Juan 18:40 - Inkeanon

⁴⁰ Pero nagsilinggit sanda, “Buko't imaw! Si Barabas 't-a!” Si Barabas ngara hay kriminal nga nagrebelde anay kuntra sa gobyerno it Roma.

Juan 18:40 Iomraidhean Croise

Mateo 26:55

Ginhambae dayon ni Jesus ro kaabo ngato nga mga tawo, “Ano ay? Matsa rebelde't-a ako nga nagdaea pa kamo it daga ag bakulo sa pagdakop kakon. Adlaw-adlaw hay idto ako sa Templo nagalingkod ag nagaturo pero owa ninyo ako kato pagdakpa.

Mateo 27:16

Hatabuan ma't-a kato nga may sangka priso nga si Jesus Barabas ro ngaean nga bantog gid bangod sa anang mga maeain nga ginaobra.

Mateo 27:26

Ginpabuhian dayon ni Pilato si Barabas pero ana nga ginpalatigo si Jesus. Ana dayon nga gintugyan si Jesus sa anang mga soldado agod ieansang sa krus.

Marcos 15:15

Agod nga matuman na ro gusto ku mga tawo, ginpabuhian dayon ni Pilato si Barabas, pero ana nga ginpalatigo si Jesus. Ana dayon nga gintugyan si Jesus sa anang mga soldado agod ieansang sa krus.

Marcos 15:7

Idto sa prisuhan ku ratong oras hay may isaeang ka priso nga ro ngaean hay Barabas. Imaw ra hay hapriso kaibahan ku mga nagrebelde anay kuntra sa gobyerno it Roma, ag nakapatay imaw it tawo ku pagrebelde nanda ngato.

Lucas 23:25

Ginbuhian nana ro ginpili it mga tawo, tag ratong napriso dahil kaibahan imaw ku mga rebelde ag nakapatay. Pero gintugyan nana sa mga soldado si Jesus agod matuman ro gusto it mga tawo kana.