Juan 17:4 - Inkeanon

⁴ Ginpakita ko sa mga tawo iya sa kalibutan nga daeayawon ka nga Dyos paagi sa pagtapos nakon ku imong oeobrahon nga imong ginpaobra kakon.

Juan 17:4 Iomraidhean Croise

Lucas 22:37

Himua ninyo ron dahil ginahambae ko kinyo nga dapat nga matuman rondayang ginsueat ngara sa Sagrado nga Kasueatan parti kakon nga, ‘Ginbilang imaw nga isaea sa mga nagabaliwala sa Kasuguan it Dyos.’ Rondaya mismo nga ginsueat parti kakon hay madali lang matuman.”

Juan 12:28

Tapos, naghambae si Jesus sa Ama, “Ama, pakitaan nga daeayawon ka nga Dyos.” May naghambae dayon halin sa eangit, “Ginpakita ko eon don ag ipakita ko ron it uman.”

Juan 14:13

Ag bisan ano ro inyong pangayuon bilang mga sumueunod nakon hay himuon ko, agod dayawon ro Ama paagi kakon nga anang Unga.

Juan 14:31

Pero ginabaton ko ro madali lang matabo kakon agod ipakita sa mga tawo nga ginahigugma ko ro akong Ama, ag ginatinuman ko permi kon ano ro anang ginsugo kakon. Musyon kamo, mapanaw eon kita.”

Juan 19:28

Pagkahambae karon ni Jesus hay hasayran eon nana nga tapos eon ro tanan nga ginpaobra kana ngani naghambae imaw, “Ginauhaw ako.” Ginhambae nana ron agod ro ginsueat sa Sagrado nga Kasueatan hay matuman.

Juan 19:30

Pagkasamit kato ni Jesus hay naghambae imaw, “Tapos eon gid ro ginapaobra kakon!” Pagkatapos hay dumungok imaw ag gintugyan sa Dyos ro anang espirito.

Juan 4:34

Naghambae si Jesus kanda, “Ro akong pagkaon hay ro pagtuman ku kabubut-on ku nagpadaea iya kakon ag ro pagtapos ku anang ginapaobra kakon.

Juan 5:36

Pero may pagpamatuod parti kakon nga mas pa sa pagpamatuod ngato ni Juan. Ruyon hay ro akong mga ginahimo nga ginpaobra kakon ku akong Ama, nga dapat ko nga tapuson. Nagapamatuod ron sanda nga ro Ama gid ro nagpadaea iya kakon.

Juan 9:3

Nagsabat si Jesus, “Ro anang pagkabulag hay bukon it dahil nagkasaea imaw o ro anang mga ginikanan kundi agod ikapakita ro gahom it Dyos sa pagpamayad kana.

Mga Binuhatan 20:24

Pero indi bali bisan patyon pa ako idto ay mas mahaega kakon nga matapos ko ro oeobrahon nga ginapaobra kakon ni Ginuong Jesus kaysa sa akong kabuhi. Ro anang ginapaobra kakon hay iwali ko ro Mayad nga Balita parti sa sobrang kabuot it Dyos.

2 Timoteo 4:7

Grabi gid ro akong pagtinguha sa akong pagserbi sa Dyos. Pareho it manogkarera hay nagdaeagan ako it mayad ag natapos ko ro karera. Owa gid ako nagtalikod sa atong ginatuuhan.