Juan 17:11 - Inkeanon

¹¹ Mabalik ako inha kimo ag aywan ko eon ro kalibutan ngara ag hiaywanan sanda iya. Balaan nga Ama, buligi sanda agod ro andang kinaiya hay mangin pareho man ku imong kinaiya, nga imong ginpapahayag kakon agod maghiliugyon sanda pareho katon.

Juan 17:11 Iomraidhean Croise

Mateo 10:16

Naghambae pa gid si Jesus sa anang mga sumueunod, “Tandai ninyo nga ginapaadto ko kamo sa mapintas nga mga tawo, ag ro inyong kapareho hay mga karnero nga ginalibutan it abo nga mabangis nga sapat. Ngani mangin parehas kamo it sawa nga mainandamon permi sa peligro, ag likawi ro bisan ano nga maeain.

Mateo 5:48

Ngani, kamo hay dapat nga mangin pareho ku inyo nga Ama sa eangit nga owa't kasawayan.”

Mateo 6:9

Ngani kon magpangamuyo kamo, hay makaraya ro inyong ihambae: ‘Ama namon sa eangit, kabay nga tahuron ag dayawon it mga tawo ro imong ngaean.

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 14:20

Kon mag-abot eon ro adlaw ngaron hay hisayran ninyo nga ako ag ro akong Ama hay may maeueot gid nga kaangtanan nga matsa sambilog eang kami, ag ako ag kamo man hay may maeueot gid nga kaangtanan.

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 17:23

Maeueot gid ro akong kaangtanan kanda ag makaruyon man ro imong kaangtanan kakon, ngani kabay pa nga mangin malig-on ro andang paghiliugyon nga matsa sambilog eang sanda. Ag kon hikita ron it mga tawo iya sa kalibutan hay masayran nanda nga ginpadaea mo ako iya, ag ginahigugma mo ro mga tawo ngara pareho ku imong paghigugma kakon.

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 17:6

Nagpadayon si Jesus sa anang pagpangamuyo, hambae nana, “Ginpasayod ko ro imong kinaiya ag plano sa mga tawo nga gintugyan mo kakon. Imo sanda nga mga katawhan nga ginpaeain mo sa mga tawo nga owa gatuo kakon, ag imo sanda nga gintugyan kakon. Gintuman nanda ro imong hambae

Juan 7:33

Ngani naghambae si Jesus sa mga tawo, “Gaiba pa anay ako kinyo it madali eang nga oras, pagkatapos hay mabalik eon ako sa nagpadaea iya kakon.

Mga Binuhatan 3:21

Pero dapat anay nga magpabilin imaw sa eangit hasta sa oras nga ikabalik eon ro tanan sa andang dating mayad nga sitwasyon, suno sa ginhambae it Dyos paagi sa anang balaan nga mga propeta kato anay.

Mga TagaRoma 12:5

Makaruyon man katon nga mga tumueuo. Bisan abo kita hay matsa sambilog man lang kita dahil nagaaeangot kita tanan kay Kristo ag nagaaeangot man kita tanan sa kada isaea.

Mga TagaRoma 9:17

Nasueat man abi sa Sagrado nga Kasueatan nga naghambae ro Dyos sa hari it Egipto, “Ginhimo ta nga hari agod gamiton ta sa pagpakita ku akong gahom ag agod mangin bantog ro akong ngaean sa bilog nga kalibutan.”

1 Corinto 1:10

Mga igmanghod, ginapangabay ko kamo makaron sa ngaean ku atong Ginuo nga si Jesu-Kristo nga magkaeasugot kamo tanan ag indi kamo maggrupo-grupo ag magkueuntrahan kundi magbilog kamo sa inyong ginaisip ag katuyuan.

Mga TagaGalacia 3:28

Ngani owa ginatueuka it Dyos ro mga tumueuo kon Judio sanda o bukon, ulipon o bukon, bayi man o eaki tungod sambilog eang kamo dahil sa inyong maeueot nga kaangtanan kay Kristo Jesus.

Mga TagaEfeso 4:4

Kita tanan nga mga tumueuo hay ginhugpong sa sangka eawas ag sangka Espirito Santo ro nagaistar iya katon. Ag may aton man nga sangka mayad nga paeaabuton nga hasayran gid naton nga itao it Dyos sa tanan nanang katawhan nga anang tinawag.

