Juan 17:25 - Inkeanon

²⁵ Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 17:25 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 16:16

Nagsabat si Simon Pedro, “Ikaw ro Maneueuwas nga ginpromisa it Dyos. Ikaw ro Unga ku buhi nga Dyos.”

Lucas 10:22

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 10:15

Ro among pagkililaea hay pareho ku pagkililaea namon ku akong Ama. Ag haom man ako nga magsakripisyo ku akong kabuhi para sa akong mga karnero.

Juan 15:21

Pero himuon nanda ro tanan ngaron nga mga paghingabot kinyo dahil nagatuo kamo kakon, ag tungod saea ro andang pagkakilaea sa Dyos nga nagpadaea iya kakon.

Juan 16:27

tungod ro Dyos Ama mismo hay nagahigugma kinyo. Ginahigugma nana kamo tungod ginahigugma ninyo ako, ag nagapati kamo nga naghalin gid ako kana.

Juan 16:3

Obrahon ron nanda kinyo dahil saea ro andang pagkakilaea sa akong Ama, ag pati man kakon.

Juan 16:30

Sayod eon kami nga nakasayod ka ku tanan. Bisan ro mga pangutana nga una pa sa paino-ino it mga tawo hay sayod eon nimo, ngani owa eon it kinahangean nga ipangutana pa ron kimo. Mawron nga nagapati kami nga halin ka matuod sa Dyos.”

Juan 17:11

Mabalik ako inha kimo ag aywan ko eon ro kalibutan ngara ag hiaywanan sanda iya. Balaan nga Ama, buligi sanda agod ro andang kinaiya hay mangin pareho man ku imong kinaiya, nga imong ginpapahayag kakon agod maghiliugyon sanda pareho katon.

Juan 17:18

Ginapadaea ko sanda agod ituro ro imong mensahi sa mga owa pa nagatuo kakon, pareho ku imong pagpadaea kakon iya.

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Juan 17:23

Maeueot gid ro akong kaangtanan kanda ag makaruyon man ro imong kaangtanan kakon, ngani kabay pa nga mangin malig-on ro andang paghiliugyon nga matsa sambilog eang sanda. Ag kon hikita ron it mga tawo iya sa kalibutan hay masayran nanda nga ginpadaea mo ako iya, ag ginahigugma mo ro mga tawo ngara pareho ku imong paghigugma kakon.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 6:19

Tag mga lima o an-om nga kilometro eon ro andang pagbinugsay, hakita nanda si Jesus nga nagatikang sa ibabaw it tubi, ag nagapaeangop sa andang baroto ag hinadlukan sanda it duro.

Juan 7:29

Pero ako't-a hay kilaea ko't-a imaw dahil idto ako kana naghalin, ag imaw man ro nagpadaea iya kakon.”

Juan 8:19

Ginpangutana dayon nanda si Jesus, “Hay siin ro imong ginahambae ngaron nga Ama?” Nagsabat si Jesus, “Owa kamo kakilaea it mayad kakon ag owa man kamo kakilaea it mayad sa akon nga Ama. Kon kilaea ninyo ako it mayad hay kilaea man ninyo it mayad ro akong Ama.”

Juan 8:55

Owa ninyo imaw makilaea pero kilaea ko't-a imaw. Kon maghambae ako nga owa ko imaw hakilaea hay pareho eon dayon ako kinyo nga purilon. Kilaea ko gid-a imaw ag ginatuman ko ro anang ginahambae.

Mga Binuhatan 17:23

Nakahambae ako kara dahil sa akong paglibot-libot hay akon nga ginatuetan-aw ro inyong mga ginasimba. May hakita ako nga altar nga ro nakasinsil hay ‘Para Sa Owa Makilaea nga Dyos’. Ngani ro akon nga ihambae kinyo makaron hay parti sa inyong ginasimba ngara nga owa ninyo makilaea.

