Juan 19:34 - Inkeanon

³⁴ Pero may sangka soldado nga ana nga hinandos it bangkaw ro kilid ni Jesus ag insigida hay bumusawak ro dugo ag tubi.

Juan 19:34 Iomraidhean Croise

Mateo 27:62

Kat gineubong si Jesus hay adlaw nga ginatawag nga Adlaw it Pagpahaom para sa Adlaw it Inogpahuway. Pagkaaga karon, ro mga pinuno it mga saserdote ag ro mga Pariseo hay nag-adto kay Pilato.

Juan 19:33

Pagpaeapit nanda kay Jesus hay hakita nanda nga patay eon imaw, ngani owa lang nanda pagbalia ro anang mga siki.

Juan 20:20

Pagkatapos, ginpakita nana kanda ro anang alima ag kilid. Pagkakita nanda kato hay nalipay sanda ay sigurado sanda nga ro andang hakita hay ro Ginuo gid.

Mga Binuhatan 22:16

Ayaw eon pagpabuhaya. Magpangamuyo ka eon nga patawaron it Dyos ro imong mga saea dahil sa ginhimo ni Jesus. Magpabawtismo ka dayon nga nagapakita nga ginhugasan ka eon sa imong mga saea.’

1 Corinto 1:30

Pero kamo't-a hay mga katawhan nana nga may maeueot nga kaangtanan kay Kristo Jesus. Paagi kay Kristo Jesus hay nasayran naton nga imaw mismo ro matuod nga kaaeam halin sa Dyos. Ag paagi man kana hay nangin matarong kita sa panueok it Dyos, nangin ana kita nga mga balaan nga katawhan ag naeuwas eon kita sa pina ku atong mga saea.

1 Corinto 6:11

Makaruyon man anay kato ro iba kinyo. Pero paagi sa ginhimo ni Ginuong Jesu-Kristo ag paagi sa gahom ku Espirito it atong Dyos hay ginlimpyuhan eon kamo sa inyong mga saea, ginpaeain it Dyos nga mangin ana nga balaan nga katawhan, ag ginbilang nga matarong sa anang panueok.

Mga TagaEfeso 5:26

Ginhimo nana ron agod limpyuhan kita sa saea ag himuon nga balaan tungod nagtuo kita sa mensahi parti kana ag ginbawtismuhan kita.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 9:13

Matuod nga kato anay hay may pueos ro dugo it mga kanding ag mga toro nga baka ag ro pagwisik it abo it dumaeaga nga baka sa paglimpyo sa mga tawo sa mata it Dyos. Pero ro andang eawas eang ro ginalimpyuhan karon.

Mga Hebreo 9:22

Suno sa Kasuguan, kon ginalimpyuhan ngani ro mga butang sa mata it Dyos, haeos permi nga dugo ro ginagamit. Pero pag-abot eo't-a sa kapatawaran it mga kasae-anan, indi matabo ron kon owa gid it ginsakripisyo agod magamit ro dugo, ay kon owa it dugo nga nagtueo hay owa it kapatawaran it saea.

1 Pedro 3:21

Rato hay nagasimbolo ku pagbawtismo sa makaron nga tyempo tungod tag ginabawtismuhan kamo, ruyon ro kahalimbawa kon paalin kamo ginaeuwas it Dyos sa pina it saea dahil sa pagkabanhaw ni Kristo. Ro pagbawtismo hay owa kinyo gaeuwas paagi sa paglimpyo it higko sa inyong eawas kundi paagi sa inyong pagpangamuyo sa Dyos nga patawaron na ro inyong kasae-anan.

1 Juan 5:6

Ro Unga ngara it Dyos hay si Jesu-Kristo, ro Maneueuwas nga ginpadaea iya it Dyos. Nag-adto imaw iya sa kalibutan, ginbawtismuhan sa tubi, ag nag-uea ku anang dugo tag gineansang imaw sa krus. Owa eang imaw ginbawtismuhi kundi nag-uea man imaw ku ana nga dugo. Ro Espirito Santo mismo ro nagapamatuod kara, ag ro Espirito hay nagasugid permi it matuod.

1 Juan 5:8

ro Espirito, ro tubi, ag ro dugo, ag ro tatlo ngara hay nagakasinanto.

Pahayag 7:14

Nagsabat ako, “Tao ngani, Sir, owa ako kasayod. Ikaw 't-a ro nakasayod karon.” Nagsabat imaw, “Daya ro mga nakaagi it grabi nga kalisdanan pero nakalibre. Gineabhan ag ginpaputi nanda ro andang mga eambong sa dugo it Tiyo it Karnero.