Mga TagaFilipos 2:9

Sa anang ginhimo ngaron hay ginpadunggan gid imaw it Dyos ag gintaw-an it otoridad nga eabaw sa tanan

Mga Hebreo 1:3

Ro pagkadaeayawon ag kadungganan it Dyos hay makita man sa anang Unga. Kon mauno gid ro kinaiya it Dyos hay makaruyon gid ro anang Unga. Imaw ro nagapapadayon sa tama nga kaayusan ku tanan-tanan, ag nagakontrol ku tanan paagi sa gahom ku anang hambae. Paagi sa anang kamatayon hay ginlimpyuhan nana kita sa atong mga saea. Pagkahimo nana kato hay nagbalik imaw sa eangit ag nagpungko sa pinakadungganon nga pwesto sa tuo it eabing dungganon nga Dyos.

Mga Hebreo 9:24

Ro ginsudlan abi ni Kristo hay bukon it ro Pinakasagrado nga Kwarto nga gin-obra it tawo eang, nga kopya eang ku matuod idto sa eangit. Ro ana't-ang ginsudlan hay sa atubang mismo it Dyos sa eangit, ag makaron hay idto imaw nagarepresentar katon.

Santiago 4:4

Pareho kamo it bayi nga gapangawatan ay naila pa't-a kamo sa mga butang iya sa kalibutan! Owa baea kamo kasayod nga ginakuntra ninyo ro Dyos kon nailaan ninyo ro mga butang iya sa kalibutan nga kuntra nana? Ngani kon sin-o ro naila sa mga kalibutanon nga buhat nga kuntra it Dyos hay ginaobra nana mismo ro anang kaugalingon nga kaaway it Dyos.

1 Pedro 1:5

Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.

1 Juan 3:12

Indi naton pagtuearon si Cain nga nagpagahom kay Satanas, ro ginahalinan it kaeainan, tag anang ginpatay nga owa't kueukaeuoy ro anang igmanghod nga si Abel. Ham-an it ginpatay nana? Tungod ro ana mismong mga buhat hay maeain, ag ana nga ginakaugtan ro matarong nga buhat ku anang igmanghod nga si Abel.

1 Juan 5:19

Sayod man naton nga kita hay mga unga it Dyos, pero ro tanan nga owa nagatuo kay Kristo hay una sa gahom it ginahalinan it kaeainan.

Judas 1:1

Raya nga sueat hay halin kakon nga si Judas nga igmanghod ni Santiago ag ulipon ni Jesu-Kristo. Nagasueat ako kinyo nga mga tinawag it Dyos nga Ama nga mangin anang katawhan, kamo nga anang mga ginahigugma gid ag ginahaeungan ni Jesu-Kristo.

Judas 1:24

Ngani makaron, dayawon ta ro Dyos nga makasarang magbantay kinyo agod indi kamo matentar nga magkasaea, ag makasarang man imaw nga paatubangon kamo kana sa ulihi nga mga owa eon it ikasaway. Ag grabi gid ro inyong kalipay sa inyong pag-atubang kana nga owa it katupong sa pagkadaeayawon.

Pahayag 15:4

Sin-o abi ro indi magtaha kimo, Ginuo? Sin-o man abi ro indi magsugid ku imong pagkadaeayawon? Ikaw gid lang ro balaan. Ngani ro mga tawo sa bilog nga kalibutan hay magatilipon sa pagsimba kimo dahil hakita nanda ro mga matarong nimo nga mga buhat.”

Pahayag 19:12

Ro anang mga mata hay matsa nagabaga ag sa anang ueo hay abo nga korona. May ngaean man nga nakasueat kana ag owa it nakasayod ku kahueugan ku ngaean ngaron kundi imaw eang.

Pahayag 4:8

Kada isaea kanda hay may an-om nga ka pakpak ag lipos gid it mata ro andang bilog nga eawas. Sige ro andang hinambae adlaw-gabii it, “Balaan, balaan, balaan ro Ginuong Dyos nga makagagahom. Imaw ro nagakabuhi hasta sa owa it katapusan, owa it ginhalinan ag ro manog-abot.”