Juan 17:24 - Inkeanon

²⁴ “Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Juan 17:24 Iomraidhean Croise

Mateo 25:21

“Nagsabat ro amo, ‘Mayad ka gid ag masaligan nga sueuguon! Dahil masaligan ka sa pilang ka responsibilidad, tugyanan ko ikaw it mas abo pa gid. Nalipay gid ako kimo ngani mus, maselebrar kita.’

Mateo 25:23

“Nagsabat ro amo, ‘Mayad ka gid ag masaligan nga sueuguon! Dahil masaligan ka sa pilang ka responsibilidad, tugyanan ko ikaw it mas abo pa gid. Nalipay gid ako kimo ngani mus, maselebrar kita.’

Mateo 25:34

Pagkatapos, bilang Hari hay hambaeon ko ro mga tawo sa akong may tuo, ‘Maliya kamo nga mga ginapakamaayo ku akon nga Ama. Bilang anang mga sinakpan hay batuna ninyo ro inyong premyo nga gintigana kinyo halin pa ku pagtuga it kalibutan.

Mateo 26:29

Ginahambae ko kinyo nga halin makaron, indi gid ako mag-inom it makarayang bino hasta indi mag-abot ro oras nga kaibahan ko kamo, pati ro tanan nga mga sinakpan ku akon nga Ama, ag bag-o eon ro tanan.”

Lucas 12:37

Bulahan gid-a ro mga sueuguon nga hiabutan ku andang amo nga haom ag nagabantay. Matuod rang ginahambae kinyo nga pag-abot it amo hay masuksuk imaw it eambong it manogserbi ag paadtunon nana sa lamisa ro mga sueuguon ag serbihan.

Lucas 23:43

Nagsabat si Jesus, “Matuod rang ginahambae kimo nga sa daya gid nga adlaw hay mangin kaibahan ka nakon sa Paraiso.”

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 14:3

Kon haom eon ro lugar para kinyo hay magabalik ako iya ag sueangon ko kamo ag daehon dayon sa akong ginhalinan agod mag-ililiba kita idto.

Juan 15:9

“Ginahigugma ko kamo pareho ku paghigugma kakon ku akon nga Ama, ngani padayuna ninyo ro pagtuman sa akong mga sugo. Kon himuon ninyo ron, permi ninyo nga mabatyagan ro akon nga padayon nga paghigugma kinyo. Pareho man kakon, tungod ginatuman ko permi ro mga sugo ku akon nga Ama ngani permi ko nga habatyagan ro anang padayon nga paghigugma kakon.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 17:22

Gintao ko kanda ro kadungganan nga gintao mo kakon agod maghiliugyon sanda pareho katon.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 6:39

Ag ro pagbuot ku nagpadaea iya kakon hay raya, nga indi ko gid hiduea ro bisan sambilog sa anang gintugyan kakon kundi banhawon ko sanda sa katapusan nga adlaw.

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

1 Corinto 13:12

Makaron ro atong pagkaeubot parti sa Dyos hay bukon pa gid it klaro pareho it pagtan-aw sa masaeom nga espiho. Ro kapareho kara hay pagtan-aw sa litrato eang it sangka tawo imbis nga ro tawo mismo ro atong kaatubang. Pero maabot gid ro adlaw nga makaatubang gid naton ro Dyos ag mangin maathag eon ro tanan. Kueang pa makaron ro akong pagkakilaea kana pero maabot gid ro adlaw nga hikilaea ko gid imaw it husto pareho man ku anang pagkakilaea kakon.

2 Corinto 3:18

Ginbuoe eon tag nagatabon anay sa atong paino-ino ag makita eon naton ro pagkadaeayawon it Ginuo. Ag makita man sa atong kabuhi ro anang pagkadaeayawon dahil ana nga padayon nga ginabag-o ro atong pagginawi ag nagadinugang ro atong pagkamakana ag maabot ro adlaw nga mangin makana eon gid kita. Ro nagahimo kara hay ro Ginuo, paagi sa Espirito Santo.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

2 Corinto 5:8

Mawron nga maisog ro among buot ag igakalipay namon kon aywanan eon namon ro among eawas ngara ag magsaylo sa amon gid mismo nga ilistaran kon siin idto ro Ginuo.

Mga TagaFilipos 1:23

Nalisdan 't-ang magpili sa daywa ngaron. Gusto ko eon kunta magtaliwan agod makaibahan ko eon si Kristo, ay ruyon ro pinakamayad.

1 Tesalonica 4:17

kundi kaibahan nanda nga mga ginbanhaw ngato hay mat sabniton pasaka sa daeaura, ag dueungan kita nga magsueang-sueang sa Ginuo sa kahanginan. Tapos, mangin kaibahan naton imaw hasta sa owa it katapusan.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.

1 Juan 3:2

Mga pinalangga, mga unga eon kita it Dyos, pero owa pa makaron ginpahayag ro tanan kon mauno kita sa ulihi. Sayod kita nga kon magbalik si Kristo hay mangin pareho kita kana, ay hikita naton kon mauno gid imaw.

Pahayag 21:22

Owa ako it hakita idto nga templo ay ro pinakatemplo sa syudad ngato hay ro Eabing Makagagahom nga Ginuong Dyos ag ro Tiyo it Karnero.

Pahayag 3:21

“ ‘Ro nagapadayon nga madinaeag-on sa andang pagsunod kakon hay taw-an nakon it kinamatarong nga magpungko sa akong euyo, ag maghari kaibahan nakon. Pareho man sanda kakon nga nagmadinaeag-on, ag nagapungko eon ako iya sa euyo ku akon nga Ama ag nagahari kaibahan nana.