Juan 17:20 - Inkeanon

²⁰ Nagpadayon si Jesus sa pagpangamuyo, “Bukon eang it ro akong mga sumueunod ngara ro akong ginapangamuyo kundi pati man ro tanan nga magatuo pa kakon kon hibatian nanda ro mensahi nga igasugid ku akon nga mga sumueunod.

Juan 17:20 Iomraidhean Croise

Juan 10:16

Ag may akon nga ibang mga karnero nga owa pa hatapoe sa rondayang iya eon sa panong. Dapat nga tawgon ko man sanda ag magapamati sanda sa akong limog, ag magatuo kakon. Itapoe dayon sanda sa dati nga panong ag mangin sang panong eon lang sanda tanan ag sambilog eang ro andang manogbantay.

Juan 17:19

Ag akon nga ginahaead ro akong kaugalingon nga mamatay para kanda agod mangin matuod sanda nga mga balaan nga katawhan nimo.”

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Mga Binuhatan 2:41

Abo ro nagpati sa mensahi ni Pedro ag ginbawtismuhan dayon sanda. Ngani mga tatlong libong ka tawo ro nagdugang sa mga tumueuo ku ratong adlaw.

Mga Binuhatan 4:4

Pero bisan makarato ro natabo hay abo sa mga nakabati ku mensahi ni Pedro ro nagpati. Kon taeapueon it huyap rayang mga nagpati ag ratong mga hauna, ro mga eaki eang hay nakaabot eon it mga 5,000.

Mga TagaRoma 16:26

Pero ginpasayod eon ra makaron, ag suno sa sugo it Dyos nga nagakabuhi hasta sa owa it katapusan hay ginapahayag eon sa tanan nga rasa it tawo ro anang ginpasueat kato sa mga propeta parti kara agod magtuo ag magtuman sanda kana.

Mga TagaEfeso 4:11

Ag imaw man ro nagtao sa tanan nanang katawhan it mga tawo nga may sari-saring abilidad. Ro iba kanda hay mga apostoles, ro iba hay mga propeta, ro iba hay mga manogwali nga nagaadto sa ibang lugar agod magsugid ku Mayad nga Balita, ag ro iba ma't-a hay mga pastor nga gadipara ku mga tumueuo ag gaturo man kanda.

2 Timoteo 1:2

Nagasueat ako kimo, Timoteo, nga akon nga pinalangga nga unga sa pagtuo. Kabay pa nga masamitan pa gid nimo ro mga pagpakamaayo, kaeuoy ag katawhayan nga halin sa Dyos Ama, ag kay Kristo Jesus nga atong Ginuo.