Juan 2:19 - Inkeanon

¹⁹ Nagsabat si Jesus, “Gub-a ninyo ro Templo ngara ag patindugon ko ra it uman sa sueod it tatlong adlaw.”

Juan 2:19 Iomraidhean Croise

Mateo 12:40

Si Jonas hay nagtenir it tatlong adlaw ag tatlong gabii sa tiyan it kabahoe-bahoe nga isda ag pagkatapos hay gineuad imaw nga buhi gihapon. Makaruyon man ro matabo kakon nga Unga it Tawo, matenir man ako it tatlong adlaw ag tatlong gabii sa akong eueubngan ag pagkatapos hay mabanhaw dayon.

Mateo 16:21

Dikato eon ni Jesus gin-umpisahan it pagpaathag sa anang mga sumueunod nga dapat gid imaw mag-adto sa Jerusalem ag mag-antos it abo nga kalisod sa alima ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon pero banhawon man dayon pagkatatlong adlaw.

Mateo 27:40

ag gin-insulto nanda imaw. Sinanda, “Sinimo gid, gub-on mo ro Templo it Dyos ag patindugon mo man dayon sa sueod it tatlong adlaw. Kon matuod nga unga ka it Dyos, euwasa ro imong kaugalingon! Panaog rikaron sa krus!”

Mateo 27:63

Hambae nanda, “Sir, hadumduman namon nga naghambae ro manogpataeang ngato tag buhi pa imaw nga mabanhaw kuno imaw sa ikatlong adlaw.

Marcos 14:58

“Nakabati gid kami nga naghambae imaw nga waskon ko mana rayang Templo nga ginpatindog it tawo. Ag sa sueod it tatlong adlaw mana hay mapatindog ako it bag-o nga Templo nga bukon it mga tawo ro nag-obra.”

Marcos 15:29

Ro mga nagaagi hay nagalingo-lingo nga may daeang intrimis ag gin-ininsulto man nanda imaw. Sinanda, “Sinimo gid, gub-on mo ro Templo it Dyos ag patindugon mo man dayon sa sueod it tatlong adlaw.

Marcos 8:31

Pagkatapos, gin-umpisahan ni Jesus it pagpaathag sa anang mga sumueunod nga imaw nga Unga it Tawo hay dapat gid mag-antos it abo nga kalisod ag indi pagpatihon ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon, pero banhawon man dayon pagkatatlong adlaw.

Juan 11:25

Tapos hay nagpaathag si Jesus, “Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan. Bisan mamatay pa ro nagatuo kakon hay magakabuhi imaw hasta sa owa it katapusan.

Juan 5:19

Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.

Mga Binuhatan 2:24

Pero bisan ginpatay imaw hay ginbanhaw imaw it Dyos ngani nakaeuwas imaw sa gahom it kamatayon, ay imposible gid ma't-a nga makapugong kana ron.

Mga Binuhatan 2:32

“Raya mismo nga si Jesus hay ginbanhaw it Dyos, ag mga saksi kita karon tanan.

Mga Binuhatan 3:15

Ro inyo't-a nga ginpapatay hay ro ginahalinan it kabuhi pero ginbanhaw imaw it Dyos, ag saksi kami karon.

Mga Binuhatan 3:26

Katon 't-a nga mga Judio ginpadaea it Dyos si Jesus nga anang ginbutang nga sueuguon, agod kita ro una nga pakamaayuhon, paagi sa pagbulig katon nga magtalikod sa atong mga maeain nga buhat.”

Mga Binuhatan 6:14

Matuod ro among ginahambae ngara ay habatian namon imaw nga naghambae nga rayang si Jesus nga tagaNazaret hay magaguba ku rayang Templo ag anang bayluhan ro mga sueundanan nga ginpanubli pa naton kay Moises.”

Mga TagaRoma 4:24

kundi pati man kita. Kita nga nagatuo sa Dyos nga nagbanhaw kay Jesus nga atong Ginuo hay ginabilang man it Dyos nga matarong.

Mga TagaRoma 6:4

Ag tag ginbawtismuhan kita hay nagasimbolo ron nga namatay kita ag gineubong kaibahan nana. Gintaw-an man kita it bag-o nga kabuhi pareho ku pagbanhaw kay Kristo paagi sa indi matupungan nga gahom it Dyos Ama. Ngani dapat kita nga magkabuhi suno sa bag-o ngaron nga kabuhi nga gintao katon.

Mga TagaRoma 8:11

Ginbanhaw it Dyos si Jesus ag una kinyo nagaistar ro Espirito it Dyos. Ngani paagi sa anang Espirito nga una kinyo hay banhawon man nana ro inyong eawas ag taw-an kamo it kabuhi nga owa it katapusan.

1 Corinto 15:12

Kon duyon ro among ginawali, nga nabanhaw si Kristo, ham-an it nagahambae ro iba kinyo nga owa it pagkabanhaw ro mga patay?

Mga TagaColosas 2:12

Pagbawtismo kinyo hay pareho man nga gineubong kamo kaibahan ni Kristo, ag nabanhaw man kaibahan nana tungod sa inyong pagtuo sa gahom it Dyos nga nagbanhaw kana.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.