Juan 16:2 - Inkeanon

² Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 16:2 Iomraidhean Croise

Mateo 10:28

Ayaw kamo it kahadlok sa makapatay sa inyo eang nga eawas pero indi makapatay sa inyong kaeag. Ro dapat ninyong kahadlukan hay ro Dyos nga makapina it grabi ku inyong eawas, ag pati man ku inyong kaeag sa impyerno hasta sa owa it katapusan.

Mateo 24:9

“Sa ulihi, pagakaugtan kamo ku tanan nga mga tawo bangod mga sumueunod nakon kamo. Pagadakpon kamo ag itugyan sa mga magapasakit ag magapatay kinyo.

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Juan 12:42

Bisan kaeabanan sa mga Judio hay owa magtuo kana, abo ma't-a gihapon ro nagtuo. Bisan ngani sa andang mga manogdumaea hay abo ro nagtuo man kay Jesus, ugaling hay owa ra nanda ginasugiran ay nahadlok sanda nga indi eon pagpasudlon ku mga Pariseo sa sinagoga,

Juan 16:25

Naghambae pa gid si Jesus, “Gagamit ako makaron it mga paanggid nga istorya sa pagsugid kinyo ku mga bagay ngara. Pero maabot ro oras nga indi eon ako maggamit karon kundi ihambae ko kinyo it diritso ag klaro ro parti sa Dyos Ama.

Juan 16:32

pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

Juan 4:21

Nagsabat si Jesus, “Patihi ro akong ginahambae ngara kimo, Nang. Maabot ro oras nga bukon eon it importanti kon iya sa bukid ngara o sa Jerusalem magsimba sa Dyos Ama ro mga tawo.

Juan 4:23

Pero maabot ro oras ag makaron eon ngani ron, nga ro pagsimba ku mga tawo sa Dyos Ama hay sa bug-os nandang tagipusuon ag kabubut-on ag nabase sa kamatuuran halin kana. Makaruyon abi nga klasi it pagsimba ro anang ginausoy sa mga tawo.

Juan 9:22

Duyon sinanda ay nahadlok sanda sa mga manogdumaea ngato tungod nagkaeasugot ro mga manogdumaea nga ro bisan sin-o nga magkilaea nga si Jesus ro Maneueuwas nga ginpromisa it Dyos hay indi eon pagpasudlon sa sinagoga.

Juan 9:34

Naghambae dayon ro mga Pariseo, “Matsa sin-o ka gid a! Halin pa ku pagbugtaw mo sa kalibutan hay nagapinakasaea ka eon, tapos imo pa kami nga tud-an?” Indi eon nanda imaw pagpasudlon sa sinagoga.

Mga Binuhatan 5:33

Naakig gid it duro ro mga myembro it *Sanedrin pagkabati kara ngani gusto nandang ipapatay ro mga apostoles.

Mga Binuhatan 7:56

Hambae ni Esteban, “Haron! Bukas ro eangit ag kita ko ro *Unga it Tawo nga nagatindog sa tuo it Dyos!”

1 Corinto 4:13

Ginasamaran kami pero mayad gihapon ro among pagsabat sa nagapangsamad kamon. Hasta makaron hay basura ro pagtan-aw kamon ku mga tawo sa kalibutan ag makangingil-ad.

Mga TagaFilipos 3:6

Tungod sa akong grabi nga pagkadeboto sa among relihiyon hay mawron ngani nga ginhiningabot ko anay kato ro mga tumueuo ni Jesus. Kon parti man sa pagkamatarong paagi sa pagtuman sa Kasuguan hay owa kakon it ikasaway karon.

Pahayag 6:9

Tag ginsamad ku Tiyo it Karnero ro ikalima nga selyo ku binaeueon nga sueueatan hay hakita ko dayon sa ubos it altar ro mga kaeag ku mga tawo nga ginpamatay tungod sa andang pagtuman sa hambae it Dyos ag sa andang matutom nga pagpamatuod parti kara.