Juan 16:3 - Inkeanon

³ Obrahon ron nanda kinyo dahil saea ro andang pagkakilaea sa akong Ama, ag pati man kakon.

Juan 16:3 Iomraidhean Croise

Lucas 10:22

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 15:21

Pero himuon nanda ro tanan ngaron nga mga paghingabot kinyo dahil nagatuo kamo kakon, ag tungod saea ro andang pagkakilaea sa Dyos nga nagpadaea iya kakon.

Juan 15:23

Ro naugot kakon hay naugot man sa Ama.

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 8:19

Ginpangutana dayon nanda si Jesus, “Hay siin ro imong ginahambae ngaron nga Ama?” Nagsabat si Jesus, “Owa kamo kakilaea it mayad kakon ag owa man kamo kakilaea it mayad sa akon nga Ama. Kon kilaea ninyo ako it mayad hay kilaea man ninyo it mayad ro akong Ama.”

Juan 8:55

Owa ninyo imaw makilaea pero kilaea ko't-a imaw. Kon maghambae ako nga owa ko imaw hakilaea hay pareho eon dayon ako kinyo nga purilon. Kilaea ko gid-a imaw ag ginatuman ko ro anang ginahambae.

Mga Binuhatan 3:17

“Mga igmanghod, kasayod ako nga kamo ag ro inyong mga manogdumaea hay nag-obra it makarato kay Jesus dahil owa kamo kakilaea kon sin-o gid imaw.

1 Corinto 2:8

Owa it bisan sambilog sa mga manogdumaea iya sa kalibutan nga nakaeubot ku rayang plano it Dyos ay kon haeubtan ra nanda hay owa eon kunta nanda pagpaeansangan si Kristo nga daeayawon ag dungganon nga Ginuo.

2 Tesalonica 1:8

Kon magpakita eon ro atong Ginuo nga si Jesus hay may galibot kana nga nagadaba-daba nga kaeayo. Ana nga pinahan ro mga indi magkilaea sa Dyos, ag indi magpati sa Mayad nga Balita parti kana.

1 Timoteo 1:13

Ginpili gihapon nana ako bisan kato anay hay gin-ininsulto ko imaw ag maisog ag mapintas ako sa akong paghiningabot sa anang mga sumueunod. Pero ginkaeuy-an ako it Dyos ay kato hay owa pa ako nagatuo kana ngani owa gid ako kasayod nga saea gali ro akong ginahimo ngato.

1 Juan 2:23

Tungod ro bisan sin-o nga owa nagabaton sa Unga it Dyos hay owa man it maeueot nga kaangtanan sa anang Ama, pero ro nagabaton sa Unga hay may maeueot man nga kaangtanan sa Dyos nga Ama.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

1 Juan 4:8

Pero ro owa nagahigugma sa anang isigkatawo hay bukon it maeapit sa Dyos, dahil ro pagkamahigugmaon hay ana gid nga kinaiya it Dyos.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.