Juan 2:15 - Inkeanon

¹⁵ Bumuoe si Jesus it pilang utod nga kaeat ag ana rato nga gin-obra nga hanot, ag ginpangsuboe nana sanda tanan ag gintabog man nana paguwa ro andang mga karnero ag mga baka. Ana man nga ginpatumba ro mga lamisa it mga manogbaylo it kwarta ag ginpangwas-ag ro andang kwarta.

Juan 2:15 Iomraidhean Croise

Mateo 21:12

Pag-abot nanda sa Jerusalem hay nagsueod si Jesus sa *lagwirta it Templo ag ginpangsuboe ro mga tawo nga idto nagabaligya it mga sapat nga pangsakripisyo. Ana man nga ginpangsuboe pati ro mga nagabakae ku mga sapat ngato. Ginpangbaliskad man nana ro mga lamisa it mga nagabaylo it kwarta pati ro mga pungkuan it mga nagabaligya it salampati.

Juan 18:6

Paghambae ni Jesus nga ako mana ro inyong ginausoy ngaron hay umisoe sanda ag nagkaeatumba.

Juan 2:14

Pag-abot idto hay nag-adto imaw sa *lagwirta it Templo ag nakita nana idto ro mga nagabaligya it baka, karnero ag mga salampati nga pangsakripisyo. May idto man nga mga nagapueungko nga manogbaylo it kwarta.

Juan 2:16

Ginhambaean man nana ro mga nagabaligya it salampati, “Pangbue-a ra ninyo iya! Ayaw ninyo pag-obraha nga baealigyaan ro baeay ku akon nga Ama!”

Mga Binuhatan 27:32

Ngani ginpang-utod ku mga soldado ro mga kaeat nga higot it bote ag ginpabay-an lang nanda rato nga mahueog.

2 Corinto 10:4

Ro among armas hay bukon it pareho sa mga armas iya sa kalibutan kundi raya hay may gahom it Dyos ag raya ro amon nga ginagamit agod waskon gid ro tanan nga saea nga panindugan ku mga nagakuntra ngaron nga eaom nanda hay malig-on gid.