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga TagaRoma 1:28

Para kanda hay owa it pueos nga kilaeahon ro Dyos. Ngani ginpabay-an eon sanda it Dyos nga obrahon kon ano ro una sa andang paino-ino nga indi eon makatimbang kon ano ro mayad o maeain. Mawron nga ro andang ginaobra hay ro indi dapat obrahon.

Mga TagaRoma 3:11

Owa gid it nakaeubot ku dangatan ku andang pagkamakasasaea, ag owa man it nagausoy it paagi nga makilaea ro Dyos.

Mga TagaRoma 3:26

Ginpinasensyahan nana ro saea ku mga tawo kato anay pero makaron, ro mga saea ngato hay gintapoe sa mga saea nga ginbayran ni Jesus paagi sa anang kamatayon sa krus. Gapakita eang ra nga matarong 't-a ro Dyos ag ana nga ginabilang nga matarong sa anang panueok ro tanan nga nagatuo kay Jesus.

1 Corinto 1:21

Bangod maaeam gid ro Dyos, anang ginplano nga indi imaw makilaea it mga tawo paagi sa andang kaugalingon nga kaaeam kundi anang ginbuot nga maeuwas ro mga magatuo kay Kristo nga among ginawali sa Mayad nga Balita nga ginasinghan it tawo nga pinaumang.

1 Corinto 15:34

Bugtaw eon abi kamo! Tadlunga eon ro inyong tiko ngaron nga paino-ino. Magkabuhi kamo it matarong ag punduha eon ninyo ro pagpakasaea ay ro iba inha kinyo hay owa pa't-a kakilaea sa Dyos. Ginahambae ko ra agod mahuya kamo.

2 Corinto 4:4

Ro andang paino-ino hay ginapadueom ni Satanas nga nagapadiyos-diyos sa rayang tyempo. Mawron nga indi sanda mahayagan it Mayad nga Balita nga nagasugid ku pagkadaeayawon ni Kristo nga imaw ro nagapakita kon mauno gid ro Dyos.

2 Tesalonica 1:8

Kon magpakita eon ro atong Ginuo nga si Jesus hay may galibot kana nga nagadaba-daba nga kaeayo. Ana nga pinahan ro mga indi magkilaea sa Dyos, ag indi magpati sa Mayad nga Balita parti kana.

Mga Hebreo 8:11

Owa eon it kinahangean nga tud-an pa nanda ro andang kasimanwa nga dapat nandang kilaeahon ako nga Dyos, dahil makilaea nanda ako tanan, halin sa pinakakubos hasta sa mga pinakadungganon.

1 Juan 1:9

Pero kon aton nga akuon sa Dyos ro atong mga saea, ag pangayuan it patawad hay ana kita nga patawaron ag limpyuhan sa tanan naton nga nahimo nga bukon it matarong, agod mangin limpyo kita sa anang panueok, dahil ro Dyos hay permi nga matarong ro anang ginaobra, ag permi nga masaligan nga tumanon nana ro anang ginpromisa.

Pahayag 13:8

Ngani simbahon ro sapat ngato ku tanan nga tawo sa bilog nga kalibutan, nga ro mga ngaean hay owa nasueat sa listahan ku mga gintaw-an it kabuhi nga owa it katapusan. Ro mga ngaean ma't-a abi ku mga gintaw-an it kabuhi ngaron hay nasueat eon bago pa gintuga ro kalibutan, sa listahan ngaron nga ana ku Tiyo it Karnero nga ginsakripisyo para sa kasae-anan it tawo.

Pahayag 16:5

Habatian ko dayon nga naghambae ro anghel nga nagadumaea ku tanan nga tubi sa kalibutan. Sinana, “Balaan ikaw nga Dyos nga nagakabuhi hasta sa owa it katapusan ag owa it ginhalinan. Matarong ikaw ay ro imong mga pina ngara nga gintao hay tama gid.