Juan 17:1 - Inkeanon

¹ Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 17:1 Iomraidhean Croise

Marcos 14:41

Inaywan sanda it uman ni Jesus. Pagbalik nana hay naghambae imaw, “Gapinahuway ag gakinatueog gihapon kamo? Abi, tama eon don. Nag-abot eon do oras nga ako nga Unga it Tawo hay ipadakop ag itugyan sa alima it mga makasasaea.

Lucas 18:13

“Pero ro *manogsukot it buhis ma't-a nga nagatindog idto sa maeayo-eayo hay indi ngani makatangda sa eangit sa kahuya ag ginabinayo ro anang dughan, tanda ku anang paghinuesoe. Hambae nana, ‘Makasasaea ako, Dyos ko. Kaeuuyi man ako!’ ”

Lucas 22:53

Adlaw-adlaw hay gakilita kita idto sa Templo pero owa ninyo ako kato pagdakpa. Pero nag-abot eon ro inyong oportunidad nga gintaeana it Dyos ag gintaw-an eon ro nagahari sa kadudueman it oportunidad nga himuon ro anang gusto kakon.”

Juan 11:4

Pagkasayod kara ni Jesus hay naghambae imaw, “Ro katapusan ku pagmasakit ngara ni Lazarus hay bukon it anang kamatayon kundi agod paagi sa anang kamatayon hay ikapakita ro makangawa-ngawa nga gahom it Dyos, ag ro makangawa-ngawa man nga gahom nakon nga Unga it Dyos.”

Juan 11:41

Ginpaligid dayon nanda ro sara nga bato. Tapos, nagtangda si Jesus sa eangit ag naghambae, “Ama, saeamat ay ginpamatian mo ako.

Juan 12:23

Naghambae si Jesus, “Nag-abot eon ro oras nga Ako nga Unga it Tawo hay pagapadunggan.

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 16:32

pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

Juan 7:30

Pagkabati it mga manogdumaea ku ginhambae ngato ni Jesus hay ginadakop kunta nanda imaw, pero owa gid it bisan sin-o nga nakatabing kana ay owa pa mag-abot ro oras nga tumanon nana ro plano it Dyos.

Juan 7:39

Raya nga ginhambae ni Jesus hay napatungod sa Espirito Santo nga madali lang mabaton ku mga nagtuo kana. Owa pa nanda mabaton ro Espirito tungod owa pa si Jesus hapadunggi.

Juan 8:20

Raya ro ginhambae ni Jesus tag idto imaw nagaturo sa *lagwirta it Templo, maeapit sa may ginabutangan it haead nga kwarta. Pero owa it nagdakop kana ay owa pa nag-abot ro oras nga tumanon nana ro plano it Dyos.

Mga Binuhatan 3:13

Ro Dyos nga ginasinimba ni *Abraham, ni Isaac, ni Jacob ag ku iba pa natong kalolo-lolohan ro naghimo kara, ag paagi kara hay ginpadunggan nana ro anang sueuguon nga si Jesus. Rondatong inyong ginpadakop ag ginpaatubang kay Pilato nga ana kunta nga ginabuhian ugaling owa gid kamo magsugot. Mas ginpaeabi pa ninyo nga pabuhian tag sambilog ngato nga tawo.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.