Juan 17:14 - Inkeanon

¹⁴ Ginsugid ko kanda ro imong mensahi ag ginakaugtan sanda ku mga owa nagatuo kakon. Ginakaugtan ro akong mga sumueunod ay ro andang kinaiya hay pareho eon ku akon, nga eain gid kaysa sa ana ku mga owa nagatuo kakon.

Juan 17:14 Iomraidhean Croise

Marcos 10:39

“Huo ron, matakuran 't-a namon ron,” sabat nanda. Naghambae dayon si Jesus, “Matuod nga magaantos ag magaagi gid ma't-a kamo it grabi nga kasakit parehas nakon.

Juan 17:16

Ro andang kinaiya hay pareho eon ku akon nga eain gid kaysa sa ana ku mga owa nagatuo kakon.

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 7:7

Ro mga owa gatuo sa Dyos hay owa it rason nga maugot kinyo, pero naugot 't-a ron sanda kakon ay ginabulgar ko ro andang maeain nga mga ginahimo.

Juan 8:23

Naghambae si Jesus, “Ro inyong paino-ino hay ana gid it mga tawo iya sa kalibutan nga nagakuntra sa Dyos. Ro akon ma't-a nga paino-ino ag ginaturo hay eangitnon. Tagaiya kamo sa kalibutan pero ako't-a hay bukon.

1 Juan 3:12

Indi naton pagtuearon si Cain nga nagpagahom kay Satanas, ro ginahalinan it kaeainan, tag anang ginpatay nga owa't kueukaeuoy ro anang igmanghod nga si Abel. Ham-an it ginpatay nana? Tungod ro ana mismong mga buhat hay maeain, ag ana nga ginakaugtan ro matarong nga buhat ku anang igmanghod nga si Abel.

1 Juan 3:13

Ngani, mga igmanghod, ayaw kamo mangawa nga ginakaugtan man kamo ku mga tawo nga owa nagatuo sa Dyos.