Juan 17:22 - Inkeanon

²² Gintao ko kanda ro kadungganan nga gintao mo kakon agod maghiliugyon sanda pareho katon.

Juan 17:22 Iomraidhean Croise

Marcos 6:7

Owa magbuhay, ginpatipon ni Jesus ro dose nana nga ka mga sumueunod ag ginsugo nana sanda nga magpanaw it tig-daywa-daywa, ag gintaw-an nana sanda it otoridad ag gahom nga magsuboe it mga maeain nga espirito.

Lucas 22:30

Ngani padunggan ko kamo ag mangin kaibahan nakon kamo permi sa pagkaon kon magselebrar eon idto sa eangit ro tanan nga sinakpan it Dyos. Ag padumaeahon ko kamo ku dose nga ka tribo ni Israel.”

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 1:16

Dahil sa anang sobrang kabuot hay ana permi nga ginapakamaayo it bugana kita tanan nga nagatuo kana.

Juan 14:20

Kon mag-abot eon ro adlaw ngaron hay hisayran ninyo nga ako ag ro akong Ama hay may maeueot gid nga kaangtanan nga matsa sambilog eang kami, ag ako ag kamo man hay may maeueot gid nga kaangtanan.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Mga Binuhatan 5:41

Naghalin ro mga apostoles sa *Sanedrin nga nagakalipay ay ginbilang sanda it Dyos nga takos nga mahuy-an por dahil sa andang pagtuo kay Jesus.

Mga TagaRoma 8:30

Ag ro ana nga mga gindisisyunan ngato nga mangin pareho ro andang kinaiya ku ana it anang Unga hay sanda man ro anang gintawag nga magtuo kay Jesus. Ag dahil sa andang pagtuo ngaron hay sanda man ro ginbilang nana nga mga matarong sa anang panueok. Ag ro ana ngatong ginbilang nga matarong hay sanda man ro anang ginpadunggan.

2 Corinto 3:18

Ginbuoe eon tag nagatabon anay sa atong paino-ino ag makita eon naton ro pagkadaeayawon it Ginuo. Ag makita man sa atong kabuhi ro anang pagkadaeayawon dahil ana nga padayon nga ginabag-o ro atong pagginawi ag nagadinugang ro atong pagkamakana ag maabot ro adlaw nga mangin makana eon gid kita. Ro nagahimo kara hay ro Ginuo, paagi sa Espirito Santo.

2 Corinto 5:20

Ngani mga representanti kami ni Kristo ag matsa ro Dyos mismo ro nagahambae sa mga tawo kon nagahinyo kami kanda nga magpasakop sanda sa Dyos agod magmayad eon ro andang relasyon kana.

2 Corinto 6:1

Bilang mga katuwang it Dyos sa anang bueuhaton, ginahinyo namon kamo nga ayaw ninyo pagbaliwalaa ro anang sobrang kabuot nga inyong haagyan. Kon baliwalaon abi ninyo ro anang sobrang kabuot kinyo hay mangin owa ron it pueos.

Mga TagaEfeso 2:20

Ro mga katawhan it Dyos hay matsa baeay nga anang ginapatindog ag kamo hay parti man karon. Rayang baeay hay napundar sa mensahi nga ginwali ku mga apostoles ag mga propeta, ag si Kristo Jesus ro pinakaimportanti nga bato sa pundasyon nga nagapalig-on ku bilog nga baeay.

Mga TagaFilipos 1:29

Ro mga kalisdanan nga inyong ginaagyan makaron dahil sa inyong pagtuo kay Kristo hay pagpakamaayo, dahil owa eang kamo pagtaw-i it Dyos it pribilihiyo nga magtuo kay Kristo kundi pati man ro pribilihiyo nga mag-antos dahil sa inyong pagtuo kana.

Mga TagaColosas 1:24

Nagakalipay ako makaron bisan nagakalisod ako dahil kinyo. Ginaantos ko ra tanan agod makompleto ko ro dapat kong antuson para kay Kristo para sa kamaeayran ku mga tumueuo nga anang eawas.

1 Juan 1:3

Ngani ginasugid namon kinyo kon ano ro among hakita ag habatian parti kay Jesu-Kristo, agod kamo hay makaiba man kamon sa amon nga pagpakig-iba sa Dyos nga Ama, ag sa anang Unga nga si Jesu-Kristo.

1 Juan 3:24

Ro tanan nga nagatuman sa kasuguan it Dyos hay may padayon nga maeueot nga kaangtanan kana, ag ro Dyos hay padayon nga maeueot kana. Makasiguro kita kara tungod gintao nana katon ro Espirito Santo.

1 Juan 4:17

Paagi sa atong maeueot nga kaangtanan sa Dyos, ro atong paghigugma sa iba hay nangin himpit. Dahil karon, sigurado kita nga indi kita pagpinahan pag-abot it adlaw it paghukom, tungod samtang iya pa kita sa kalibutan hay nagakabuhi kita nga mahigugmaon pareho kay Kristo.

Pahayag 21:14

Ro mga pundasyon ku pader ngato hay human sa dose nga ka maeagko nga mga bato ag nakasueat man sa kada bato ro ngaean ku kada sambilog sa dose nga ka apostoles ku Tiyo it Karnero.