Juan 17:8 - Inkeanon

⁸ Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 17:8 Iomraidhean Croise

Mateo 13:11

Nagsabat si Jesus, “Dahil kamo ro gintaw-an it Dyos it pribilihiyo nga matud-an it diritso parti sa anang paghari sa anang mga sinakpan nga owa anay ginpasayod kato. Pero ro iba hay owa't-a ku pribilihiyo ngaron.

Juan 12:49

Ro akon nga ginahambae hay bukon it akon-akon eang, kundi kon ano ro ginapahambae kakon ku akong Ama nga nagpadaea kakon iya.

Juan 14:10

Owa ka pa baea gapati nga ako ag ro akong Ama hay may maeueot gid nga kaangtanan nga matsa sambilog eang kami? Ro mga ginasugid ko kinyo hay bukon it akon-akon eang. Kon nagahambae ako, ag nagahimo it mga makangawa-ngawa nga mga butang, ro akon 't-a nga Ama ro nagahimo karon paagi kakon.

Juan 15:15

Owa ko eon kamo ginatawga nga mga ulipon kundi mga amigo. Ro ulipon abi hay owa't-a nakasayod kon ano ro ginaisip ku anang amo, pero kamo't-a hay akong ginpasayod ku tanan nga ginhambae kakon ku akong Ama.

Juan 16:27

tungod ro Dyos Ama mismo hay nagahigugma kinyo. Ginahigugma nana kamo tungod ginahigugma ninyo ako, ag nagapati kamo nga naghalin gid ako kana.

Juan 16:30

Sayod eon kami nga nakasayod ka ku tanan. Bisan ro mga pangutana nga una pa sa paino-ino it mga tawo hay sayod eon nimo, ngani owa eon it kinahangean nga ipangutana pa ron kimo. Mawron nga nagapati kami nga halin ka matuod sa Dyos.”

Juan 17:14

Ginsugid ko kanda ro imong mensahi ag ginakaugtan sanda ku mga owa nagatuo kakon. Ginakaugtan ro akong mga sumueunod ay ro andang kinaiya hay pareho eon ku akon, nga eain gid kaysa sa ana ku mga owa nagatuo kakon.

Juan 17:18

Ginapadaea ko sanda agod ituro ro imong mensahi sa mga owa pa nagatuo kakon, pareho ku imong pagpadaea kakon iya.

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Juan 17:23

Maeueot gid ro akong kaangtanan kanda ag makaruyon man ro imong kaangtanan kakon, ngani kabay pa nga mangin malig-on ro andang paghiliugyon nga matsa sambilog eang sanda. Ag kon hikita ron it mga tawo iya sa kalibutan hay masayran nanda nga ginpadaea mo ako iya, ag ginahigugma mo ro mga tawo ngara pareho ku imong paghigugma kakon.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 3:33

Ro mga nagpati ngato kana hay nagapamatuod man nga matuod gid ro ginahambae it Dyos

Juan 6:68

Nagsabat si Simon Pedro, “Ginuo, kanyo pa abi kami maadto? Ikaw eang ro nagaturo it mensahi nga nagatao it kabuhi nga owa it katapusan.

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

1 Corinto 11:23

Indi ko kamo madayaw ay raya ro ginturo kakon it Ginuo nga ginturo ko man kato kinyo: Ku gabii nga gintraidor si Ginuong Jesus, tag nagaihapon sanda ku anang mga sumueunod hay nagbuoe imaw it tinapay,

1 Corinto 15:1

Mga igmanghod, gusto ko nga ipadumdum kinyo makaron ro Mayad nga Balita nga ginwali ko kato kinyo nga inyong ginpatihan ag hasta makaron hay malig-on gihapon ro inyong pagtuo karon.

1 Tesalonica 2:13

Permi man kami nagapasaeamat sa Dyos tungod pagkabati ninyo ku among mensahi hay ginbaton ninyo nga halin gid ra sa Dyos, bukon it halin eang sa tawo. Ag matuod nga halin gid ma't-a ra sa Dyos. Ro mensahi ngara hay nagapamunga it mayad sa kabuhi ninyo nga mga tumueuo.

1 Tesalonica 4:1

Mga igmanghod, gintud-an eon namon kamo kato kon mauno ro pagkabuhi nga makapalipay sa Dyos, ag hasta makaron hay ginatuman ra ninyo. Makaron, ginapangabay ag ginahinyo namon kinyo paagi sa otoridad nga gintugyan kamon ni Ginuong Jesus nga magkabuhi kamo it mas makapalipay pa gid sa Dyos.

1 Juan 4:14

Hakita gid namon si Jesus. Ngani ginapamatud-an man namon nga ginpaadto iya it Dyos nga Ama ro anang Unga agod mangin Maneueuwas it kalibutan.

Pahayag 1:1

Ro nasueat sa kasueatan ngara hay ro mga butang nga ginpahayag ni Jesu-Kristo parti sa mga dapat magkaeanabo sa indi eon magbuhay. Ro Dyos ro nagpahayag kara kana agod isugid man nana sa tanan nga mga nagaserbi kana. Ngani ginpaadto ni Kristo ro anang anghel agod ipasayod ro mga butang ngara kakon nga si Juan nga isaea sa mga nagaserbi kana.