Juan 2:1 - Inkeanon

¹ Pagkataliwan it daywang adlaw, may kasae sa banwa it Cana nga idto sa probinsya it Galilea. Nag-adto ro ina ni Jesus.

Juan 2:1 Iomraidhean Croise

Mateo 12:46

Samtang nagaturo pa si Jesus sa mga tawo, nag-abot ro anang ina ag mga igmanghod. Idto sanda sa liwan ag andang gin-usoy si Jesus ay gusto nandang makighambae kana.

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 1:35

Pagkamasunod nga adlaw, idto eon man si Juan sa pangpang it Jordan, kaibahan ro daywa ku anang mga sumueunod.

Juan 1:43

Pagkamasunod nga adlaw, nagdesisyon si Jesus nga maadto sa probinsya it Galilea. Ku ulihi, hakita nana si Felipe ag ginhambae nana ra, “Mus, sunod kakon bilang akong sumueunod.”

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 21:2

Nagtililipon sanday Simon Pedro, Tomas nga Kapid ro hayo, Nataniel nga tagaCana sa Galilea, ro daywang ka unga ni Zebedeo ag ro daywa pa gid ku ay Jesus nga mga sumueunod.

Juan 4:46

Samtang idto si Jesus sa Galilea hay nag-adto imaw it uman sa Cana kon siin ginhimo nana kato nga bino ro tubi. Idto sa banwa it Capernaum nga sakop man ku probinsya it Galilea hay may opisyal it gobyerno nga may unga nga eaki nga nagamasakit.

Mga Hebreo 13:4

Dapat nga owa it bisan sin-o nga magbaliwala sa pag-asawa nga matsa bukon ron it importanti, ag owa it maghulid sa bukon nanda it asawa. Ro mga nagahulid abi sa bukon nanda it asawa, ag ro mga nagapangawatan hay sintinsyahan it Dyos nga pinahan.