Juan 17:6 - Inkeanon

⁶ Nagpadayon si Jesus sa anang pagpangamuyo, hambae nana, “Ginpasayod ko ro imong kinaiya ag plano sa mga tawo nga gintugyan mo kakon. Imo sanda nga mga katawhan nga ginpaeain mo sa mga tawo nga owa gatuo kakon, ag imo sanda nga gintugyan kakon. Gintuman nanda ro imong hambae

Juan 17:6 Iomraidhean Croise

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 12:28

Tapos, naghambae si Jesus sa Ama, “Ama, pakitaan nga daeayawon ka nga Dyos.” May naghambae dayon halin sa eangit, “Ginpakita ko eon don ag ipakita ko ron it uman.”

Juan 15:19

Kon pareho kamo kanda nga owa nagatuo kakon hay mailaan 't-a nanda kamo ay paeareho abi kamo. Pero bukon kamo it pareho kanda ay ginpili ko kamo agod bukon eon kamo it kaibahan ku mga owa nagatuo kakon. Mawron nga ginakaugtan nanda kamo.

Juan 15:3

Kamo hay pareho it mga sanga nga ginpungoe ag malimpyo eon kamo, ay ginpatawad eon kamo dahil nagpati kamo sa mensahi nga akong ginhambae kinyo.

Juan 15:7

Pero kon nagapadayon kamo sa inyong maeueot nga kaangtanan kakon ag padayon nga nakatanom sa inyong paino-ino ro akong hambae, pangayo kamo sa Ama it bisan ano nga inyong gusto, ag itao ron nana kinyo.

Juan 17:12

Samtang kaibahan pa nanda ako hay ginabuligan ko sanda nga ro andang kinaiya hay mangin pareho ku imong kinaiya nga imong ginpapahayag kakon. Ginbantayan ko gid sanda it mayad ag owa gid kanda it naduea, mageuwas eang sa sambato nga nag-usoy ma't-a ku anang owa it katapusan nga pina sa impyerno. Pero dapat rato nga matabo agod ro ginsueat sa Sagrado nga Kasueatan hay matuman.

Juan 17:14

Ginsugid ko kanda ro imong mensahi ag ginakaugtan sanda ku mga owa nagatuo kakon. Ginakaugtan ro akong mga sumueunod ay ro andang kinaiya hay pareho eon ku akon, nga eain gid kaysa sa ana ku mga owa nagatuo kakon.

Juan 17:16

Ro andang kinaiya hay pareho eon ku akon nga eain gid kaysa sa ana ku mga owa nagatuo kakon.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Juan 17:26

Ginpasayod ko kanda ro imong kinaiya ag plano, ag padayunon ko ron agod maghigugmaanan sanda pareho ku imong paghigugma kakon, ag agod padayon nga mageueot ro akong kaangtanan kanda.”

Juan 17:7

ag sayod eon sanda makaron nga ro tanan-tanan nga imong ginpaturo ag ginpaobra kakon hay halin gid-a kimo.

Juan 18:9

Ginhambae rato ni Jesus agod matuman ro anang hambae nga “Ama, owa gid ako nadueai it bisan sambilog sa imong mga gintugyan kakon.”

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 6:39

Ag ro pagbuot ku nagpadaea iya kakon hay raya, nga indi ko gid hiduea ro bisan sambilog sa anang gintugyan kakon kundi banhawon ko sanda sa katapusan nga adlaw.

Juan 8:51

Matuod gid rang ginahambae kinyo nga ro nagapati ag nagatuman sa akong ginahambae hay indi mamatay bisan hasta hin-uno.”

Juan 8:52

Naghambae sanda, “Sigurado eon gid kami nga ginsudlan ka it demonyo ay si Abraham ag ro mga propeta hay nagkaeamatay eon kato pa. Ham-an it gahambae ka nga ro nagapati ag nagatuman sa imong ginahambae hay indi makaagi it kamatayon bisan hasta hin-uno?

