Juan 18:26 - Inkeanon

²⁶ Pinangutana man dayon imaw ku isaea sa mga ulipon ku pinakapinuno nga saserdote nga igbata ku ratong linabo ni Pedro, “Bukon abi it ikaw ro akong hakita idto sa katamnan nga kaibahan ku tawo ngato?”

Juan 18:26 Iomraidhean Croise

Mateo 26:73

Maangan-angan hay nagpaeapit dayon ro mga nagaistambay idto ag ginhambae si Pedro, “Sigurado gid nga kaibahan ka man nanda ay sayod sa ing tono kon maghambae nga tagaGalilea ka.”

Lucas 22:58

Maangan-angan hay may eaki nga nakapan-o kay Pedro. Hambae ku eaki, “Kaibahan ka gid-ing nanda.” Pero nagbalibad gid si Pedro, “Bukon a!”

Juan 18:1

Pagkatapos ni Jesus it pangamuyo, nagpanaw sanda ku anang mga sumueunod ag nagtabok sa sapa it Kidron. May idto nga katamnan ag nagsueod sanda dikato.

Juan 18:10

Gulpi eang dayon nga gin-gabot ni Simon Pedro ro anang daeang daga, ag linabo si Malcus nga ulipon ku pinakapinuno nga saserdote. Nautas ro anang tuo kara nga dueunggan.