Juan 16:20 - Inkeanon

²⁰ Matuod gid rang ginahambae kinyo nga maueahab kamo ag magatangis sa kasubo samtang ro mga owa nagatuo kakon hay magakalipay. Matuod nga magakasubo kamo pero pagabayluhan man ron sa ulihi it kalipay.

Juan 16:20 Iomraidhean Croise

Mateo 21:38

Pero pagkakita ku mga manog-agsa nga nagapaeangop ro unga ku tag-ana it ubasan hay nagkaeasugot sanda. Hambae nanda, ‘Hara ro manunubli ku ubasan ngara. Patyon ta imaw agod aton eon dayon ro anang paeanublion ngara.’

Mateo 5:4

Bulahan ro mga nagakasubo dahil sa andang mga saea, ay sanda ro pagaaeam-aeaman it Dyos agod magbaskog ro andang buot.

Marcos 14:72

Pagkahambae kara ni Pedro hay nagpamaeo eon man ro manok. Hadumduman dayon ni Pedro ro hambae ni Jesus, “Bago ro manok magpamaeo it ikaywa hay tatlong beses mo nga ipanghiwaea nga kilaea mo ako.” Owa gid ni Pedro mapugngi ro anang baeatyagon ag nagtinangis imaw.

Marcos 16:10

Nag-adto si Maria Magdalena sa mga sumueunod nga nagatinangis ag nagakangusbo. Ginsugiran nana sanda nga hakita nana si Jesus.

Lucas 22:45

Pagkapangamuyo nana, nagtindog imaw ag nagbalik sa anang mga sumueunod. Haabutan nana sanda nga hakatueugan sa andang kasubo.

Lucas 22:62

Pumanaw dayon si Pedro ag nagtinangis imaw it pwerti.

Lucas 23:27

Kaabo-abo nga mga tawo ro nagsinunod kay Jesus pati mga bayi nga nagatinangis ag nagainueahab dahil sa kaeuoy kana.

Lucas 24:17

Naghambae si Jesus kanda, “Ano gid-a ro inyong ginaistoryahan ngaron samtang nagatinikang kamo?” Nagpundo sanda ag makita gid sa andang uyahon ro kasubo.

Lucas 24:21

Nagaeaom gid kami nga imaw eon ro magahilway katon nga mga inapo ni Israel, ugaling hay ikatlong adlaw eon ra nga ginpatay imaw ag owa pa gihapon it natabo.

Lucas 6:21

Bulahan kamo nga mga ginagutom makaron ay mabusog gid kamo. Bulahan kamo nga nagatangis makaron ay magakalipay gid kamo.

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 16:6

Pero sayod ako nga dahil sa akon ngarang mga ginhambae kinyo hay nasubuan gid kamo.

Juan 20:20

Pagkatapos, ginpakita nana kanda ro anang alima ag kilid. Pagkakita nanda kato hay nalipay sanda ay sigurado sanda nga ro andang hakita hay ro Ginuo gid.

Mga Binuhatan 5:41

Naghalin ro mga apostoles sa *Sanedrin nga nagakalipay ay ginbilang sanda it Dyos nga takos nga mahuy-an por dahil sa andang pagtuo kay Jesus.

Mga TagaRoma 5:11

Ag bukon eang it duyon ay bisan sa makaron hay nagakalipay eo't-a kita ay nagmayad eon ro atong relasyon sa Dyos paagi sa kamatayon ku atong Ginuo nga si Jesu-Kristo.

2 Corinto 6:10

May tyempo nga masubo kami pero permi man gakalipay bisan una sa kalisod. Mga pobre kami pero paagi kamon hay abo ro gamanggad it manggad nga indi maduea. Owa kami it manggad iya sa kalibutan pero amon man ro tanan nga manggad sa eangit nga ginpromisa it Dyos.

Mga TagaGalacia 5:22

Pero kon ginagiyahan kita ku Espirito Santo, makaraya ro bunga karon sa atong kabuhi: kita hay mahigugmaon, malipayon, may katawhayan, mapinasensyahon, mabuot, mayad magtratar sa isigkatawo, masaligan,

1 Tesalonica 1:6

Ag inyo gid-a nga ginbaton ro among mensahi nga may kalipay halin sa Espirito Santo bisan grabi ro paghingabot kinyo. Sa inyong pagtiniis it mga paghingabot ngaron hay ginatuead ninyo kami, pati ro Ginuo.

Santiago 1:2

Mga kaigmanghuran ko sa pagtuo, kada ngani mag-abot ro sari-sari nga pagtesting sa inyong pagtuo hay bilanga ron ninyo nga rason nga dapat kamo magkalipay it duro,

Judas 1:24

Ngani makaron, dayawon ta ro Dyos nga makasarang magbantay kinyo agod indi kamo matentar nga magkasaea, ag makasarang man imaw nga paatubangon kamo kana sa ulihi nga mga owa eon it ikasaway. Ag grabi gid ro inyong kalipay sa inyong pag-atubang kana nga owa it katupong sa pagkadaeayawon.

Pahayag 11:10

Ro tanan nga tawo sa bilog nga kalibutan nga owa magtuo hay magakalipay ag magahilinadya, ag magataeaw-an it regalo dahil patay eon ro daywa ngato nga manogtagna, ay dahil kanda hay ginpakalisdan it duro ro mga tawo iya sa kalibutan.

Pahayag 18:7

Dapat nga pasamiton man imaw it grabi nga kasakit ag kasubo nga tupong sa anang pagkabugaeon, ag grabing pagpagusto sa anang luho. Sa isip abi nana, ‘Dahil sa akong gahom ag manggad hay matsa rayna man ako. Bisan hin-uno hay owa man ako it dapat nga kabaeak-an o kasubuan nga matsa baeo't-a ako’