Juan 18:25 - Inkeanon

²⁵ Ku rato man nga oras, idto pa si Pedro nagapainit-init sa may kaeayo tag may mga naghambae kana, “Bukon abi it isaea ka sa anang mga sumueunod?” Pero owa mag-ako si Pedro, sinana, “Bukon a.”

Juan 18:25 Iomraidhean Croise

Mateo 26:69

Tag idto pa si Pedro sa *lagwirta it palasyo nagapungko hay may nagpaeapit kana nga sangka bayi nga sueuguon. Ginhambae nana si Pedro, “Kaibahan ka man ni Jesus nga tagaGalilea.”

Marcos 14:66

Tag idto pa si Pedro sa *lagwirta it palasyo, may nag-abot idto nga bayi nga sueuguon ku pinakapinuno nga saserdote.

Lucas 22:55

Idto sa *lagwirta it ratong palasyo hay may kaeayo ag idto dapit nagpueungko ro mga tawo. Nag-iba man kanda si Pedro.

Lucas 22:56

Hakita imaw idto it sangka sueuguon nga bayi tag hahayagan imaw it kaeayo. Tinueok ku bayi si Pedro ag naghambae, “Kaibahan gid nana ro tawo ngara ho!”

Lucas 22:57

Pero nagbalibad 't-a si Pedro. Nagsabat imaw, “Tao kimo, nga bayi ka! Owa't-a ako kakilaea ku haning tawo ngato.”