Juan 17:3 - Inkeanon

³ Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 17:3 Iomraidhean Croise

Marcos 9:37

“Ro bisan sin-o nga nagadipara sa nagatuo kakon nga mapainubuson pareho ku unga ngara hay ako gid-a ro anang ginadipara. Ag ro bisan sin-o nga nagahimo karon kakon hay ana man nga ginahimo ron sa Dyos nga nagpadaea kakon.”

Lucas 9:48

Naghambae dayon imaw, “Ro bisan sin-o nga nagadipara sa nagatuo kakon nga mapainubuson pareho ku unga ngara hay ako gid-a ro anang ginadipara. Ag ro bisan sin-o nga nagahimo karon kakon hay ana man nga ginahimo ron sa Dyos nga nagpadaea kakon. Ngani kon sin-o ro pinakamapainubuson kinyo tanan hay imaw 't-a ro importanti.”

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 11:42

Sayod ako nga ginapamatian mo ako permi, pero ginhambae ko ra agod ro mga tawo ngara nga nagatilindog sa akong palibot hay magapati nga ikaw ro nagpaadto kakon iya.”

Juan 14:26

Pero kon owa eon ako, padaehan kamo ku akong Ama it Manogbulig, ag ruyon hay ro Espirito Santo ag imaw ro magabueos kakon. Imaw ro magaturo kinyo it tanan nga butang ag magapadumdum ku tanan nga ginhambae ko kinyo.

Juan 17:18

Ginapadaea ko sanda agod ituro ro imong mensahi sa mga owa pa nagatuo kakon, pareho ku imong pagpadaea kakon iya.

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Juan 17:23

Maeueot gid ro akong kaangtanan kanda ag makaruyon man ro imong kaangtanan kakon, ngani kabay pa nga mangin malig-on ro andang paghiliugyon nga matsa sambilog eang sanda. Ag kon hikita ron it mga tawo iya sa kalibutan hay masayran nanda nga ginpadaea mo ako iya, ag ginahigugma mo ro mga tawo ngara pareho ku imong paghigugma kakon.

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 3:34

tungod ro mga ginahambae mismo it Dyos ro ginasugid ku anang ginpadaea iya, ag gintaw-an imaw it Dyos it Espirito Santo nga owa it hawid-hawid.

Juan 5:44

Paalin 't-a abi kamo magtuo kakon kon ro inyo eang nga ginahangad hay ro pagdayaw it kada isaea, ag owa gid kamo gahangad ku pagdayaw it owa't kapareho nga Dyos?

Juan 6:57

Ginpadaea ako iya ku akong Ama nga ginahalinan it kabuhi, ag kon mauno nagakabuhi ako dahil kana, makaruyon man ro nagakaon kakon hay magakabuhi man dahil kakon.

Juan 7:29

Pero ako't-a hay kilaea ko't-a imaw dahil idto ako kana naghalin, ag imaw man ro nagpadaea iya kakon.”

Juan 8:19

Ginpangutana dayon nanda si Jesus, “Hay siin ro imong ginahambae ngaron nga Ama?” Nagsabat si Jesus, “Owa kamo kakilaea it mayad kakon ag owa man kamo kakilaea it mayad sa akon nga Ama. Kon kilaea ninyo ako it mayad hay kilaea man ninyo it mayad ro akong Ama.”

1 Corinto 15:34

Bugtaw eon abi kamo! Tadlunga eon ro inyong tiko ngaron nga paino-ino. Magkabuhi kamo it matarong ag punduha eon ninyo ro pagpakasaea ay ro iba inha kinyo hay owa pa't-a kakilaea sa Dyos. Ginahambae ko ra agod mahuya kamo.

