Juan 16:25 - Inkeanon

²⁵ Naghambae pa gid si Jesus, “Gagamit ako makaron it mga paanggid nga istorya sa pagsugid kinyo ku mga bagay ngara. Pero maabot ro oras nga indi eon ako maggamit karon kundi ihambae ko kinyo it diritso ag klaro ro parti sa Dyos Ama.

Juan 16:25 Iomraidhean Croise

Marcos 4:13

Ginpangutana dayon sanda ni Jesus, “Paalin kamo makaeubot ku iba pang mga paanggid nga istorya kon indi kamo makaeubot ku raya nga paanggid nga istorya parti sa binhi?

Marcos 4:34

Owa gid imaw it ginturo kanda nga owa nana ginagamiti kara, pero kon sanda lang ku anang mga sumueunod hay ana nga ginapaathag kanda it mayad ro madaeom nga kahueugan ku mga paanggid ngato nga istorya.

Marcos 8:32

Owa nana pagtueotagua kanda ro anang buot hambaeon. Gin-guyod dayon imaw ni Pedro sa binit ag ginsaway nga indi maghambae it makarato.

Juan 10:24

Pagkakita kana ku mga Judio hay gindueugupan nanda imaw ag ginhambae, “Hasta hin-uno mo pa't-a pahawat-hawaton ro among ginhawa? Prangkaha abi kami kon ikaw gid ro Maneueuwas nga ginpromisa it Dyos.”

Juan 10:6

Gin-istorya ni Jesus kanda ratong paanggid nga istorya pero owa sanda kaeubot ku buot hambaeon kato.

Juan 16:12

“Abo pa kunta ro akong igasugid kinyo, ugaling hay bukon pa kamo it haom magbaton karon.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 16:32

pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

2 Corinto 4:2

Sa amon nga pagturo hay nagalikaw gid kami sa mga tinago nga mga motibo nga makahueuya ag owa man kami gapataeang it tawo. Owa man namon ginabayluhi ro mensahi it Dyos kundi ginaturo namon ro kamatuuran it klaro ag diritso ag sayod it tanan nga matuod ro among ginaturo ngaron, kon batunon eang ku andang konsensya. Ag sayod man it Dyos nga matuod ro among ginaturo.