Juan 18:8 - Inkeanon

⁸ Naghambae si Jesus, “Ako ngani makon ro inyong ginausoy ngaron. Kon ako ro inyong tuyo hay papanawa't-a ninyo ro akong mga kaibahan ngara.”

Juan 18:8 Iomraidhean Croise

Mateo 26:56

Pero natabo ra tanan agod ro ginsueat it mga propeta sa Sagrado nga Kasueatan hay matuman.” Pagkahambae karon ni Jesus hay nagpaeagiw dayon tanan ro anang mga sumueunod ag inaywan imaw.

Juan 10:28

Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 13:36

Nagpangutana dayon si Simon Pedro kana, “Ginuo, siin ka't-imo gaadto ay?” Nagsabat si Jesus, “Indi ka pa kamunot kakon makaron sa akong ginapaadtunan pero sa ulihi hay makaapas ka gid idto.”

Juan 16:32

pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

Juan 18:7

Ginpangutana sanda it uman ni Jesus, “Sin-o makon ro inyong ginausoy ay?” Nagsabat sanda it uman, “Si Jesus nga tagaNazaret ngani.”

Juan 18:9

Ginhambae rato ni Jesus agod matuman ro anang hambae nga “Ama, owa gid ako nadueai it bisan sambilog sa imong mga gintugyan kakon.”

1 Corinto 10:13

Ayaw kamo magpaeuya it buot ay ro inyong ginaagyan nga mga tentasyon hay bukon it eain sa ginaagyan it tanan nga tawo. Pero masaligan gid ro Dyos ag indi nana pagsugtan nga tentaron kamo nga indi ninyo masarangan nga sukean kundi maobra imaw it paagi agod masukean ninyo ron.

2 Corinto 12:9

pero sinana kakon, “Salig eang sa akong bulig kimo ay bastanti ron nga makatakod ka, dahil kon nakahimo ro tawo it sangka bagay bisan owa imaw it ikasarang hay dikaron makita nga nahimo na rato dahil eang sa akong gahom.” Ngani malipayon ako sa pagpabugae ku akon nga kahinaan agod buligan ako permi ku gahom ni Kristo nga nagapabilin kakon.

Mga TagaEfeso 5:25

Kamo man nga mga eaki hay dapat ninyo nga higugmaon ro inyong asawa pareho ku paghigugma ni Kristo katon tanan nga mga nagatuo kana. Ginpakita nana ron sa anang pagsakripisyo ku anang kabuhi por dahil katon.

1 Pedro 5:7

Tugyanan ninyo sa Dyos ro tanan ninyong ginakahawagan ay nahakat imaw kinyo.