Juan 17:5 - Inkeanon

⁵ Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 17:5 Iomraidhean Croise

Mateo 25:34

Pagkatapos, bilang Hari hay hambaeon ko ro mga tawo sa akong may tuo, ‘Maliya kamo nga mga ginapakamaayo ku akon nga Ama. Bilang anang mga sinakpan hay batuna ninyo ro inyong premyo nga gintigana kinyo halin pa ku pagtuga it kalibutan.

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 10:30

Ako ag ro Dyos Ama hay sambilog eang.”

Juan 14:9

Nagsabat si Jesus, “Felipe, mabuhay eon ro akong pag-iniba kinyo ag owa ka't-ing gihapon kakilaea kakon? Ro nakakita kakon hay nakakita man sa akong Ama. Ham-an it gahambae ka pa nga ipakita ko kinyo ro akong Ama?

Juan 17:1

Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Juan 3:13

Owa it nakasayod parti sa mga butang sa eangit ay owa pa it nakaadto idto. Pero ako nga Unga it Tawo hay makasugid karon ay idto ako maghalin.

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

Mga TagaFilipos 2:6

Bisan imaw hay Dyos hay owa nana pagbilanga nga dapat gid nanang panghugtan ro anang pagkadaeayawon bilang Dyos

Mga Hebreo 1:10

Naghambae pa gid ro Dyos sa anang Unga, “Sa umpisa, ikaw, Ginuo, ro nagtuga ku kalibutan ag ro kaeangitan hay imo man nga inobrahan.

Mga Hebreo 1:3

Ro pagkadaeayawon ag kadungganan it Dyos hay makita man sa anang Unga. Kon mauno gid ro kinaiya it Dyos hay makaruyon gid ro anang Unga. Imaw ro nagapapadayon sa tama nga kaayusan ku tanan-tanan, ag nagakontrol ku tanan paagi sa gahom ku anang hambae. Paagi sa anang kamatayon hay ginlimpyuhan nana kita sa atong mga saea. Pagkahimo nana kato hay nagbalik imaw sa eangit ag nagpungko sa pinakadungganon nga pwesto sa tuo it eabing dungganon nga Dyos.

1 Pedro 1:20

Bago pa't-a gintuga ro kalibutan hay ginbutang eon it Dyos si Kristo nga mangin maneueuwas it tawo suno sa anang plano. Pero ku raya eang nga ulihing mga inadlaw imaw ginpahayag ag nakapanimpueos eon kamo sa anang ginhimo.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.

1 Juan 1:2

Imaw nga nagatao it kabuhi hay nag-adto gid iya sa kalibutan ngani mapamatud-an namon nga hakita gid namon imaw, ag ginasugid namon kinyo nga imaw ro ginatawag nga Kabuhi nga Owa it Katapusan. Bago imaw nag-adto iya hay kaibahan eo't-a imaw it Dyos nga Ama, ag ku ulihi hay nag-abot gid-a ngani imaw iya.

Pahayag 13:8

Ngani simbahon ro sapat ngato ku tanan nga tawo sa bilog nga kalibutan, nga ro mga ngaean hay owa nasueat sa listahan ku mga gintaw-an it kabuhi nga owa it katapusan. Ro mga ngaean ma't-a abi ku mga gintaw-an it kabuhi ngaron hay nasueat eon bago pa gintuga ro kalibutan, sa listahan ngaron nga ana ku Tiyo it Karnero nga ginsakripisyo para sa kasae-anan it tawo.

Pahayag 3:21

“ ‘Ro nagapadayon nga madinaeag-on sa andang pagsunod kakon hay taw-an nakon it kinamatarong nga magpungko sa akong euyo, ag maghari kaibahan nakon. Pareho man sanda kakon nga nagmadinaeag-on, ag nagapungko eon ako iya sa euyo ku akon nga Ama ag nagahari kaibahan nana.