Juan 17:17 - Inkeanon

¹⁷ Paagi sa imong kamatuuran hay himua sanda nga imong balaan nga katawhan. Ro kamatuuran hay ro tanan nimong hambae.

Juan 17:17 Iomraidhean Croise

Lucas 8:11

Hambae ni Jesus, “Ro kahueugan ku paanggid nga istorya parti sa binhi hay raya: Ro binhi hay ro mensahi it Dyos.

Lucas 8:15

Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginhuptan rato sa andang tagipusuon it hantop ag owa it pagpakuno-kuno. Padayon nanda nga ginatuman ro mensahi ngato bisan ano ro andang haagyan ag makita gid ro mayad nga bunga kato sa andang kabuhi.”

Juan 15:3

Kamo hay pareho it mga sanga nga ginpungoe ag malimpyo eon kamo, ay ginpatawad eon kamo dahil nagpati kamo sa mensahi nga akong ginhambae kinyo.

Juan 17:19

Ag akon nga ginahaead ro akong kaugalingon nga mamatay para kanda agod mangin matuod sanda nga mga balaan nga katawhan nimo.”

Juan 8:32

Masayran gid dayon ninyo ro kamatuuran halin sa Dyos parti kakon, ag ruyon ro magahilway kinyo.”

Juan 8:40

Ro kamatuuran manlang nga habatian ko halin sa Dyos ro akong ginsinugid kinyo, pero ginaplanuhan ninyo ako nga patyon. Owa naghimo it makaruyon si Abraham.

Mga Binuhatan 15:9

Paeareho eang ro pagkabig it Dyos kanda ag katon, ay ginlimpyuhan man nana ro andang tagipusuon dahil sa andang pagtuo.

2 Corinto 3:18

Ginbuoe eon tag nagatabon anay sa atong paino-ino ag makita eon naton ro pagkadaeayawon it Ginuo. Ag makita man sa atong kabuhi ro anang pagkadaeayawon dahil ana nga padayon nga ginabag-o ro atong pagginawi ag nagadinugang ro atong pagkamakana ag maabot ro adlaw nga mangin makana eon gid kita. Ro nagahimo kara hay ro Ginuo, paagi sa Espirito Santo.

Mga TagaEfeso 4:21

Sigurado ako nga kamo nga may maeueot nga kaangtanan kana hay nakabati gid ag hatud-an ku kamatuuran nga naghalin kana. Makasigurado kita nga matuod ron ay halin ron kay Jesus.

Mga TagaEfeso 5:26

Ginhimo nana ron agod limpyuhan kita sa saea ag himuon nga balaan tungod nagtuo kita sa mensahi parti kana ag ginbawtismuhan kita.

2 Tesalonica 2:13

Mga igmanghod nga palangga it Ginuo, dapat gid-a nga magpasaeamat kami permi sa Dyos tungod kinyo. Nagapasaeamat kami tungod kato pa eagi hay ginpili eo't-a kamo it Dyos agod anang euwason, paagi sa pagpaeain kinyo it Espirito Santo nga mangin mga balaan kamo nga katawhan it Dyos, ag paagi sa inyong pagtuo sa matuod nga mensahi.

Santiago 1:21

Ngani aywani eon ninyo ro tanan nga kalaswaan ag ro mga kaeainan nga ginahimo it kaeabanan. Batuna ninyo nga may pagpaubos ro mensahi it Dyos nga anang gintanom sa inyong mga paino-ino ay ro mensahi ngaron ro makaeuwas kinyo.