga nag-abot si Jesus ag nagtindog sa andang atubang. Ginhambae nana sanda, “Patawhaya ro inyong paino-ino.”

Juan 20:19 Iomraidhean Croise

Mateo 10:13

Kon nalipay sanda sa pagbaton ku inyong ginaturo hay pakamaayuhon gid sanda it Dyos. Pero kon owa sanda naila magbaton ku inyong ginaturo hay indi man sanda pagpakamaayuhon it Dyos.

Mateo 18:20

Ginahambae ko ron ay kon siin nagatipon ro daywa o tatlo dahil sa andang pagtuo kakon hay una ako kaibahan nanda.”

Marcos 16:14

Ku ulihi gid, nagpakita si Jesus sa onse nanang ka sumueunod tag nagakaon sanda. Ana sanda nga ginpangisgan dahil sa andang kadungoe, ay owa gid sanda magpati sa sugid ku mga nakakita kana nga imaw hay nabanhaw.

Juan 14:27

Aywanan ko kamo it katawhayan sa inyong tagipusuon. Rayang katawhayan mismo hay iya man kakon ag ginatao ko ra kinyo. Ro katawhayan nga itao ko kinyo hay eain gid sa katawhayan nga ginatanyag it kalibutan. Ngani ayaw kamo it palitik ag ayaw kamo magpaeuya it inyong buot.

Juan 16:22

Makaruyon man kamo. Nagakasubo kamo makaron, pero mapakita pa ako kinyo it uman ag magakalipay gid ro inyong buot, ag owa it makabuoe karon kinyo bisan ano ro magkaeanabo.

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 20:21

Naghambae it uman si Jesus kanda, “Patawhaya ro inyong paino-ino. Ipadaea ko kamo agod ituro ro mensahi it Dyos pareho ku pagpadaea kakon iya ku Ama.”

Juan 20:26

Pagkataliwan it sang dominggo, nagtililipon eon man ro mga sumueunod ni Jesus sa ratong baeay, ag kaibahan eon nanda kato si Tomas. Nagpanarangka sanda, pero gulpi eang nga una eo't-a si Jesus nga nagatindog sa andang atubang. “Patawhaya ro inyong paino-ino,” hambae nana.

Juan 21:1

Pagkataliwan it pilang adlaw, nagpakita it uman si Jesus sa anang mga sumueunod sa Dagat it Tiberias. Makara ro natabo:

Juan 21:14

Rato ro ikatatlong beses nga nagpakita si Jesus sa anang mga sumueunod halin nga nabanhaw imaw.

Juan 7:13

Pero owa man nanda ginabaskuga ro andang istorya ay nahadlok sanda nga mabatian ku andang mga manogdumaea.

Mga Binuhatan 1:3

Pagkapatay kana hay nabanhaw imaw ag nagpinakita imaw kanda sa sueod it 40 diyas ag sa sari-saring paagi hay ginpamatud-an nana nga buhi matuod imaw. Gintud-an man nana sanda parti sa paghari it Dyos sa anang mga sinakpan.

Mga TagaRoma 15:33

Kabay pa nga ibhan kamo tanan ku Dyos nga ginahalinan it katawhayan. Amen.

1 Corinto 15:5

Hakita imaw ni Pedro ag ku ulihi hay ku tanan nga dose ka mga apostoles.

Mga TagaEfeso 2:14

Imaw ro nagdaea it paghidait kamon nga mga Judio ag kinyo nga mga bukon it Judio ag nag-ilimpon katon agod mangin sambilog nga katawhan. Paagi sa anang kamatayon hay anang ginduea ro atong pagkueuntrahan nga matsa pader nga nagaueot katon.

Mga TagaEfeso 6:23

Kabay pa nga taw-an kamo ku Dyos nga atong Ama, ag ni Ginuong Jesu-Kristo, it paghidait sa kada isaea bilang magmaeanghod sa pagtuo. Ag kabay pa nga pabahueon nanda ro inyong paghigugma sa kada isaea, ag palig-unon pa gid ro inyo nga pagtuo.

Mga TagaFilipos 1:2

Kabay pa nga masamitan pa gid ninyo ro mga pagpakamaayo ag katawhayan nga halin sa Dyos nga atong Ama ag kay Ginuong Jesu-Kristo.

2 Tesalonica 3:16

Amon nga ginapangamuyo makaron nga ro Ginuo mismo nga ginahalinan it katawhayan hay magatao kinyo permi it katawhay maskin ano ro inyong kahimtangan. Ag ginapangamuyo man namon nga ibhan nana kamo tanan.

Mga Hebreo 7:2

Si Melkizedek man ro gintaw-an ni Abraham it ikanapueong parti ku tanan nandang habuoe sa gira. Ro una nga kahueugan ku ngaean nga Melkizedek hay “hari nga nagatao it pagkamatarong” ag ro kahueugan ku ngaean nga Salem hay “katawhayan.” Ngani dahil hari imaw it Salem, ro kahueugan pa gid ku ana nga ngaean hay “hari nga nagatao it katawhayan.”

3 Juan 1:14

Kabay pa nga magkilita kita eagi agod makaistorya kita.

Pahayag 1:4

Ako si Juan nga nagasueat kinyo nga pitong ka grupo it mga tumueuo sa probinsya it Asya. Kabay pa nga masamitan pa gid ninyo ro mga pagpakamaayo ag katawhayan nga halin sa Dyos ag kay Jesu-Kristo ag sa pitong ka espirito nga una sa atubang ku trono it Dyos. Imaw hay nagakabuhi hasta sa owa it katapusan, owa it ginhalinan ag ro manog-abot. Si Jesu-Kristo ma't-a ro masaligan nga nagapamatuod ku mga bagay nga parti sa Dyos. Imaw man ro hauna nga nabanhaw nga indi eon mamatay bisan hin-uno ag imaw man ro nagagahom sa tanan nga mga hari iya sa kalibutan. Mabahoe gid ro anang paghigugma katon ag ana kita nga gineuwas sa pina ku atong mga saea paagi sa anang dugo nga nag-agay pagkamatay nana sa krus.