Juan 19:17 - Inkeanon

¹⁷ Gindaea dayon ku mga soldado si Jesus sa guwa it syudad. Ginpas-an nana ro anang krus paadto sa lugar nga ginatawag nga Lugar it Bungo. Ro ngaean ku lugar ngato sa linggwahe it mga Judio hay Golgota.

Juan 19:17 Iomraidhean Croise

Mateo 10:38

Ro bukon it haom nga mag-atubang it kalisod, paghingabot ag kamatayon tungod nagasunod imaw kakon hay bukon it bagay nga mangin sumueunod nakon.

Mateo 16:24

Tapos, naghambae si Jesus sa anang mga sumueunod, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mateo 27:37

May anda nga ginbutang nga karatula sa may ibabaw ku ueo ni Jesus. Ro nakasueat rikato hay ro ginaakusar kana nga “Raya si Jesus nga hari it mga Judio.”

Marcos 10:21

Nakabatyag it pagpalangga si Jesus sa ratong tawo, ag ana ra nga gintueok ag ginhambae, “Sambilog pa gid ro dapat nimong obrahon. Umuli ka ag ibaligya mo ro tanan nimong pagkabutang, ag ipanueupod sa mga pobre ro kabakeanan, ag may imo dayon nga manggad sa eangit. Pagkatapos hay bumalik ka agod mangin sumueunod nakon.”

Marcos 15:26

May ginbutang man nga karatula sa may ibabaw ku anang ueo. Ro nakasueat rikato hay ro ginaakusar kana nga “Ro Hari it mga Judio.”

Marcos 15:32

Maneueuwas baea kuno ra nga ginpromisa it Dyos. Nano man nga hari-a it *Israel ra! Dapat manaog imaw sa krus makaron agod kon makita naton hay basi eon lang mapati kita kana.” Makaruyon man ro pag-insulto kay Jesus ku mga buyong nga gin-eansang kaibahan nana.

Marcos 8:34

Ginpapaeapit dayon nana ro anang mga sumueunod, pati ro abo nga mga tawo nga idto man ag ginhambae, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw mag-atubang it kalisod, paghingabot ag kamatayon por dahil sa anang pagsunod kakon.

Lucas 14:27

Ro bukon it haom nga mag-atubang it kalisod, paghingabot ag kamatayon tungod nagasunod imaw kakon hay indi puydi nga mangin sumueunod nakon.

Lucas 23:26

Pagkatapos, gindaea ku mga soldado si Jesus agod ieansang sa krus. Tag nagapanaw sanda, may hasubeang sanda nga sangka tawo nga si Simon ro ngaean nga tagaCyrene nga bag-ong abot halin sa uma. Anda nga binira si Simon ag ginpapas-an kana ro krus ag ginpasunod imaw kay Jesus.

Lucas 23:33

Pag-abot nanda sa lugar nga ginatawag nga “Lugar it Bungo” hay anda nga gineansang si Jesus sa krus. Gineansang man nanda sa krus ro daywang ka kriminal ngato. Ro krus ku isaea hay sa ay Jesus nga tuo ag ro ana ku sambilog hay sa waea.

Lucas 23:38

May ginbutang man nga karatula sa may ibabaw ku anang ueo nga raya ro nakasueat: “Raya ro Hari it mga Judio.”

Lucas 9:23

Tapos, naghambae si Jesus sa tanan nga nagapaeamati kana, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Juan 19:13

Pagkabati ni Pilato sa ginhambae ku mga tawo hay ana eon man nga ginpapaguwa si Jesus. Nagpungko dayon si Pilato sa ginapungkuan it gobernador kon magpapanaog imaw it sintinsya. Ro lugar ngato hay ginatawag nga Pavement nga Bato, ag ginatawag man ron ku mga Judio nga Gabbata sa andang linggwahe.

Juan 5:2

Idto sa Jerusalem hay may gin-obra nga maeapad nga bubon nga maeapit sa pwertahan nga kon tawgon hay Pwertahan it mga Karnero. Ro bubon ngara hay ginatawag nga Betesda sa linggwahe ku mga Judio. May limang ka panilungan sa mga kilid kara

Mga Binuhatan 7:58

Ginuyod dayon nanda imaw paguwa sa syudad agod batuhon hasta mamatay. Ro mga ginpili nga mga saksi kuntra kay Esteban hay nag-uba ku andang mga pangsanib ag ginbutang rato sa may siki it sangka miron nga si Saulo ro ngaean.