Juan 19:11 - Inkeanon

¹¹ Nagsabat si Jesus, “Owa ka it otoridad nga obrahon ro bisan ano kakon mageuwas eang sa gintugot kimo it Dyos. Ngani ro nagtugyan kakon sa imong mga alima hay mas grabi ro saea kaysa sa imo.”

Juan 19:11 Iomraidhean Croise

Mateo 26:65

Pagkabati karon ku pinakapinuno nga saserdote hay gin-gisi nana ro anang eambong sa anang kaakig. Naghambae dayon imaw, “Ginatupungan 't-a nana kara ro Dyos! Ham-an it mausoy pa abi kita it iba pang testigo ay habatian man ninyo ro anang ginhambae?

Mateo 27:2

Pagkatapos, ginpagapos nanda imaw ag ginpaatubang kay Pilato nga gobernador.

Mateo 6:13

Ayaw kami pagpabay-i nga matentar kundi euwasa kami kay Satanas, ro ginahalinan it kaeainan.’

Marcos 14:44

Ginhambaean eagi ni Judas ro anang mga kaibahan ngato kon paalin nanda makilaea ro andang daeakpon. Hambae ni Judas, “Ro tawo nga akong haruan hay ruyon ro inyong daeakpon. Dakpa eagi ninyo imaw ag pagwardyahi gid ninyo it mayad pagdaea ninyo kana.”

Lucas 22:53

Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Juan 18:13

ag gindaea anay kay Anas. Imaw ro panugangan ni Caifas nga pinakapinuno nga saserdote ku rato nga dag-on.

Juan 18:3

Tag idto sanday Jesus sa katamnan ngato hay nag-abot si Judas, daea ro kaabo nga soldado nga halin sa batalyon sa Jerusalem nga ginmanduan nga magmunot kana. Kaibahan man nanda ro mga gwardya it Templo nga ginpadaea ku mga pinuno it mga saserdote ag ku mga Pariseo. May daea sanda nga mga sueo, lampara ag mga armas.

Juan 19:10

Ngani ginhambae imaw ni Pilato, “Ham-an it indi ka magsabat kakon? Owa ka baea kasayod nga may akon nga otoridad nga pabuhian ka o ipaeansang sa krus?”

Juan 3:27

Nagsabat si Juan, “Ayaw ninyo imaw pagkahisai ay ro anang pagkabantog ngaron hay nagapamatuod nga nagahimo imaw ku kabubut-on it Dyos.

Juan 7:30

Pagkabati it mga manogdumaea ku ginhambae ngato ni Jesus hay ginadakop kunta nanda imaw, pero owa gid it bisan sin-o nga nakatabing kana ay owa pa mag-abot ro oras nga tumanon nana ro plano it Dyos.

Juan 9:41

Nagsabat si Jesus, “Kon gaako eang kunta kamo nga kueang ro inyong pagkaeubot karon hay mahimo pa nga patawaron ro inyong mga saea. Ugaling sininyo abi hay nakaeubot kamo it husto ag indi eon kamo magpaturo, ngani indi gid pagpatawaron ro inyong mga saea.”

Mga Binuhatan 2:23

Si Jesus ngara hay ginpatay ninyo paagi sa inyong pagtugyan kana sa alima it mga nagabaliwala sa *Kasuguan it Dyos, ag gineansang nanda imaw sa krus. Pero ginplano eon eagi ron it Dyos kato-kato pa, ag sayod imaw nga matuman ron.

Mga Binuhatan 3:13

Ro Dyos nga ginasinimba ni *Abraham, ni Isaac, ni Jacob ag ku iba pa natong kalolo-lolohan ro naghimo kara, ag paagi kara hay ginpadunggan nana ro anang sueuguon nga si Jesus. Rondatong inyong ginpadakop ag ginpaatubang kay Pilato nga ana kunta nga ginabuhian ugaling owa gid kamo magsugot. Mas ginpaeabi pa ninyo nga pabuhian tag sambilog ngato nga tawo.

Mga Binuhatan 4:28

Pero sa anda ngatong ginhimo hay natuman ro imo nga ginplano kato pa nga matabo suno sa imong gahom ag pagbuot.

Mga TagaRoma 11:36

Imaw ro nagtuga ku tanan nga butang. Imaw man ro nagakontrol it tanan ag ro tanan nga butang hay para sa anang kadayawan. Dayawon ta imaw hasta sa owa't katapusan. Amen.

Mga TagaRoma 13:1

Dapat nga magpasakop kita tanan sa mga may otoridad katon nga una sa gobyerno ay owa it may otoridad nga magdumaea kon indi ron itugot it Dyos. Ag ro una sa pwesto makaron hay ro Dyos ro nagbutang karon kanda.

Santiago 1:17

tungod ro tanan nga halin sa Dyos nga ginatao nana katon hay mayad ag owa gid it bisan anong maeain. Imaw ro Ama nga nagtuga ku adlaw, buean ag mga bituon. Nagatiniyog ra sanda ngani ro hayag nga nagahalin kanda hay nagaeain-eain man. Kon amat hay hasasalipdan ngani nagasaeom man o kundi hay nagadueom gid. Pero ro Dyos hay bukon it makaruyon. Owa gid imaw nagaeain ag owa gid it makaabang sa anang pagpakamaayo katon.

Santiago 4:17

Ngani tumana ninyo ro akong ginahambae ngara ay kon nasayran it tawo kon ano ro mayad nga dapat obrahon pero owa ra nana ginaobraha hay nagakasaea imaw.