Juan 2:18 - Inkeanon

¹⁸ Tungod sa ginhimo ngato ni Jesus idto sa Templo hay gintaksar imaw it mga manogdumaea it mga Judio. Hambae nanda, “Ano nga milagro ro imong ipakita kamon agod magapamatuod nga may otoridad ka nga himuon ro ing ginhimo ngara?”

Juan 2:18 Iomraidhean Croise

Mateo 21:23

Pag-abot nanda sa Jerusalem, nagbalik si Jesus sa Templo ag idto nagturo. Tag nagaturo imaw, ginpaeapitan imaw ku mga pinuno it mga saserdote ag ku kaibahan nandang mga lider ag ginpangutana, “Ano ring otoridad nga obrahon ro imong mga ginaobra iya sa Templo? Sin-o kimo ro nagtao ku otoridad ngaron?”

Marcos 8:11

Pag-abot idto ni Jesus hay gin-adtunan imaw it mga Pariseo ag nakigbais kana. Gusto nanda imaw nga testingan ngani ginapaobra kunta nanda imaw it milagro sa kaeangitan, bilang pamatuod nga pinadaea imaw it Dyos.

Lucas 11:29

Tag nagainabo pa gid ro mga tawo, naghambae si Jesus, “Ro mga tawo makaron nga tyempo hay mga maeain it kabubut-on. Ginausuyan nanda ako it milagroso nga pamatuod nga pinadaea ako it Dyos pero owa it ipakita kanda kundi ro pareho ku natabo kay Propeta Jonas kato anay.

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 1:25

Pinangutana eon man nanda si Juan, “Hay ano ro imong otoridad nga magpangbawtismo kon bukon man gali it ikaw ro Maneueuwas nga ginpromisa it Dyos, bukon ka man it si Elias, ag bukon ka man it Propeta ngato nga ginpromisa it Dyos?”

Juan 6:30

Pinangutana nanda dayon imaw, “Hay ano nga milagrosong pamatuod ro imong ipakita kamon agod magtuo kami kimo? Maalin ka man

Mga Binuhatan 4:7

Ginpadaea nanda sa andang atubang sanday Pedro ag pagkatapos hay ginpangutana, “Sin-o kinyo ro nagtao it gahom nga nahimo ninyo rato? Anyo nga ngaean ro inyong ginsambit sa pagpamayad sa tawo ngara?”

Mga Binuhatan 5:28

Hambae nana, “Ginpaandaman gid-a namon kamo nga indi eon magturo parti sa tawo ngato, pero ano ro inyong gin-obra? Inyo pa gid ngani nga ginpaeapnaag sa bilog nga Jerusalem ro inyong ginaturo. Ag ro sambilog pa hay kami ro inyong ginapapanabat ku kamatayon ku tawo ngato!”