Juan 16:32 - Inkeanon

³² pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

Juan 16:32 Iomraidhean Croise

Mateo 26:31

Tag nagapanaw eon sanda, naghambae si Jesus sa anang mga sumueunod, “Makaron nga gabii, kamo tanan hay magatalikod kakon ag aywanan ninyo ako. Ruyon ro katumanan ku ginsueat sa Sagrado nga Kasueatan nga, ‘Patyon ko ro manogbantay it karnero ag magakaealhit ro mga karnero.’

Mateo 26:56

Pero natabo ra tanan agod ro ginsueat it mga propeta sa Sagrado nga Kasueatan hay matuman.” Pagkahambae karon ni Jesus hay nagpaeagiw dayon tanan ro anang mga sumueunod ag inaywan imaw.

Marcos 14:27

Samtang nagapanaw sanda hay naghambae kanda si Jesus, “Makaron nga gabii, kamo tanan hay magatalikod kakon ag aywanan ninyo ako. Ruyon ro katumanan ku ginsueat sa Sagrado nga Kasueatan nga, ‘Patyon ko ro manogbantay it mga karnero ag magakaealhit ro mga karnero.’

Marcos 14:50

Pagkahambae karon ni Jesus hay nagpaeagiw dayon tanan ro anang mga sumueunod ag inaywan imaw.

Juan 12:23

Naghambae si Jesus, “Nag-abot eon ro oras nga Ako nga Unga it Tawo hay pagapadunggan.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 16:25

Naghambae pa gid si Jesus, “Gagamit ako makaron it mga paanggid nga istorya sa pagsugid kinyo ku mga bagay ngara. Pero maabot ro oras nga indi eon ako maggamit karon kundi ihambae ko kinyo it diritso ag klaro ro parti sa Dyos Ama.

Juan 16:31

Nagsabat si Jesus, “Ginaako ninyo makaron nga nagatuo kamo kakon

Juan 19:27

Ginhambae man dayon nana ro sumueunod ngato, “Duyon eon ro imong ina.” Umpisa kato hay idto eon ginpaistar ku ratong sumueunod sa anang baeay ro ina ni Jesus ag ana ra nga gindipara.

Juan 20:10

Pagkatapos, nag-uli sanday Pedro sa andang ginadayunan.

Juan 4:21

Nagsabat si Jesus, “Patihi ro akong ginahambae ngara kimo, Nang. Maabot ro oras nga bukon eon it importanti kon iya sa bukid ngara o sa Jerusalem magsimba sa Dyos Ama ro mga tawo.

Juan 4:23

Pero maabot ro oras ag makaron eon ngani ron, nga ro pagsimba ku mga tawo sa Dyos Ama hay sa bug-os nandang tagipusuon ag kabubut-on ag nabase sa kamatuuran halin kana. Makaruyon abi nga klasi it pagsimba ro anang ginausoy sa mga tawo.

Juan 5:25

Matuod gid rang ginahambae kinyo nga maabot ro oras, ag makaron eon ngani ron, nga mabatian ku mga pareho it patay tungod sa andang kasae-anan ro hambae nakon nga Unga it Dyos, ag ro magapamati hay taw-an ko it minatuod nga kabuhi.

Juan 5:28

Ayaw kamo it kangawa sa akong ginhambae ngara tungod maabot ro oras nga mabatian it tanan nga mga patay ro akong limog

Juan 8:16

Pero kon magpanghusgar gid man ako hay tama ro akong paghusgar, ay bukon eang it ako ro magahusgar kundi daywa kami ku akong Ama nga nagpadaea iya kakon.

Juan 8:29

Ro nagpadaea iya kakon hay kaibahan ko permi, owa nana ako ginaaywani dahil ginaobra ko permi kon ano ro gapalipay kana.”

Mga Binuhatan 21:6

Pagkaeaong eon namon hay nagsaka kami sa barko ag nag-ueuli ma't-a dayon sanda.

Mga Binuhatan 8:1

Ku rato mismo nga adlaw nga ginpatay si Esteban hay nag-umpisa man ro grabi nga paghingabot sa mga tumueuo idto sa Jerusalem. Gineubong si Esteban ku mga tawo nga matinumanon sa Dyos ag grabi ro andang pagtinangis sa anang pagkamatay. Pero si Saulo hay kompormi gid sa pagpatay ngato kay Esteban. Ana gid nga ginhiningabot ro tanan nga mga tumueuo agod owa it mabilin kanda. Sige ro anang pagpamaeay-baeay ag pagpinangguyod ku mga tumueuo, eaki man o bayi, agod ipapriso. Mawron nga nagtaeapeaag ro tanan nga mga tumueuo sa kon siin-siin nga mga lugar sa mga probinsya it Judea ag Samaria. Ro owa eang maghalin sa Jerusalem hay ro mga apostoles.