Juan 2:23 - Inkeanon

²³ Tag idto si Jesus sa Jerusalem ku ratong Pagtililipon sa Pagdumdum ku *Pagtaliwan, abo ro nagpati kana dahil sa andang mga nakita nga mga milagrosong pamatuod nga anang ginahimo.

Juan 2:23 Iomraidhean Croise

Lucas 8:13

Ro natabo ma't-a sa binhi nga tumugpa sa may dalipi hay kahalimbawa ku mga nagpamati sa mensahi it Dyos ag nagbaton nga may kalipay pagkabati kato nanda. Ugaling tungod owa nakagamot it mayad ro andang habatian hay owa man rato magbuhay sa andang paino-ino ngani pag-abot it kalisod hay nagtalikod dayon sanda sa anda ngatong ginbaton.

Juan 11:45

Abo sa mga Judio nga nag-unong kanday Maria ro nagtuo kay Jesus pagkakita nanda ku ana ngatong mga ginhimo.

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 2:13

Maeapit lang kato ro Pagtililipon sa Pagdumdum ku *Pagtaliwan nga ginaselebrar ku mga Judio. Ngani nag-adto sa Jerusalem si Jesus.

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 4:45

Pag-abot nanda sa Galilea hay gin-abi-abi gid imaw ku mga tagaidto, dahil hakita nanda ro tanan nanang gin-obra sa Jerusalem pag-adto nanda sa Pagtililipon sa Pagdumdum ku *Pagtaliwan.

Juan 5:36

Pero may pagpamatuod parti kakon nga mas pa sa pagpamatuod ngato ni Juan. Ruyon hay ro akong mga ginahimo nga ginpaobra kakon ku akong Ama, nga dapat ko nga tapuson. Nagapamatuod ron sanda nga ro Ama gid ro nagpadaea iya kakon.

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 6:2

Kaabo-abo nga tawo ro nagsinunod kana ay hakita abi nanda ro mga milagrosong pamatuod nga anang ginaobra sa pagpamayad it mga masakiton.

Juan 7:31

Pero abo gihapon ro nagtuo kana sa kaabuon ngato nga mga tawo ag naghambae sanda, “Imaw gid-a ro matuod nga Maneueuwas nga ginpromisa it Dyos tungod kon bukon it imaw ra hay may maabot pa baea nga makahimo it mas abo pa nga milagrosong pamatuod kaysa kana?”

Mga TagaGalacia 5:6

Dahil sa aton nga maeueot nga kaangtanan kay Kristo Jesus, bukon it importanti kon hatuli man kita o owa. Ro importanti hay ro pagtuo naton kay Kristo nga ginapakita naton paagi sa paghigugma sa atong isigkatawo.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.