Juan 16:22 - Inkeanon

²² Makaruyon man kamo. Nagakasubo kamo makaron, pero mapakita pa ako kinyo it uman ag magakalipay gid ro inyong buot, ag owa it makabuoe karon kinyo bisan ano ro magkaeanabo.

Juan 16:22 Iomraidhean Croise

Mateo 28:8

Humalin sanda it dali-dali sa eueubngan nga nakuebaan pero nalipay man it duro. Dumaeagan sanda agod sugiran ro mga sumueunod ni Jesus.

Lucas 10:42

Pero sangka butang gid lang ro importanti ag ruyon ro ginpili ni Maria ag indi ko ron igdimot kana.”

Lucas 16:25

Pero nagsabat si Abraham, ‘Toto, dumduma nga tag nagakabuhi ka pa sa kalibutan hay puro mga manami nga butang ro imong hasamitan. Si Lazarus ma't-a hay puro eang mga kalisod ro anang hasamitan, pero makaron hay nagakalipay imaw riya ag ikaw ma't-a hay nagaantos inha.

Lucas 19:26

Nagsabat imaw, ‘Ginahambae ko kinyo nga ro nagagamit it mayad ku gintugyan kana it Dyos hay tugyanan pa gid it abo, pero ro owa nagagamit it mayad ku gintugyan kana it Dyos hay bawian it Dyos ku bisan sangkiri nga una kana.

Lucas 24:41

Nalipay gid sanda ag nangawa man ngani haeos indi sanda makapati nga imaw rato matuod. Nagpangutana dayon si Jesus, “May makaon kamo iya?”

Juan 14:1

Naghambae si Jesus, “Ayaw kamo it palitik kundi lig-una pa gid ro inyong pagsalig sa Dyos ag pati man kakon.

Juan 14:19

Sa indi magbuhay hay indi eon ako hikita ku mga tawo iya sa kalibutan nga owa nagatuo kakon pero makita ninyo ako. Ag bangod mabanhaw ako, kamo hay taw-an it minatuod nga kabuhi.

Juan 14:27

Aywanan ko kamo it katawhayan sa inyong tagipusuon. Rayang katawhayan mismo hay iya man kakon ag ginatao ko ra kinyo. Ro katawhayan nga itao ko kinyo hay eain gid sa katawhayan nga ginatanyag it kalibutan. Ngani ayaw kamo it palitik ag ayaw kamo magpaeuya it inyong buot.

Juan 16:16

Naghambae pa gid si Jesus, “Sa indi magbuhay hay indi eon ninyo ako makita, pero indi man kapilahan hay makita ninyo ako it uman.”

Juan 16:20

Matuod gid rang ginahambae kinyo nga maueahab kamo ag magatangis sa kasubo samtang ro mga owa nagatuo kakon hay magakalipay. Matuod nga magakasubo kamo pero pagabayluhan man ron sa ulihi it kalipay.

Juan 16:6

Pero sayod ako nga dahil sa akon ngarang mga ginhambae kinyo hay nasubuan gid kamo.

Juan 21:7

Ngani ro sumueunod nga palangga ni Jesus hay naghambae kay Pedro, “Ro Ginuo't-a ron!” Pagkabati ni Simon Pedro nga ro Ginuo rato hay sinuksuk nana ro eambong nga anang inuba, ag eumumpat dayon imaw sa tubi, ag nageangoy pabinit.

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Mga Binuhatan 13:52

Ro mga sumueunod ma't-a nga andang gin-aywanan sa Antioc hay malipayon gid ag ginagamhan permi it Espirito Santo.

Mga Binuhatan 16:25

Kat mga tungang gabii eon hay nagapinangamuyo si Pablo ag si Silas ag nagakinanta it mga kaeantahon sa pagsimba sa Dyos. Nagapinamati man kanda ro ibang mga priso.

Mga Binuhatan 2:46

Adlaw-adlaw hay nagatililipon sanda nga may paghiliugyon sa *lagwirta it Templo ag nagasaeo man sanda sa pagkaon sa mga pamaeay nga may pagpaubos ag kalipay sa andang tagipusuon.

Mga Binuhatan 5:41

Naghalin ro mga apostoles sa *Sanedrin nga nagakalipay ay ginbilang sanda it Dyos nga takos nga mahuy-an por dahil sa andang pagtuo kay Jesus.

2 Corinto 6:10

May tyempo nga masubo kami pero permi man gakalipay bisan una sa kalisod. Mga pobre kami pero paagi kamon hay abo ro gamanggad it manggad nga indi maduea. Owa kami it manggad iya sa kalibutan pero amon man ro tanan nga manggad sa eangit nga ginpromisa it Dyos.

2 Tesalonica 2:16

Ginahigugma kita it Dyos. Dahil sa anang sobrang kabuot hay ana kita nga gintaw-an it owa it katapusan nga pagpabaskog it buot, ag kasiguruhan ku atong mayad nga kahimtangan sa ulihi. Nagapangamuyo kami nga ro atong Ginuo mismo nga si Jesu-Kristo ag ro Dyos nga atong Ama

Mga Hebreo 10:34

Nag-unong man kamo sa mga hapriso dahil sa andang pagtuo. Ag tag ginbuoe ku mga may otoridad ro inyo nga mga pagkabutang hay nalipay 't-a kamo nga makaagi karon dahil sayod kamo nga taw-an kamo it Dyos sa ulihi it mas pa karon nga mga butang nga magapabilin hasta sa owa it katapusan.

Mga Hebreo 6:18

Ro promisa ag ro sumpa ngaron hay indi gid magbag-o ay imposible gid nga magpinuril ro Dyos. Ngani paagi sa daywa ngara, kita nga nagdangop kana agod anang proteksyunan hay may grabi nga kabaskog it buot nga magpati it malig-on nga aton nga mabaton sa ulihi ro ginpromisa it Dyos.

1 Pedro 1:8

Owa pa ninyo hakita si Jesu-Kristo pero inyo imaw nga ginahigugma, ag bisan indi pa ninyo imaw hikita makaron hay nagatuo gihapon kamo kana. Ag owa it bisaea nga makalarawan ku inyong kalipay nga owa it katupong.