Juan 18:3 - Inkeanon

³ Tag idto sanday Jesus sa katamnan ngato hay nag-abot si Judas, daea ro kaabo nga soldado nga halin sa batalyon sa Jerusalem nga ginmanduan nga magmunot kana. Kaibahan man nanda ro mga gwardya it Templo nga ginpadaea ku mga pinuno it mga saserdote ag ku mga Pariseo. May daea sanda nga mga sueo, lampara ag mga armas.

Juan 18:3 Iomraidhean Croise

Mateo 25:1

Nagturo pa gid si Jesus. Hambae nana, “Ro mga naila nga matapoe sa mga sinakpan it Dyos hay ikakompara sa napueong ka daeaga nga nagdaea it andang lampara ag nagsueang-sueang sa nobyo.

Juan 13:2

Tag nagakaon eon si Jesus ag ro anang mga sumueunod it ihapon hay sinuhot eon karon ni Satanas ro paino-ino ni Judas, nga unga ni Simon Iscariote, nga traiduron nana si Jesus.

Juan 18:12

Gindakop dayon si Jesus ku mga soldado ag ku andang kumander ag ku mga gwardya nga ginpadaea it mga manogdumaea it mga Judio. Anda imaw nga gin-gapos

Juan 18:18

May naghaling it kaeayo idto ay maeamig kato. Ro mga ulipon ag mga gwardya hay idto dapit nagtindog agod magpainit-init, ag idto man si Pedro nagtindog kaibahan nanda, ag nagpainit-init man.

Juan 18:22

Pagkahambae karon ni Jesus hay tinueop imaw it sangka gwardya nga una maeapit kana ag ginhambae, “Ham-an it makaruyon ka't-ing magsabat sa pinakapinuno it tanan nga mga saserdote?”

Juan 19:6

Pagkakita kana ku mga pinuno it mga saserdote ag ku mga gwardya it Templo hay nagsilinggit sanda, “Ieansang imaw sa krus! Ieansang imaw sa krus!” Pero ginsabat sanda ni Pilato, “Kamo't-a ro manabat kon ginapilit gid-a ninyo nga ieansang imaw sa krus, ay kon ako't-a hay owa ako it makita nga krimin nga anang gin-obra.”

Juan 7:32

Habatian ku mga Pariseo ro ginahambae ngara ku mga tawo parti kay Jesus, ngani sanda ag ro mga pinuno it mga saserdote hay nagsugo it mga gwardya it Templo agod dakpon si Jesus.

Mga Binuhatan 1:16

“Mga igmanghod, kinahangean gid ma't-a nga matuman ro nasueat sa Sagrado nga Kasueatan nga ginhambae kato ku Espirito Santo paagi kay Haring David. Raya hay parti kay Judas nga nagpanguna sa mga nagdakop kay Jesus.

Mga Binuhatan 10:1

Idto ma't-a sa Cesarea hay may isaeang ka kapitan nga si Cornelius ro anang ngaean. Nagadumaea ra imaw it 100 nga ka soldado it Roma nga sakop ku batalyon nga kon tawgon hay Batalyon Italyano.