Juan 20:1 - Inkeanon

¹ Temprano pa ku adlaw nga Dominggo, madueom-dueom pa hay nag-adto si Maria Magdalena sa eueubngan. Pag-abot idto, hakita nana nga hapaligid eo't-a ro bato nga ginsara sa pwertahan it eueubngan.

Juan 20:1 Iomraidhean Croise

Mateo 27:56

Kaibahan ku mga bayi ngato sanday Maria Magdalena, Maria nga nanay nanday Santiago ag Jose, ag ro nanay ku mga unga ni Zebedeo.

Mateo 27:60

Ginbutang dayon rato ni Jose sa eueubngan nga anang bag-ong pasinsil sa dalipi nga anang ginpaobra para sa anang kaugalingon. Pagkatapos hay ana dayon nga ginpaligiran it mabahoe nga bato ro pwertahan kato agod sadhan ag pumanaw dayon imaw.

Mateo 27:64

Ngani gapangabay kunta kami kimo nga imong pagwardyahan ro anang eueubngan hasta sa ikatatlong adlaw, ay basi kon takawon ku anang mga sumueunod ro anang eawas ag hambaeon dayon nanda sa mga tawo nga nabanhaw imaw. Kon matabo ron hay mas grabi pa gid nga pagpataeang ro andang obrahon kaysa sa ay Jesus ngato nga pagpinuril nga imaw kuno ro Maneueuwas nga ginpromisa it Dyos.”

Mateo 27:66

Ngani nagpanaw sanda idto ag ginselyuhan ro bato nga ginsara sa eueubngan agod hisayran nanda kon ginhueag ro bato ngato o owa. Tapos inaywanan nanda idto ro mga soldado agod magbantay.

Mateo 28:1

Pagkataliwan ku Adlaw it Inogpahuway, tag nagabanaag pa eang ku adlaw it Dominggo, nagpanaw si Maria Magdalena ag ro sambilog pa gid nga Maria agod tan-awon ro eueubngan ni Jesus.

Mateo 28:2

Gulpi eang dayon nga naglinog it mabaskog dahil may nagpanaog nga anghel it Ginuong Dyos halin sa eangit. Ana nga ginpaligid ro bato nga sara ku eueubngan ag ana dayon nga ginpungkuan rato.

Marcos 15:46

Nagbakae si Jose it maeahaeon nga tela ag nag-adto imaw sa gineansangan kay Jesus. Gintae-tae nana sa krus ro eawas ni Jesus ag ginputos rato ku ratong tela. Ginbutang nana dayon rato sa sangka eueubngan nga ginsinsil sa dalipi. Pagkatapos hay ana dayon nga ginpaligiran it bato ro pwertahan it eueubngan agod sadhan rato.

Marcos 16:9

Temprano pa, pagkabanhaw ni Jesus ku adlaw it Dominggo hay kay Maria Magdalena eagi imaw una nga nagpakita. Rayang si Maria Magdalena hay ginsubuean ni Jesus it pitong ka demonyo.

Juan 11:38

Nagsakit eon man ro buot ni Jesus tag nagapaadto sanda sa eungib nga gin-eubngan kay Lazarus. Ginsadhan rato it mabahoe nga bato.

Juan 11:41

Ginpaligid dayon nanda ro sara nga bato. Tapos, nagtangda si Jesus sa eangit ag naghambae, “Ama, saeamat ay ginpamatian mo ako.

Juan 19:25

Idto maeapit sa krus ni Jesus hay nagatindog ro anang ina, ro anang tiya nga igmanghod ku anang ina, si Maria nga asawa ni Cleopas ag si Maria Magdalena.

Juan 20:26

Pagkataliwan it sang dominggo, nagtililipon eon man ro mga sumueunod ni Jesus sa ratong baeay, ag kaibahan eon nanda kato si Tomas. Nagpanarangka sanda, pero gulpi eang nga una eo't-a si Jesus nga nagatindog sa andang atubang. “Patawhaya ro inyong paino-ino,” hambae nana.

Mga Binuhatan 20:7

Pag-abot it Dominggo hay nagtililipon kami ku mga tumueuo idto agod magsaeo sa pagpihak-pihak it tinapay sa pagdumdum ku kamatayon ni Jesus. Nagwali si Pablo sa mga tawo hasta it tungang gabii ay gapanaw eon imaw pagkaaga.

1 Corinto 16:2

Kada Dominggo hay magpaeain ro kada isaea kinyo it inyong masarangan halin sa inyong kinitaan. Pahauma eagi ninyo agod haom eon ro inyong inogtao pag-abot ko inha.

Pahayag 1:10

Isaeang ka adlaw kato it Dominggo, tag ginagamhan ako it Espirito Santo hay nakabati ako it mabaskog gid nga limog sa akong may likod kampi ag ro limog ngato hay matsa tunog it trumpeta kon pamatian.