Juan 18:4 - Inkeanon

⁴ Sayod ni Jesus ro tanan nga matabo kana, ngani anang gin-atubang eagi sanda pag-abot nanda, ag ginhambae, “Sin-o ro inyong ginausoy ay?”

Juan 18:4 Iomraidhean Croise

Mateo 16:21

Dikato eon ni Jesus gin-umpisahan it pagpaathag sa anang mga sumueunod nga dapat gid imaw mag-adto sa Jerusalem ag mag-antos it abo nga kalisod sa alima ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon pero banhawon man dayon pagkatatlong adlaw.

Mateo 26:2

“Sayod kamo nga daywang adlaw eon lang ag Pagtililipon eon sa Pagdumdum ku *Pagtaliwan. Dikato man ako nga Unga it Tawo hay pagadakpon ag itugyan sa mga magapaeansang kakon sa krus.”

Mateo 26:21

Samtang nagakaon sanda, naghambae si Jesus, “Matuod rang ginahambae kinyo nga sambilog kinyo ro magatraidor kakon.”

Mateo 26:31

Tag nagapanaw eon sanda, naghambae si Jesus sa anang mga sumueunod, “Makaron nga gabii, kamo tanan hay magatalikod kakon ag aywanan ninyo ako. Ruyon ro katumanan ku ginsueat sa Sagrado nga Kasueatan nga, ‘Patyon ko ro manogbantay it karnero ag magakaealhit ro mga karnero.’

Lucas 24:44

Naghambae pa gid si Jesus, “Ginhambae ko eon kato kinyo, tag nagailiba pa kita, nga ro tanan nga ginsueat ni Moises ag ku mga propeta ag sa Libro it mga Salmo parti kakon hay dapat nga matuman.”

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 13:11

Ginhambae ron ni Jesus ay sayod imaw kon sin-o ro magatraidor kana, ngani naghambae imaw nga bukon it malimpyo sanda tanan.

Juan 18:5

Nagsabat sanda, “Si Jesus nga tagaNazaret.” Nagsabat si Jesus, “Ako ro inyong ginausoy ngaron.” Idto man nagatindog kaibahan nanda si Judas nga nagtraidor kay Jesus.

Juan 18:7

Ginpangutana sanda it uman ni Jesus, “Sin-o makon ro inyong ginausoy ay?” Nagsabat sanda it uman, “Si Jesus nga tagaNazaret ngani.”

Juan 19:28

Pagkahambae karon ni Jesus hay hasayran eon nana nga tapos eon ro tanan nga ginpaobra kana ngani naghambae imaw, “Ginauhaw ako.” Ginhambae nana ron agod ro ginsueat sa Sagrado nga Kasueatan hay matuman.

Juan 6:64

Pero may una gihapon kinyo nga owa nagatuo kakon.” Ginhambae ron ni Jesus ay halin pa kato hay sayod eagi imaw kon sin-o ro mga owa nagatuo kana, ag kon sin-o ro magatraidor kana.

Mga Binuhatan 2:28

Ginpasayod mo kakon ro daean paadto sa pagkabuhi it uman, ag mangin malipayon gid ako ay makaiba eon ako kimo.’ ”

1 Pedro 4:1

Tungod haom si Kristo nga mag-atubang sa mga kasakit ag pag-antos nga naagyan nana tag iya pa imaw sa kalibutan, ngani dapat nga ro inyong paino-ino hay pareho man ku ana, agod nga haom kamo nga magtuo gihapon bisan mag-antos kamo dahil karon. Kon haom ro sangka tawo nga obrahon ron hay nagapakita ron nga nagtalikod eon imaw sa pagpakasaea.