Mga Binuhatan 13:48

Nalipay ro mga bukon it Judio pagkabati nanda ku ginhambae ni Pablo ag sinanda hay kanami gid ro mensahi halin sa Dyos. Ag ro tanan nga ginpili eon eagi it Dyos nga makabaton it kabuhi nga owa it katapusan hay nagtuo.

Mga TagaRoma 11:2

Matuod ro akong hambae ngara nga owa ginsikway it Dyos ro anang mga katawhan nga anang mga ginpili kato pa't-a eagi. Owa baea kamo kasayod kon ano ro ginahambae sa Sagrado nga Kasueatan parti kay Elias tag nagreklamo imaw sa Dyos ku mga gin-obra nga maeain ku mga kadugo nana nga mga inapo ni Israel?

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

Mga TagaColosas 3:16

Itanom gid ninyo sa inyong paino-ino ro Mayad nga Balita parti kay Kristo. Gamita ro kaaeam nga gintao kinyo sa pagturo ag sa pageaygay sa kada isaea. Magkanta kamo it mga salmo ag mga sari-saring mga kaeantahon sa pagdayaw sa Dyos nga may hantop nga pagpasaeamat sa inyong tagipusuon.

2 Timoteo 1:13

Ro mensahi nga habatian mo nga ginturo ko tag inha pa ako hay sueundanan kon ano ro tama nga doktrina nga dapat man nimong ituro. Ag sa imong pagturo, padayuna gihapon ro imong pagtuo ag paghigugma nga una sa tanan nga may maeueot nga kaangtanan kay Kristo Jesus.

Mga Hebreo 2:12

May nasueat nga ginhambae nana nga: “Isugid ko sa akon nga mga kaigmanghuran kon sin-o gid ikaw. Makanta ako it pagdayaw kimo sa atubang it kadagayaan nga nagatililipon.”

Mga Hebreo 3:6

Pero si Kristo ma't-a hay unga it tagbaeay ag masaligan imaw sa pagtatap ku panimaeay ku anang Ama. Ag kita ro panimaeay it Dyos, kon magpakalig-on kita sa atong pagkasigurado nga mabaton naton ro mga ginpromisa it Dyos nga atong ginapabugae nga maabot.

1 Pedro 1:1

Raya nga sueat hay halin kakon nga si Pedro nga sangka *apostol ni Jesu-Kristo. Nagasueat ako kinyo nga mga katawhan nga pinili it Dyos nga nagapangabuhi bilang mga umaeagi iya sa ibabaw it kalibutan nga makaron hay nagaistar eon sa nagakaeain-eain nga lugar sa mga probinsya it Pontus, Galacia, Capadosia, Asya ag Bitinia.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

Pahayag 2:13

Sayod ako nga ro inyong lugar hay sentro it paghari ni Satanas. Pero malig-on gihapon ro inyong pagtuo kakon, ag owa ninyo ginpanghiwaea ron bisan grabi ro paghingabot kinyo sa tyempo nga ginpatay ro inyong kasimanwa nga si Antipas, nga matutom sa ana nga pagpamatuod parti kakon inha sa ginaistaran ni Satanas.

Pahayag 3:10

Tungod nagtuman kamo sa akong hambae kinyo nga tiison ninyo ro tanan nga kalisod dahil kakon hay proteksyunan ko kamo sa grabi nga kalisod nga maabot sa bilog nga kalibutan agod testingan ro tanan nga mga tawo.

Pahayag 3:8

Sayod ko ro tanan ninyong buhat. Sayod man ako nga sangkiri man lang ro inyong ikasarang, pero ginatuman ninyo ro akong mga sugo, ag owa ninyo ginpanghiwaea nga mga sumueunod ko kamo. Ngani may ginbuksan ako nga pwertahan para kinyo, ag owa gid it bisan sin-o nga makasara karon.