Juan 17:19 - Inkeanon

¹⁹ Ag akon nga ginahaead ro akong kaugalingon nga mamatay para kanda agod mangin matuod sanda nga mga balaan nga katawhan nimo.”

Juan 17:19 Iomraidhean Croise

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 15:13

Owa eon it paghigugma nga makatupong pa sa paghigugma it sangka tawo nga haom magsakripisyo ku anang kabuhi para sa anang mga amigo.

Juan 15:3

Kamo hay pareho it mga sanga nga ginpungoe ag malimpyo eon kamo, ay ginpatawad eon kamo dahil nagpati kamo sa mensahi nga akong ginhambae kinyo.

Juan 17:17

Paagi sa imong kamatuuran hay himua sanda nga imong balaan nga katawhan. Ro kamatuuran hay ro tanan nimong hambae.

Juan 17:20

Nagpadayon si Jesus sa pagpangamuyo, “Bukon eang it ro akong mga sumueunod ngara ro akong ginapangamuyo kundi pati man ro tanan nga magatuo pa kakon kon hibatian nanda ro mensahi nga igasugid ku akon nga mga sumueunod.

1 Corinto 1:2

Nagasueat kami kinyo nga mga tumueuo inha sa Corinto nga gintawag ag ginpaeain it Dyos nga mangin anang balaan nga katawhan dahil sa inyong maeueot nga kaangtanan kay Kristo Jesus, kaibahan ku tanan nga tawo sa bisan siin nga lugar nga nagasimba sa atong Ginuo nga si Jesu-Kristo. Imaw ro Ginuo naton tanan.

2 Corinto 4:15

Ro tanan nga ginaagyan namon dahil sa among pagwali hay para sa kamaeayran ninyo nga mga ginatud-an namon agod mangin abo gid ro mga tawo nga makaambit ku pagpakamaayo it Dyos dahil sa andang pagtuo. Kon matabo ron hay mas abo man dayon ro gapasaeamat kana ag duyon hay sa kadayawan nana.

2 Corinto 7:14

Bago imaw mag-adto inha hay gindinayaw ko kamo kana ag owa ako mahuy-i karon. Hapamatud-an abi nana nga matuod ro akong ginpabugae kana parti kinyo pareho sa tanan namong ginsugid kinyo nga matuod man.

2 Corinto 8:9

Kabay pa nga pursigido man kamo mag-amot ay sayod ninyo ro sobrang kabuot ku atong Ginuo nga si Jesu-Kristo. Bisan manggaranon imaw sa eangit hay nagpakapobre imaw para kinyo paagi sa anang pagpakatawo iya sa kalibutan agod paagi karon kamo hay mangin manggaranon.

Mga TagaColosas 1:6

Rayang mensahi hay nagaeapnaag man sa bilog nga kalibutan. Bisan siin ra makaabot hay nagadinugang pa gid ro nagatuo kara, ag nagabag-o ro kabuhi ku mga nagatuo pareho man sa natabo inha kinyo. Halin ku pagkabati ninyo ku Mayad nga Balita hay inyo nga haeubtan it mayad kon ano gid ro sobrang kabuot it Dyos nga anang ginpakita pageuwas nana kinyo.

1 Tesalonica 4:7

Owa kita pagtawga it Dyos agod nga magpangabuhi sa kalaswaan kundi agod nga magpakabalaan.

2 Timoteo 2:10

Ngani ginatiis ko ro bisan ano por dahil sa mga pinili it Dyos, agod nga maeuwas man sanda paagi sa ginhimo ni Kristo Jesus, ag sa ulihi hay masamitan nanda ro grabi it nami nga kahimtangan idto sa eangit hasta sa owa it katapusan.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 10:29

Kon makaruyon ngani kato hay mauno man ro mat nagaeusak sa Unga it Dyos ay ginabaliwala nana ro dugo nga ana karang gin-uea, bisan nga sa bag-o nga kasugtanan nga gintao it Dyos, ro dugo ngaron ro naglimpyo kana sa anang mga kasae-anan? Ro nagahimo karon hay nagainsulto man sa Espirito Santo nga nagapakita katon ku sobrang kabuot it Dyos. Ro makaruyong klasing tawo hay bagay eang nga pinahan it mas mabug-at pa kaysa sa mga nagbaliwala ngato ku kasuguan ni Moises kato anay.

Mga Hebreo 2:11

Si Jesus nga nagahimo katon nga mga balaan nga katawhan it Dyos ag kita nga anang ginahimo nga balaan hay may sangka Ama eang, mawron nga owa si Jesus nahuya nga tawgon kita nga anang mga igmanghod.

Mga Hebreo 9:13

Matuod nga kato anay hay may pueos ro dugo it mga kanding ag mga toro nga baka ag ro pagwisik it abo it dumaeaga nga baka sa paglimpyo sa mga tawo sa mata it Dyos. Pero ro andang eawas eang ro ginalimpyuhan karon.

Mga Hebreo 9:18

Bisan ngani sa haunang kasugtanan nga gintao it Dyos, ro mga tawo hay indi makabaton ku anang ginpromisa kon owa it sapat nga ginapatay bilang sakripisyo.

Mga Hebreo 9:26

Kon ro anang pagsakripisyo hay pareho man lang gali sa pagsakripisyo it mga sapat nga dapat uman-umanon hay dapat man nga pauman-uman imaw mag-antos it kasakit umpisa pa ku pagtuga it kalibutan. Pero sang beses eang imaw nag-adto iya sa kalibutan sa rayang ulihing tyempo, agod paeaon ro aton nga mga saea paagi sa anang pagsakripisyo ku anang kaugalingon.

1 Juan 3:18

Mga unga nakon sa pagtuo, ipakita naton ro atong matuod nga paghigugma sa atong mga igmanghod paagi sa paghimo kanda it mayad. Ayaw eang kamo maghinambae nga ginahigugma ninyo sanda, kundi ipakita man sa buhat.

1 Juan 3:3

Ngani ro tanan nga nagapaabot gid nga matabo ra hay nagapangabuhi it malimpyo sa mata it Dyos, pareho kay Kristo nga owa gid it bisan ano nga saea.