1 Corinto 8:4

Balikan naton ro inyong pangutana kon puydi kitang magkan-on it karne nga ginhaead sa mga diyos-diyos. Sayod kita nga ro mga diyos nga ginarepresentar kuno it mga diyos-diyos hay bukon it matuod dahil sambilog gid lang ro matuod nga Dyos ag owa eon it iba pa.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

Mga TagaFilipos 3:10

Ro akon gid nga handom hay mas mageueot pa gid ro akong pagkakilaea kay Kristo. Gusto ko maeksperyensyahan sa akong kabuhi ro gahom nga nagbanhaw kana. Ag haom gid ako nga mag-antos por dahil kana, ay nag-antos man imaw por dahil kakon, ag haom ako mamatay sa pagsunod kana, ay namatay man imaw por dahil kakon.

Mga TagaFilipos 3:8

Ag bukon eang it ro mga ruyon ro akong ginabilang makaron nga kaperdihan kundi ro tanan-tanan eo't-a, ay ro akong maeueot nga pagkakilaea kay Kristo Jesus nga akong Ginuo hay eabaw pa gid sa bisan ano. Dahil kana, gintalikdan ko ron tanan ag ginabilang ko nga makasuka-suka nga basura, agod mas mageueot pa gid ro akong kaangtanan kay Kristo,

1 Tesalonica 1:9

Sanda mismo ro nagasugid kon mauno ro inyong pagbaton kamon ag kon paalin ninyo gintalikdan ro inyong mga diyos-diyos agod magserbi sa matuod ag buhi nga Dyos.

2 Tesalonica 1:8

Kon magpakita eon ro atong Ginuo nga si Jesus hay may galibot kana nga nagadaba-daba nga kaeayo. Ana nga pinahan ro mga indi magkilaea sa Dyos, ag indi magpati sa Mayad nga Balita parti kana.

Mga Hebreo 3:1

Ngani mga igmanghod ko nga ginpaeain it Dyos nga mangin anang balaan nga mga katawhan, kamo nga parehas man kakon nga gintawag it Dyos agod mangin kaibahan nana idto sa eangit, paino-inoha gid ninyo it mayad si Jesus. Imaw ro ginpadaea iya it Dyos ag imaw man ro atong ginakilaea nga Pinakapinuno nga Saserdote ku doktrina nga atong ginatuuhan.

2 Pedro 1:2

Kabay pa nga masamitan pa gid ninyo ro mga pagpakamaayo ag katawhayan halin sa Dyos samtang ro inyong pagkakilaea kana ag kay Jesus nga atong Ginuo hay mas nagadaeom.

2 Pedro 1:3

Paagi sa ana mismong gahom hay gintaw-an kita it Dyos it tanan naton nga kinahangeanon agod magkabuhi kita nga matinumanon kana. Nabaton naton ron tungod nakakilaea eon gid kita kana, ag imaw ro nagtawag katon agod makaambit kita sa anang kadungganan ag mayad nga kinaiya.

2 Pedro 1:8

Ro mga ruyon ngaron ro inyong ginakinahangean tungod kon bugana kamo karon hay magahugod kamo sa pag-obra it mayad, ag mangin mapinuslanon kamo nga mga tawo dahil sa inyong pagkakilaea sa atong Ginuo nga si Jesu-Kristo.

1 Juan 1:2

Imaw nga nagatao it kabuhi hay nag-adto gid iya sa kalibutan ngani mapamatud-an namon nga hakita gid namon imaw, ag ginasugid namon kinyo nga imaw ro ginatawag nga Kabuhi nga Owa it Katapusan. Bago imaw nag-adto iya hay kaibahan eo't-a imaw it Dyos nga Ama, ag ku ulihi hay nag-abot gid-a ngani imaw iya.

1 Juan 1:3

Ngani ginasugid namon kinyo kon ano ro among hakita ag habatian parti kay Jesu-Kristo, agod kamo hay makaiba man kamon sa amon nga pagpakig-iba sa Dyos nga Ama, ag sa anang Unga nga si Jesu-Kristo.

1 Juan 2:23

Tungod ro bisan sin-o nga owa nagabaton sa Unga it Dyos hay owa man it maeueot nga kaangtanan sa anang Ama, pero ro nagabaton sa Unga hay may maeueot man nga kaangtanan sa Dyos nga Ama.

1 Juan 4:6

Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.