Juan 20:15 - Inkeanon

¹⁵ Ginpangutana imaw ni Jesus, “Ne, ham-an it gatinangis ka? Sin-o ro imong ginausoy?” Eaom ni Maria hay tag manogtatap ku taeamnan ngato si Jesus, ngani sinana, “Nong, kon ikaw gid man ro nagbuoe kana, sugiri man abi ako kon siin mo imaw pagdaeha ay adtunan ko imaw ag bue-on.”

Juan 20:15 Iomraidhean Croise

Mateo 12:34

Mga tuso gid-a kamo pareho it sawa! Paalin abi kamo makahambae it mga mayad ay mga maeaot kamo? Kon ano ro una sa kabubut-on hay imaw man ro nagaguwa sa ba-ba.

Mateo 28:5

Ginhambaean ku anghel ro mga bayi ngato, “Ayaw kamo mahadlok. Sayod ko nga ginausoy ninyo si Jesus nga gineansang sa krus.

Marcos 16:6

Pero naghambae dayon ro eaki, “Ayaw kamo magpakueba. Ro inyong ginausoy nga si Jesus nga tagaNazaret nga gineansang sa krus hay owa eo't-a iya, ay nabanhaw eon imaw. Haron, tan-awa ninyo ro ginbutangan kana.

Lucas 2:44

Eaom nanda hay idto si Jesus nakaiba sa andang mga kaibahan nga nagaueuli man. Sang adlaw eon ro andang pagpinanaw bago nanda hapan-uhan nga owa't-a si Jesus. Anda imaw nga gin-inusoy sa andang mga igbata ag kakilaea.

Lucas 24:5

Hinadlukan it duro ro mga bayi pagkakita sa daywa mawron nga naghapa sanda sa eugta. Ginhambae sanda ku daywa ngato, “Ham-an it ginausoy 't-a ninyo ro buhi sa mga minatay?

Juan 1:38

Naglingot si Jesus ag nakita nana nga nagasunod kana ro daywa. Ginpangutana nana sanda, “Ano kunta?” Nagsabat sanda nga daywa, “Rabbi, siin ka gatenir?” (Ro kahueugan it “rabbi” hay “maestro.”)

Juan 18:4

Sayod ni Jesus ro tanan nga matabo kana, ngani anang gin-atubang eagi sanda pag-abot nanda, ag ginhambae, “Sin-o ro inyong ginausoy ay?”

Juan 18:7

Ginpangutana sanda it uman ni Jesus, “Sin-o makon ro inyong ginausoy ay?” Nagsabat sanda it uman, “Si Jesus nga tagaNazaret ngani.”

Juan 20:13

Ginpangutana nanda si Maria Magdalena, sinanda “Ne, ham-an it nagatinangis ka?” Nagsabat imaw, “Ginbuoe abi nanda ro akong Ginuo ag owa ako kasayod kon siin nanda imaw pagbutangan.”