Juan 19:23 - Inkeanon

²³ Pagkaeansang eon ku mga soldado kay Jesus hay andang ginhueueay sa ap-at nga parti ro tanan nanang nasuksuk, tig sang parti sa kada isaea kanda. Anda man nga ginbuoe ro anang pangsanib, nga ginhaboe it bilog nga owa it tinabuan.

Juan 19:23 Iomraidhean Croise

Mateo 27:35

Anda dayon imaw nga gineansang sa krus ag pagkatapos hay nagpagabot-gabot sanda kon ano sa anang mga suksuk ro hiadto kanyo.

Marcos 15:24

Gineansang dayon nanda si Jesus sa krus. Pagkatapos hay nagpagabot-gabot sanda kon ano sa anang mga suksuk ro hiadto kanyo.

Lucas 23:34

[Naghambae si Jesus, “Ama, patawara sanda ay owa sanda kasayod ku andang ginaobra.”] Tapos, nagpagabot-gabot ro mga nageansang kay Jesus kon ano sa anang mga suksuk ro hiadto kanyo.

Mga Binuhatan 12:4

Pagkadakop kay Pedro hay ginpapriso dayon imaw ni Herodes ag ginpabueos-bueosan it bantay sa ap-at nga ka grupo it soldado nga may tig ap-at man nga soldado sa kada grupo. Ro plano ni Herodes hay ana nga sintinsyahan si Pedro it kamatayon sa atubang it mga tawo pagkatapos it Pagtililipon.