Juan 19:30 - Inkeanon

³⁰ Pagkasamit kato ni Jesus hay naghambae imaw, “Tapos eon gid ro ginapaobra kakon!” Pagkatapos hay dumungok imaw ag gintugyan sa Dyos ro anang espirito.

Juan 19:30 Iomraidhean Croise

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Mateo 27:50

Suminggit it uman si Jesus it mabaskog ag gintugyan dayon sa Dyos ro anang espirito.

Mateo 3:15

Pero nagsabat si Jesus, “Ayaw eon it balibad ay tama eang nga obrahon naton ra ay dapat nga tumanon naton ro tanan nga tama sa panueok it Dyos.” Ngani nagsugot si Juan nga bawtismuhan si Jesus.

Marcos 15:37

Suminggit it mabaskog si Jesus ag nabugtuan dayon imaw it ginhawa.

Lucas 22:37

Himua ninyo ron dahil ginahambae ko kinyo nga dapat nga matuman rondayang ginsueat ngara sa Sagrado nga Kasueatan parti kakon nga, ‘Ginbilang imaw nga isaea sa mga nagabaliwala sa Kasuguan it Dyos.’ Rondaya mismo nga ginsueat parti kakon hay madali lang matuman.”

Lucas 23:46

Nagsinggit dayon si Jesus, “Ama, ginatugyan ko kimo ro akon nga espirito.” Pagkahambae nana kara hay nabugtuan dayon imaw it ginhawa.

Juan 10:11

Naghambae pa gid si Jesus, “Ako ro mayad nga manogbantay nga nagadipara gid ku akong mga karnero. Ro mayad nga manogbantay hay haom magsakripisyo ku anang kabuhi para sa anang mga karnero.

Juan 10:18

Owa it makapatay kakon kon indi ako magsugot pero ako't-a mismo ro gasakripisyo ku akong kabuhi, ay ako ro may kinamatarong nga magsakripisyo karon ag magbaton karon it uman. Ruyon ro sugo kakon it Ama.”

Juan 17:4

Ginpakita ko sa mga tawo iya sa kalibutan nga daeayawon ka nga Dyos paagi sa pagtapos nakon ku imong oeobrahon nga imong ginpaobra kakon.

Juan 19:28

Pagkahambae karon ni Jesus hay hasayran eon nana nga tapos eon ro tanan nga ginpaobra kana ngani naghambae imaw, “Ginauhaw ako.” Ginhambae nana ron agod ro ginsueat sa Sagrado nga Kasueatan hay matuman.

Juan 4:34

Naghambae si Jesus kanda, “Ro akong pagkaon hay ro pagtuman ku kabubut-on ku nagpadaea iya kakon ag ro pagtapos ku anang ginapaobra kakon.

Mga TagaRoma 10:4

Pero makaron hay owa eon it kinahangean nga tumanon naton ro mga kasuguan ngaron agod mangin matarong dahil gintuman eon don ni Kristo para katon. Ngani ro tanan nga magatuo kana hay bilangon it Dyos nga matarong sa anang panueok.

Mga TagaRoma 3:25

Imaw ro ginhaead it Dyos bilang sakripisyo agod paagi sa anang kamatayon hay mapatawad kita sa atong mga saea kon magtuo kita kana. Ginhaead it Dyos si Jesus bilang sakripisyo agod ipakita nga matarong 't-a imaw bisan matsa ginpataliwan nana ro mga saea ku mga tawo kato anay.

1 Corinto 5:7

Ngani bue-a ninyo ronduyon nga pareho it pangpaalsa nga una sa inyong grupo agod mangin balaan kamo nga grupo it mga tumueuo nga pareho it bag-o nga minasa nga harina nga owa it pangpaalsa. Ag sa panueok it Dyos hay ana gid kamo nga balaan nga katawhan dahil ginsakripisyo si Kristo para sa aton nga mga saea pareho it tiyo it karnero nga ginamatansa kon magselebrar it Pagtililipon sa Pagdumdum ku *Pagtaliwan.

Mga TagaFilipos 2:8

Sa anang pagpakatawo, nagpaubos imaw ag nangin masinueundon sa Dyos bisan hasta sa kamatayon, maskin rato hay makahueuya ag makangingidlis nga kamatayon sa krus.

Mga Hebreo 12:2

Isentro gid naton permi ro atong panueok kay Jesus, ro pasimuno ag manogpaperpekto it pagtuo. Dahil ana permi nga ginapaabot ro kalipay nga mangin ana sa ulihi, mawron nga ginbatas nana ro pageansang kana sa krus ag ginbaliwala ro kahuy-anan karon. Ag makaron hay nagalingkod imaw sa pinakadungganon nga pwesto sa tuo ku trono it Dyos.

Mga Hebreo 9:22

Suno sa Kasuguan, kon ginalimpyuhan ngani ro mga butang sa mata it Dyos, haeos permi nga dugo ro ginagamit. Pero pag-abot eo't-a sa kapatawaran it mga kasae-anan, indi matabo ron kon owa gid it ginsakripisyo agod magamit ro dugo, ay kon owa it dugo nga nagtueo hay owa it kapatawaran it saea.