Juan 17:13 - Inkeanon

¹³ “Madali lang ako magbalik inha kimo, ngani ginahambae ko kimo ro mga butang ngara sa atubang ku akong mga sumueunod bago ko aywan ro kalibutan, agod mangin tueos man ro andang kalipay pareho sa akong kalipay.

Juan 17:13 Iomraidhean Croise

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 15:11

Ginasugid ko kinyo rondaya nga mga butang agod ro minatuod nga kalipay nga iya kakon hay mangin una man kinyo ag agod mangin tueos gid ro inyong kalipay ngaron.

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 17:11

Mabalik ako inha kimo ag aywan ko eon ro kalibutan ngara ag hiaywanan sanda iya. Balaan nga Ama, buligi sanda agod ro andang kinaiya hay mangin pareho man ku imong kinaiya, nga imong ginpapahayag kakon agod maghiliugyon sanda pareho katon.

Juan 3:29

Kon sa kasae pa ron, ro nagapakasae sa nobya hay ro nobyo, bukon it ro abay it nobyo. Pero kon sa seremonya eon hay nalipay it duro ro abay nga nagatindog sa kilid it nobyo, ag nagapamati samtang ginadayaw ku nobyo ro anang nobya. Makaruyon man ako, nalipay ako it duro ay iya eon ro nobyo, ag nagapaeapit kana ro anang nobya.

Juan 7:33

Ngani naghambae si Jesus sa mga tawo, “Gaiba pa anay ako kinyo it madali eang nga oras, pagkatapos hay mabalik eon ako sa nagpadaea iya kakon.

Mga Binuhatan 13:52

Ro mga sumueunod ma't-a nga andang gin-aywanan sa Antioc hay malipayon gid ag ginagamhan permi it Espirito Santo.

Mga TagaRoma 14:17

Para katon nga ginaharian it Dyos, bukon eo't-a it importanti ro pagsunod sa mga sugo parti sa pagkaon ag pag-inom kundi ro kabuhi nga matarong, ro paghidait sa kada isaea ag ro kalipay nga halin sa Espirito Santo.

Mga TagaGalacia 5:22

Pero kon ginagiyahan kita ku Espirito Santo, makaraya ro bunga karon sa atong kabuhi: kita hay mahigugmaon, malipayon, may katawhayan, mapinasensyahon, mabuot, mayad magtratar sa isigkatawo, masaligan,

Mga Hebreo 12:2

Isentro gid naton permi ro atong panueok kay Jesus, ro pasimuno ag manogpaperpekto it pagtuo. Dahil ana permi nga ginapaabot ro kalipay nga mangin ana sa ulihi, mawron nga ginbatas nana ro pageansang kana sa krus ag ginbaliwala ro kahuy-anan karon. Ag makaron hay nagalingkod imaw sa pinakadungganon nga pwesto sa tuo ku trono it Dyos.

1 Juan 1:4

Ginasueatan man namon kamo kara agod mangin tueos ro aton nga kalipay.

2 Juan 1:12

Abo pa't-a kunta ro akong gustong ihambae kinyo, ugaling hay indi ko eon lang igpaagi sa sueat. Ngani kabay pa nga makaadto ako inha, agod magkilita kita ag magkaistorya it personal, agod mangin tueos gid ro aton nga kalipay.