Juan 2:2 - Inkeanon

² Si Jesus ag ro anang mga sumueunod hay idto man tungod kangay man sanda.

Juan 2:2 Iomraidhean Croise

Mateo 12:19

Indi imaw makigdibati ag makigsilinggitan. Indi man imaw mabatian sa mga kalye nga nagadiniskurso it mabaskog.

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Mateo 25:45

“Sabton ko dayon sanda, ‘Matuod rang ginahambae kinyo nga kada balibad ninyo kato nga magbulig sa bisan sambilog eang sa mga pinakakubos nga igmanghod nakon hay pareho man nga ako ro ginbalibaran ninyo.’

Juan 2:12

Pagkatapos it kasae sa Cana hay nag-adto sa banwa it Capernaum si Jesus, kaibahan ro anang ina, ro anang mga igmanghod ag ro anang mga sumueunod, ag idto sanda nagtenir it mga pilang adlaw eang.

Juan 2:17

Hadumduman dayon ku anang mga sumueunod ro ginsueat sa Sagradong Kasueatan nga makaraya: “Ro akong grabing pagpahaega sa imong baeay hay magadaea kakon sa kamatayon.”

Juan 2:22

Imaw ron nga pagkabanhaw nana hay hadumduman ku anang mga sumueunod ro ana ngatong ginhambae. Nagpati man sanda sa ginsueat sa Sagrado nga Kasueatan parti sa anang pagkabanhaw, ag sa ay Jesus man mismo nga ginhambae.

Juan 2:3

Natabuan 't-a nga kinueang ro bino. Naghambae dayon kay Jesus ro anang ina, “Ubos eo't-a baea kuno ro andang bino.”

Juan 3:22

Pagkataliwan it pilang adlaw, si Jesus ag ro anang mga sumueunod hay nag-adto sa sangka lugar nga owa it nagaistar sa probinsya it Judea. Nagtenir sanda idto it mabuhay-buhay ag nagpangbawtismo.

Juan 4:2

(Pero ro minatuod hay bukon it si Jesus ro nagapangbawtismo kundi ro anang 12 nga haunang mga sumueunod.)

Juan 4:33

Sinanda dayon ku anang mga sumueunod sa kada isaea, “Sin-o man abi kana iya ro madaea it pagkaon?”

Juan 4:8

Owa eon kato idto ro mga sumueunod ni Jesus, ay nagpanaw sa banwa agod magbakae it andang makaon.

Juan 6:12

Tag busog eon sanda tanan, ginhambae ni Jesus ro anang mga sumueunod, “Tipuna ninyo ro mga habilin ngaron agod owa it amulit.”

Juan 6:16

Tag nagasalikaeom eon, nag-adto sa baybay ro mga sumueunod ni Jesus

Juan 6:60

Pagkabati ku mga nagasinunod kay Jesus ku ana ngatong ginturo hay abo kanda ro naghambae, “Grabi gid-a ro anang ginahambae ngaron. Sin-o man abi karon ro makabaton?”

Juan 6:66

Halin kato, abo sa mga nagasinunod ngato kana ro nagtalikod ag owa eon magsunod-sunod.

Juan 6:67

Ngani ginhambae nana ro anang dose nga ka sumueunod, “Hay kamo? Indi ma't-a kamo magtalikod kakon no?”

Juan 6:70

Naghambae dayon si Jesus, “Bukon abi nga ako't-a ro nagpili kinyo nga dose? Pero ro sambilog kinyo hay ulipon ni Satanas.”

Juan 6:71

Ro ginapatungdan kato ni Jesus hay si Judas nga unga ni Simon Iscariote, dahil imaw ra ro magatraidor kay Jesus sa ulihi, bisan isaea ra imaw sa dose nana nga ka sumueunod.

Juan 6:8

Tapos, isaea sa mga sumueunod ni Jesus nga si Andres nga igmanghod ni Simon Pedro hay naghambae,

Juan 7:3

Ngani naghambae kay Jesus ro anang mga igmanghod, “Ham-a't gadinuhong ka't-ing riya? Panaw abi 'to sa Judea agod hikita man ku kaabo nimong mga sumueunod ro imong mga makangawa-ngawang ginaobra!

Mga Binuhatan 11:26

Pagkakita nana kay Saulo hay gindaea ra nana sa Antioc. Sang dag-on gid sanda nga nag-iba sa mga sumueunod idto sa andang mga pagtililipon agod magsimba ag kaabo-abo ro andang ginpangtud-an. Idto sa Antioc primero nga gintawag nga Kristyano ro mga sumueunod.

Mga Binuhatan 11:29

Ngani ro mga sumueunod idto sa Antioc hay nagdesidir nga ro kada isaea kanda hay magtao ku anang masarangan nga ikabulig sa mga kaigmanghuran nga idto nagaistar sa Judea.

1 Corinto 10:31

Ro sabat hay raya: tungod sa atong pagkaon o pag-inom o bisan ano ro atong ginaobra hay dapat himuon don naton tanan agod mapadunggan ro Dyos.

1 Corinto 7:39

Ro bayi nga tumueuo nga may asawa hay nakahigot pa sa anang asawa myentras buhi pa ra. Pero kon patay eon hay hilway eon imaw nga mag-asawa it uman sa kon sin-o nga nailaan nana pero dapat nga nagatuo man ro eaki sa Ginuo.

Mga TagaColosas 3:17

Ag bisan ano ro inyong ginaobra ag ginahambae hay dapat nga nagapakita nga mga sumueunod kamo ni Ginuong Jesus ag pasaeamati permi ro Dyos nga Ama dahil sa ginhimo kinyo ni Jesus.

Mga Hebreo 13:4

Dapat nga owa it bisan sin-o nga magbaliwala sa pag-asawa nga matsa bukon ron it importanti, ag owa it maghulid sa bukon nanda it asawa. Ro mga nagahulid abi sa bukon nanda it asawa, ag ro mga nagapangawatan hay sintinsyahan it Dyos nga pinahan.

Pahayag 3:20

Pamati kamo. Nagatindog ako sa may pwertahan ag nagapanuktok. Kon may magpamati ku akong limog, ag anda ako nga buksan hay masueod gid ako ag magaiba kami sa pagkaon.