Juan 19:20 - Inkeanon

²⁰ Abo nga mga Judio ro nakabasa ku karatula ngato, ay ro lugar nga gineansangan kay Jesus hay maeapit sa Jerusalem, ag ginsueat pa rato sa Latin, Griniyego ag sa linggwahe it mga Judio.

Juan 19:20 Iomraidhean Croise

Lucas 23:38

May ginbutang man nga karatula sa may ibabaw ku anang ueo nga raya ro nakasueat: “Raya ro Hari it mga Judio.”

Juan 19:13

Pagkabati ni Pilato sa ginhambae ku mga tawo hay ana eon man nga ginpapaguwa si Jesus. Nagpungko dayon si Pilato sa ginapungkuan it gobernador kon magpapanaog imaw it sintinsya. Ro lugar ngato hay ginatawag nga Pavement nga Bato, ag ginatawag man ron ku mga Judio nga Gabbata sa andang linggwahe.

Juan 19:42

Idto nanda ginbutang ro eawas ni Jesus ay maeapit man lang rato, ag gadali sanda tungod madali lang kato mag-umpisa ro Adlaw it Inogpahuway.

Juan 5:2

Idto sa Jerusalem hay may gin-obra nga maeapad nga bubon nga maeapit sa pwertahan nga kon tawgon hay Pwertahan it mga Karnero. Ro bubon ngara hay ginatawag nga Betesda sa linggwahe ku mga Judio. May limang ka panilungan sa mga kilid kara

Mga Binuhatan 21:37

Tag ginapasueod eon si Pablo sa baraks hay naghambae imaw sa kumander, “May ginapangabay kunta ako kimo.” Nagsabat ro kumander, “Kaantigo ka maghambae it Griniyego?

Mga Binuhatan 21:40

Ginsugtan imaw ku kumander nga maghambae ngani nagtindog imaw sa hagdan ag ginsinyasan ro mga tawo nga maghipos. Nagpundo sanda tanan it paghambae ag tag kahipos eon gid sanda hay naghambae dayon kanda si Pablo sa andang linggwahe.

Mga Binuhatan 22:2

Pagkabati nanda nga nagahambae imaw kanda sa anda mismong linggwahe hay mas kapin pa gid nga naghilipos sanda. Nagpadayon si Pablo,

Mga Binuhatan 26:14

Natumba kami tanan ag nakabati dayon ako it limog nga naghambae kakon sa linggwahe natong mga Judio. Hambae ku limog, ‘Saul, Saul! Ham-an it ginahingabot mo ako? Ikaw man lang ro masakitan sa imo ngaron nga ginaobra. Pareho ka eang karon it baka nga nagaarado, nga gasipa sa mataeawis nga kahoy nga pangtuslok it manog-arado sa baka agod padayon ra sa pag-arado.’

Mga Hebreo 13:12

Ngani si Jesus man, nga imaw ro ginasimbolo ku mga sapat nga ginasakripisyo kato hay gindaea sa guwa it syudad it Jerusalem ag nag-antos agod paagi sa anang dugo nga nag-agay hay malimpyuhan nana ro mga tawo sa andang mga saea.

Pahayag 16:16

Ngani, sa plano it Dyos, nagtililipon dayon ro mga hari ag ro andang mga soldado sa lugar nga ginatawag nga Armagedon sa Hinebreo.

Pahayag 9:11

May anda ra nga hari ag imaw man ra ro anghel nga nagadumaea sa buho nga owa't katapusan ro kadaeumon. Ro anang ngaean kon sa Hinebreo hay Abadon ag kon sa Griniyego hay Apolyon.