Juan 19:15 - Inkeanon

¹⁵ Pagkakita nanda kana hay nagsilinggit eon man sanda, “Patyon imaw! Patyon imaw! Ieansang imaw sa krus!” Pinangutana sanda ni Pilato, “Gusto ninyo nga ipaeansang ko sa krus ro inyong hari?” Nagsabat ro pinuno it mga saserdote, “Owa kami it ibang hari kundi ro Emperador.”

Juan 19:15 Iomraidhean Croise

Mateo 22:17

Ngani, sugiri abi kami kon ano kimo. Eapas baea sa Kasuguan naton kon magbayad kita it buhis sa Emperador it Roma o bukon?”

Lucas 23:18

Pero nagsilinggit ro tanan nga mga tawo, “Patya ron imaw! Si Barabas 't-a ro amon!”

Juan 18:31

Naghambae si Pilato, “Kamo lang karon ro magsintinsya kana suno ma't-a sa inyong Kasuguan.” Nagsabat ro mga lider it mga Judio, “Pero owa kami it otoridad nga mageansang it bisan sin-o sa krus.”

Juan 19:6

Pagkakita kana ku mga pinuno it mga saserdote ag ku mga gwardya it Templo hay nagsilinggit sanda, “Ieansang imaw sa krus! Ieansang imaw sa krus!” Pero ginsabat sanda ni Pilato, “Kamo't-a ro manabat kon ginapilit gid-a ninyo nga ieansang imaw sa krus, ay kon ako't-a hay owa ako it makita nga krimin nga anang gin-obra.”

Mga Binuhatan 13:28

Bisan owa sanda it hakita nga ebidensya agod sintinsyahan si Jesus it kamatayon hay anda gihapon nga ginhambae si Pilato nga ipabitay imaw.

Mga Binuhatan 21:36

Nagsinunod sanda ag nagsininggit, “Patyon imaw!”

Mga Binuhatan 22:22

Nagpinamati sanda kay Pablo pero tag ginsambit eon nana ro parti sa mga bukon it Judio hay naakig gid sanda. Nagsilinggit sanda, “Patyon imaw! Indi eon dapat mabuhi sa ibabaw it kalibutan ro makaruyon nga klasi it tawo!”