Juan 17:21 - Inkeanon

²¹ Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Juan 17:21 Iomraidhean Croise

Marcos 3:24

Kon ro mga pumueuyo sa isaeang ka nasyon hay nagagrupo-grupo ag perming nagailinaway, indi puydi nga ronduyon nga nasyon hay magbuhay.

Juan 10:16

Ag may akon nga ibang mga karnero nga owa pa hatapoe sa rondayang iya eon sa panong. Dapat nga tawgon ko man sanda ag magapamati sanda sa akong limog, ag magatuo kakon. Itapoe dayon sanda sa dati nga panong ag mangin sang panong eon lang sanda tanan ag sambilog eang ro andang manogbantay.

Juan 10:30

Ako ag ro Dyos Ama hay sambilog eang.”

Juan 10:38

Pero dahil nagaobra't-a ako ku mga bagay ngaron, maskin indi kamo magpati sa akong ginahambae, patihi lang ninyo ro mga makangawa-ngawa nakong ginaobra. Ag paagi karon hay masayran ninyo ag maeubtan nga ako ag ro akong Ama hay may maeueot gid nga kaangtanan nga matsa sambilog eang kami.”

Juan 11:42

Sayod ako nga ginapamatian mo ako permi, pero ginhambae ko ra agod ro mga tawo ngara nga nagatilindog sa akong palibot hay magapati nga ikaw ro nagpaadto kakon iya.”

Juan 13:32

Ag kon hipadunggan ro Dyos dahil sa matabo kakon hay ana man eagi ako nga padunggan.

Juan 13:35

Tungod kon makaruyon ro inyong paghigugma sa kada isaea hay dikaron masayran it tanan nga mga tawo nga sumueunod nakon kamo.”

Juan 17:11

Mabalik ako inha kimo ag aywan ko eon ro kalibutan ngara ag hiaywanan sanda iya. Balaan nga Ama, buligi sanda agod ro andang kinaiya hay mangin pareho man ku imong kinaiya, nga imong ginpapahayag kakon agod maghiliugyon sanda pareho katon.

Juan 17:18

Ginapadaea ko sanda agod ituro ro imong mensahi sa mga owa pa nagatuo kakon, pareho ku imong pagpadaea kakon iya.

Juan 17:20

Nagpadayon si Jesus sa pagpangamuyo, “Bukon eang it ro akong mga sumueunod ngara ro akong ginapangamuyo kundi pati man ro tanan nga magatuo pa kakon kon hibatian nanda ro mensahi nga igasugid ku akon nga mga sumueunod.

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 5:23

Gin-obra nana ron agod ako nga Unga hay tahuron it tanan nga tawo, pareho ku andang pagtahod kana nga akong Ama. Ro owa nagatahod kakon nga Unga hay owa man nagatahod sa akong Ama nga nagpadaea kakon iya.”

Mga Binuhatan 2:46

Adlaw-adlaw hay nagatililipon sanda nga may paghiliugyon sa *lagwirta it Templo ag nagasaeo man sanda sa pagkaon sa mga pamaeay nga may pagpaubos ag kalipay sa andang tagipusuon.

Mga Binuhatan 4:32

Nagsambilog ro tanan nga mga tumueuo sa andang kabubut-on ag paino-ino. Owa gid it nagahambae nga ana eang ro anang pagkabutang dahil ginabilang nanda nga rato tanan hay para man sa andang mga kaibahan.

Mga TagaRoma 12:5

Makaruyon man katon nga mga tumueuo. Bisan abo kita hay matsa sambilog man lang kita dahil nagaaeangot kita tanan kay Kristo ag nagaaeangot man kita tanan sa kada isaea.

1 Corinto 1:10

Mga igmanghod, ginapangabay ko kamo makaron sa ngaean ku atong Ginuo nga si Jesu-Kristo nga magkaeasugot kamo tanan ag indi kamo maggrupo-grupo ag magkueuntrahan kundi magbilog kamo sa inyong ginaisip ag katuyuan.

1 Corinto 12:12

Ro eawas it tawo hay abo nga parti pero sangka eawas man lang. Makaruyon man si Kristo ag ro mga nagatuo kana.

1 Corinto 6:17

Pero ro may kaangtanan sa Ginuo hay sangka kabubut-on nana.

Mga TagaGalacia 3:28

Ngani owa ginatueuka it Dyos ro mga tumueuo kon Judio sanda o bukon, ulipon o bukon, bayi man o eaki tungod sambilog eang kamo dahil sa inyong maeueot nga kaangtanan kay Kristo Jesus.

Mga TagaFilipos 1:27

Ro importanti sa tanan hay nga ro inyong pagpangabuhi hay nagakabagay ag nagakasinanto sa ginaturo it Mayad nga Balita parti kay Kristo. Ngani bisan makabisita ako kinyo it uman o makabalita eang hay masayran ko nga paagi sa bulig it Espirito Santo nga iya katon tanan hay nagahiliugyon kamo ag nagatindog it malig-on, agod depensahan ro mga ginaturo sa Mayad nga Balita.

1 Juan 1:3

Ngani ginasugid namon kinyo kon ano ro among hakita ag habatian parti kay Jesu-Kristo, agod kamo hay makaiba man kamon sa amon nga pagpakig-iba sa Dyos nga Ama, ag sa anang Unga nga si Jesu-Kristo.

1 Juan 5:7

Ngani, may tatlo nga nagapamatuod parti kay Jesus,