Juan 17:2 - Inkeanon

² Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 17:2 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 25:46

“Ngani ratong mga bukon it matarong hay pahalinon sa akon nga atubang ag pinahan hasta sa owa it katapusan, pero ro mga matarong hay makabaton it kabuhi nga owa it katapusan.”

Mateo 28:18

Nagpaeapit si Jesus kanda ag naghambae, “Gintao kakon ro otoridad nga maghari sa tanan sa eangit ag sa kalibutan.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Juan 17:6

Nagpadayon si Jesus sa anang pagpangamuyo, hambae nana, “Ginpasayod ko ro imong kinaiya ag plano sa mga tawo nga gintugyan mo kakon. Imo sanda nga mga katawhan nga ginpaeain mo sa mga tawo nga owa gatuo kakon, ag imo sanda nga gintugyan kakon. Gintuman nanda ro imong hambae

Juan 17:9

“Sanda ro akong ginapangamuyuan makaron. Owa ako gapangamuyo para sa tanan nga tawo iya sa kalibutan, kundi para eang sa mga gintugyan mo kakon, ay imo sanda nga mga katawhan.

Juan 3:35

Ginahigugma gid it Dyos Ama ro ana nga Unga mawron nga kana kara gintugyan ro tanan-tanan.

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 6:39

Ag ro pagbuot ku nagpadaea iya kakon hay raya, nga indi ko gid hiduea ro bisan sambilog sa anang gintugyan kakon kundi banhawon ko sanda sa katapusan nga adlaw.

Mga TagaRoma 6:23

Sa kabilugan, ro nagapadayon sa pagpakasaea hay baeusan it kamatayon nga owa it katapusan nga pina pero ro mga may maeueot nga kaangtanan kay Kristo Jesus nga atong Ginuo hay regaluhan it Dyos it kabuhi nga owa't katapusan.

Mga TagaEfeso 1:20

ana kato nga ginbanhaw si Kristo ag ginpapungko sa anang tuo nga lugar it kadungganan sa eangit.

Mga TagaFilipos 2:10

agod sa ulihi, ro tanan-tanan nga tinuga bisan siin hay magaeuhod sa anang atubang sa pagpasakop sa anang otoridad ngaron.

1 Timoteo 1:16

Pero duyon ro rason nga ginkaeuy-an ako it Dyos agod paagi karon hay ikapakita ni Kristo Jesus nga grabi ro anang pagkamapinasensyahon. Ag kabay pa nga kon hieubtan ra it mga tawo hay magatuo man sanda kana, ag makabaton sanda it kabuhi nga owa it katapusan.

Mga Hebreo 1:2

Pero sa rayang ulihing mga inadlaw ro Dyos hay nagpaabot katon ku anang gustong ipasayod paagi sa ana mismo nga Unga. Ro anang Unga man ro anang ginbutang nga magasakop ku tanan-tanan. Paagi man sa ana ngara nga unga hay gintuga it Dyos ro tanan-tanan sa kalibutan ag sa kaeangitan.

1 Pedro 3:22

Idto eon si Kristo sa eangit sa pinakadungganon nga pwesto sa tuo it Dyos ag ginbutang eon sa anang paghari ro mga anghel ag ro iba pa nga mga espirito nga may otoridad ag gahom.

1 Juan 1:2

Imaw nga nagatao it kabuhi hay nag-adto gid iya sa kalibutan ngani mapamatud-an namon nga hakita gid namon imaw, ag ginasugid namon kinyo nga imaw ro ginatawag nga Kabuhi nga Owa it Katapusan. Bago imaw nag-adto iya hay kaibahan eo't-a imaw it Dyos nga Ama, ag ku ulihi hay nag-abot gid-a ngani imaw iya.

1 Juan 2:25

Ag taw-an nana kita it kabuhi nga owa it katapusan, ay ruyon gid ma't-a ro ana nga ginpromisa katon.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.